Éxodo 24:10 - Bible in Tzeltal de Oxchuc y Tenejapa

¹⁰ Tey la yilic a te Dios yu'unique. Ta yet'al yacan ay bila mero yax la yilic jich bit'il ch'ulchan, jich bit'il piso pasbil ta lequil zafiro-ton te jich yilel bit'il mero q'uepel te q'uinale.

Bible in Tzeltal Bachajón

¹⁰ la yilic te Dios yu'un Israel. Ta ye'tal yoc sjel ta limbil zafiro-ton, hich yilel te bin ut'il ch'ulchan c'alal buen q'uepel.

Éxodo 24:10 Referans Kwoze

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

Ezequiel 10:1

La quil xan te ay bila joyol tey a, te ay ta yajc'olal sjolic te querubínetic. Jich la quil te pajal soc muc'ul nactijibal yilel pasbil ta zafiro-ton.

Apocalipsis 4:3

Te mach'a nacal tey a ta bay te muc'ul nactijibale, sacleman nax soc tsajxojan nax jich bit'il lequil tonetic te jaspe soc cornalina sbiilique. Soc joyol ta arco iris te muc'ul nactijibal te xlememet xyaxal te xojobil, jich bit'il te esmeralda-tone.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

Éxodo 33:23

Ta patil ya me jq'uej bael te jc'ab te ya jmacat a. Ja' nax me ya awilbon c'axel te jpate; yan te quelawe ma xju' ta ilel —xi' te Diose.

Éxodo 33:20

Ja'uc me to, jamal ya calbat, ma xju' ya awilbon te quelawe. Ma'yuc jtuluc winic ya xju' ya yilbon jsit te stalel cuxul ya xjile —xi'.

Génesis 32:30

Te Jacob la slebey sbiil te banti jich c'ot ta pasele. Peniel sbiil c'ot yu'un, yu'un la yal: “Tey la quilbey sit a te Diose; ja'uc me to cuxulon, ma ba lajon yu'un”, xi'.

Apocalipsis 21:11

Te muc'ul lum, xlemet nax yutsil xojobil tey a te Diose. Te xojobile pajal yilel soc te bit'il xlemet nax t'ujbil saquil ton te jaspe sbiile, te ya xc'ax jsitic ta yilel q'uinal a jich bit'il te cristale.

1 Juan 4:12

Jtul ma'yuc mach'a yilojbey sit te Diose. Teme talel c'axel c'ux ya caiy jbajtique, yu'un nanix jc'axel ainemix ta co'tantic a te Diose, soc jich me ya cac'tic ta ilel te xc'uxul yo'tan Dios cu'untic.

San Juan 14:9

Jesús la yalbey: —Felipe, bayalix c'aal te joinejexe. ¿Ma to bal x'ana'bon jba? Te mach'a yilojonixe, ja' yilojix uuc te Jtate. ¿Bistuc te jich la awale: “Ac'botic quiltic te Tatile”, te xaate?

San Mateo 17:2

C'atp'uj ta sitic tey a te Jesuse. Te sit yelawe xlemet nax jich bit'il te c'aale, soc buen sac c'ot te sc'u'-spaq'ue.

Apocalipsis 1:16

Ta swa'el sc'ab sloch'oj juqueb eq'uetic. Soc yac ta loq'uel puñal ta ye te xcha'jejch'el ay yee. Te sit yelawe xlememet nax xojobil jich bit'il c'aal te bayal yip ya xtile.

San Juan 6:46

“Ma'yuc mach'a yiloj te Jtate. Jo'on nax quiloj jtuquel te bit'il tey talemon a.

Cantares 6:10

¿Mach'a a te ya xchicnaj ta ilel te ja' pajal soc te c'aal ya xchicnaj ta jujun sabe? Buen t'ujbil jichuc u, bayal xojobil jichuc c'aal, ya stsalawan jichuc jchajp soldadoetic te ayic ta marcha.

1 Reyes 22:19

La yal xan te Micaías: —Ja' yu'un te bi la awalixe, aiya me awaiy te sc'op Cajwaltic: La quil te Cajwaltic nacal ta smuc'ul nactijib, soc la quilbey spisil te ch'ul abatetic ta ch'ulchan, tec'ajtic ta sts'eel ta swa'el soc ta xq'uexen.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Éxodo 24:11

Ma'yuc bila pasbotic yu'un Dios te israeletic te bit'il la yilique. We'ic, uch'ajic ta spisilic.

Números 12:8

melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

Cantares 5:14

Te jujun sc'abe, pajal soc xotbil oro ch'albil ta t'ujbil c'anal topacioetic. Ta scojt'ol, juxbil marfil yilel, yich'oj ch'alil ta yaxal zafiro.

Lamentaciones 4:7

C'ax to xan sac jichuc toib te winiquetic tsabilique, c'ax to xan saquic, jich bit'il te leche; te sbaq'uetale, c'ax to xan yutsilic a te bit'il tsajal coral-ton; te sit-yelawe, c'ax to xan ya xtil yutsilal te bit'il zafiro.

Ezequiel 1:1

Jo'on te sacerdote Ezequiel te snich'anon Buzi. Ay jun c'aal te ayon ta sti'il muc'ja' Quebar a, te ay ta sq'uinal Babilonia, soc ja' nix joy te yantic te ic'oton ta mosoil soque. Ja' yorail a la sjam sba te ch'ulchane, ac'boton quil te Diose. Yo'ebal c'aal a te xchanebal u, te slajunebal xcha'winic (30) ja'wile, jo'eb ja'wil sbael a te ic'ot bael ta chuquel te muc' ajwalil cu'untic Joaquín. Te Cajwaltic la yac' tel yu'el ta jtojol.

Daniel 10:17

¿Bit'il ya xju' ya xc'opojon ta atojol te abaton awu'une? Mero jc'axel lajem quip ya caiy, ya xtup'ix quic' ya caiy —xoon.

Génesis 32:31

C'axemix tel ta Peniel a te loc' tel te c'aale, xcoxcon yac ta beel bael.

2 Crónicas 6:17

Jich yu'un, Cajwal, Dios yu'un Israel, c'otesa ta pasel te bila la achap soc te awabat David.