Éxodo 23:9 - Bible in Tzeltal de Oxchuc y Tenejapa

⁹ “Ma me xawuts'inic te jyanlume, melel ayix ta awo'tanic te bi yaiyel ainel ta yan lumq'uinal, yu'un jich nix me jyanlum c'oex ta Egipto.

Bible in Tzeltal Bachajón

⁹ Ma xawuts'in te jyanlum, como ha'ex ana'ojic bin ut'il ay yo'tan te jyanlum, yu'un ha nix hich jyanlumex c'axex ta sq'uinal Egipto.

Éxodo 23:9 Referans Kwoze

Deuteronomio 27:19

“Boloben me sc'oplal ta jyalel te mach'a ya spasbey bila ma stojiluc ta stojol jyanlum, o me'ba ants, o me'ba alaletic”. “Jichuc”, xiic me ta spisil te lume.

Éxodo 22:21

“Te jyanlum te nainem ta awolilic, ma me xawuts'inic, soc ma me xawaq'uic ta woclajel, melel jich nix me jyanlum c'oex ta Egipto.

San Mateo 18:33

Jich nix la sc'an lajuc ac'uxtay uuc te ajoye, jich bit'il la jc'uxtayat te jo'one”, la yut.

Ezequiel 22:7

Te alumale ma xyich'ic ta muc' te sme'-statique, ya yuts'inic te jyanlumetique, ya yac'bey swocol te me'ba alaletique soc te me'ba antsetique.

Salmos 94:6

Ya smilic te me'ba antsetic soc te jyanlumetic; ya yaq'uic ta lajel te mach'atic me'ba alaletique.

Deuteronomio 10:19

Ja' yu'un te ja'exe c'uxtayaic me te jyanlumetique, na'aic me te ja' nix jich jyanlumex c'axex ta Egipto.

Éxodo 21:21

Teme cuxin xan jun cheb c'aale, ma ba ya x'ac'bot stoj melel yu'uninej te abate.

Levítico 19:33

“Ma me xawac'bey swocol te jyanlum ay ta awolilique.

Deuteronomio 23:7

“Ma me xawilayic stuquelic te edometic, melel achapomal stuquelic. Soc ja' nix jichic te egipcioetic, melel nainex ta sq'uinalic.

Ezequiel 22:29

Te yajwal lume yat'elinejic elec' soc uts'inwanej. Ya yac'bey swocolic te me'baetique soc te mach'atic ma'yuc bila ay yu'unic. Ya yuts'inic te jyanlumetique, soc ya spasbeyic te bila ma stojiluque

Éxodo 22:20

“Te mach'a ya yac'bey milbil smajt'an lotil dios, teme ma ja'uc ya yac'bey stuquel te Cajwaltique, jc'axel me ya yich' chajbanel sc'oplal ta milel.