Éxodo 23:8 - Bible in Tzeltal de Oxchuc y Tenejapa

⁸ “Ma me xach'uun stsaquel taq'uin ta swenta xchajbanel aiyej, ya me xc'atp'ujat ta ma'sit yu'un c'oem. Jich ya xch'ay c'uxtayel ta swenta te mach'a toj yat'ele.

Bible in Tzeltal Bachajón

⁸ Ma xatsac mahtanil scuenta schahpanel c'op, yu'un ha ya sc'atp'ujtes ta ts'o'sit te mach'atic ya yilic q'uinal soc ya showitesbe sc'op te mach'atic toj yo'tanique.

Éxodo 23:8 Referans Kwoze

Deuteronomio 16:19

Ma me xajowtesic te bila stojil aye, pajal nax me xachajbanic te lume. Ma me x'atsaquic taq'uin ta swenta yuts'inel yantic, melel te stsaquel taq'uin swenta uts'inwaneje ya stup'bey sit te mach'atic p'ijique soc ya yixlanbey te sc'opic te mach'atic toj yo'tanique.

Isaías 5:23

Te ja'exe, ta scaj taq'uin te ya awalbey sc'oplal te ma'yuc smul te mach'a ay smule, soc te ma ba toj ya achajbanic te mach'a ma'yuc smule.

Proverbios 17:23

Te mach'a amen yo'tan ya xch'uun yich'el smajt'an taq'uin ta muquen yu'un sboltesel te tojil chajbanele.

Proverbios 15:27

Te mach'a ya yac' sba ta bic'tal-o'tanil, ja' ya sjin a te snae; yan te mach'a ma stsac te majt'anil taq'uin yu'un mulile, ja' ya xcuxin stuquel.

1 Samuel 8:3

Pero te snich'nab ma jichuc lec yat'elic te bit'il statique. Bayal bic'taj yo'tanic yu'un c'ulejalil soc yantic majt'aniletic, ma ja'uc la spasic te bi stojil ta pasele.

Eclesiastés 7:7

Te uts'inel ya sjinbey sjol te mach'a ay sp'ijile; te mach'a ya yich' taq'uin yu'un ma tojuc ya xchajbanwan, ya xbolob stalel yu'un.

Proverbios 17:8

Te mach'a spisil ora ya yac' majt'anil taq'uin, jich ya scuy sba te ay bi ya xju' yu'un ta sc'ope; melel ay bi ya xloc' yu'un a te bayuc ya xbajt'e.

Salmos 26:10

ja' te mach'atic nojel sc'ab yu'un te mulile, te nojel sc'ab yu'un smajt'an ta leaw ta c'op.

1 Samuel 12:3

Yo'tic li' ayon ta atojolic. Teme ay mach'a la jpojbey swacax o sburro, teme ay mach'a ay swocol cu'un, teme ay mach'a la jtojol-lebey smul, teme ay ma tojuc la jchajban ta swenta sbic'tal co'tan yu'un taq'uin, ya xju' ya awalbonic jmul ta stojol te Cajwaltic soc ta stojol te muc' ajwalil te ja' nix stsaoje. Ya me jtojbey te mach'a ay jbet yu'une —xi'.

Deuteronomio 10:17

Melel te Cajwaltic te Dios cu'untique ja' toyol yu'un yantic bitic cuybilic ta Dios, soc ja' Ajwalil toyol yu'un yantic ajwaliletic. Ja' Dios stuquel te ma'yuc mach'a wentainbil yu'une. Spisil ya xju' yu'un, ay ta xi'el stuquel. Pajal sc'oplal yu'un spisil te ants-winiquetic, soc ma xchon sba ta swenta majt'aniletic.

Miqueas 7:3

Ja'ic maestroetic yu'un spasel te bila amene. Te ajwaliletic ya sujawanic ta sc'anel majt'anil. Te juecetic ya sc'an smajt'an taq'uinic ta muquen. Te mach'atic tulanic ya spasic te bila ya sc'an yo'tanic soc ya sjowtesic te lume.

Amós 5:12

Jo'on ya jna' te bayal bila amen apasojic soc te ma'yuc slajibal te amulique. Ya atenic ta uts'inel te mach'a toje, ya atsac amajt'an taq'uinic, soc ta bay chajbajibal ma'yuc sc'oplal ya xc'ot awu'unic te bila ya sc'an te me'bae.

Ezequiel 22:12

Te alumale ay ya xchon sbaic yu'un ya smilic yantic. Ya sc'anbey sjol staq'uin te c'alal ya yac' ta majanele, ya slo'lay ta sc'ajc'al te spat-xujq'ue, ya xch'ayon ta yo'tanic. Jo'on Ajwalilon te jich caloje.

Proverbios 19:4

Teme ay jc'ulejaltique, bayal mach'a ya st'unotic yu'un; yan teme me'ba ayotique, ma'yuc mach'a ya st'unotic yu'un.

Isaías 1:13

Ma me x'awac'bonic majt'anil te ma'yuc sc'oplal cu'une; ma xcujch'ix cu'un te xch'ailele. Te ja'ex ya awiq'uic te alumal te ya apasic q'uin yu'un te yach'il u soc te sc'aalelal cux-o'tan; te jo'one ma jmulan te q'uinetic yu'un te alumal te bit'il yacalic ta spasel te bitic amene.

Salmos 15:5

ja' te mach'a ya yac' ta majanel staq'uin te ma sc'anbey sjole; ja' te mach'a ma stsac smajt'an-taq'uin yu'un te mach'a tojol nax ay ta uts'inele. Te mach'a jich ya spase, ma me ayuc bi ora ya sta swocol yu'un.

Isaías 1:23

Toybaetic te ajwaliletic awu'unique, ja' sjoy sbaic soc te j'eleq'uetique. Spisilic ya spasic chajbanwanej ta puro taq'uin, ya sleic te yacuc ac'botuc majt'aniletique. Ma ba lec ya xchajbanic te me'ba alaletique, ni ma'yuc sc'oplal ta yo'tanic te bitic ay ta swentaic te me'ba antsetique.

Isaías 5:22

¡Ya me awil awocolic, ja'ex te ya stsalwanex ta yuch'el vino, soc te ma'yuc mach'a ya spajat ta xchajbanel te tragoe!

Isaías 33:15

Te mach'a toj ya yac' sba soc te smelelil ya xc'opoje, te mach'a ma xyac' sba ta c'ulejal ta xiwteswanej soc yip, soc te ma xyac' sba ta chonel ta scaj majt'aniletic, teme ma xch'uun spasel te ya x'albot sc'oplal te bitic amen ta pasele, soc te ya smuts' sit swenta yu'un ma xyil te bila amene,