Éxodo 23:7 - Bible in Tzeltal de Oxchuc y Tenejapa

⁷ “Ma me xawac' aba ta jowil leaw ta c'op te ya achajbanbey sc'oplal ta lajel te mach'a ma'yuc smul te toj yo'tane, yu'un ya me cac'bey castigo te mach'a ya sta smule.

Bible in Tzeltal Bachajón

⁷ Namaluc me ya xhil awu'un te lotil c'op, soc ma me xawac' ta milel te mach'a mayuc smul soc te mach'a toj yo'tan, como ma ba ya cal te mayuc smul te mach'a chopole.

Éxodo 23:7 Referans Kwoze

Efesios 4:25

Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

Deuteronomio 27:25

“Boloben me sc'oplal ta jyalel te mach'a ya yich' taq'uin yu'un smilel te mach'a ma'yuc bila smulinej yu'une”. “Jichuc”, xiic me ta spisil te lume.

Éxodo 34:7

Ma xch'ay xc'uxul co'tan ta stojol jmil ta caj awal-anich'an. Ya jpasbey perdón yu'un te stoybailic, te xc'axintayel jmandal, soc spisil te smulique. Ja'uc me to, ma xch'ay castigo ta stojol te mach'a ay bila smulineje. Ya me cac'bey castigo yu'un stoybailic te sme'-static, te snich'nabic soc te snich'nabic uuc te snich'nabe, c'alal ta yoxcajal, xchancajal te yal-snich'nabe —xi' te Cajwaltique.

Éxodo 23:1

“Ma me lotil aiyejiluc xawal ta testigo, soc ma me xawac' aba ta testigo yu'un te mach'a amen te bila spasoje.

1 Tesalonicenses 5:22

Ijq'uitayaic me jilel spisil te bila amene.

Levítico 19:11

“Ma me x'awaiyic elec'. Ma me xapas abaic ta lot, soc ma me talel c'axeluc xalo'lay abaic.

Romanos 1:18

Melel te yilimba te Diose ya xchicnaj tel c'alal ta ch'ulchan ta stojolic te ants-winiquetic te ma xyich'ic ta muc' te Diose soc te ma stojiluc te bila ya spasique, soc te smacojic a te smelelil c'ope.

San Lucas 3:14

Ay talic uuc te soldadoetique. La sjojc'oyic uuc: —Ja' xan te jo'otique, ¿bila ya sc'an ya jpastic uuc? —xiic. La yalbey yaiyic: —Ma me ayuc mach'a xapojbeyic sbiluc ta swenta nax ac'ajc'al-c'opic soc ta jontol le-mulil. Tic'anic me a te atojol te ya x'ac'botexe —la yut.

Nahúm 1:3

Te Cajwaltic sts'icojbey to te smule; ja'uc me to, muc' te yu'ele. Ma xch'aybey castigo ta stojol te mach'a ay smule. Te Cajwaltic ya scajtijibin ta beel te tulan iq'ue; te tocaletic jich c'oem te bit'il tan te ya xwil te c'alal ya xbeene.

Isaías 33:15

Te mach'a toj ya yac' sba soc te smelelil ya xc'opoje, te mach'a ma xyac' sba ta c'ulejal ta xiwteswanej soc yip, soc te ma xyac' sba ta chonel ta scaj majt'aniletic, teme ma xch'uun spasel te ya x'albot sc'oplal te bitic amen ta pasele, soc te ya smuts' sit swenta yu'un ma xyil te bila amene,

Proverbios 17:15

Teme ya yich' aq'uel ta libre te mach'a ay smul, soc teme ya x'ac'ot ta lajel te mach'a ma'yuc smule, ta xchebal yilayej te Cajwaltique.

Job 22:23

Teme ya sujt'at ta stojol te Mach'a Spisil ya xju' yu'un, teme ya apejc'an aba ta stojole, soc teme ya aloq'ues te bila amen ta ana,

Éxodo 20:13

“Ma me x'awaiy milaw.

Génesis 18:23

Noptsaj xan bael te Abraham, jich la sjojc'obey: —¿Pajal bal ya awac' lajuc soc mach'a amen yo'tan te mach'a toj yo'tane?

Éxodo 20:16

“Ma me x'ochat ta lotil testigo ta stojol apat-axujc'.

Levítico 19:16

“Ma me x'ochat ta le-c'op soc te alumale. “Ma me xawac' aba a teme ay ya yich' milel te alumale. Jo'on Ajwalilon.

Deuteronomio 25:1

“Teme ay mach'atic ya stsac sbaique, ya me sc'an te puersa ya xc'axic ta stojol stsojbol te juecetique, swenta yu'un ya me yich'ic chajbanel. Te juecetic ya me yalic ta jamal te mach'a ma'yuc smule. Ya me sticunic ta yich'el castigo stuquel te mach'a ay smul loq'ue.

Salmos 94:21

Ya xchajbanbeyic sc'oplal te mach'a ma'yuc bila amen spasoj, ya yaq'uic bael ta lajele.

Salmos 119:29

Ma xawac'on ta pas-lot; wocoluc, ac'bon me te p'ijubtesel awu'une.

Proverbios 11:21

Te mach'atic amen yo'tanic, ya me yich'ic castigo ta mero melel, yan te mach'atic toj yo'tanique, libre ya xc'otic.

Isaías 5:20

¡Ya me awil awocolic, ja'ex te lec c'oem awu'unic te bila ma lecuque, soc te ma lecuc c'oem awu'unic te bila leque. Ja' c'atp'ujem ta saquil q'uinal awu'unic te ijc' q'uinale, yan te ijc' q'uinale ja' saquil q'uinal c'oem awu'unic. Ya ac'atp'unic ta ch'a te bila chi'e, yan te bila ch'ae ja' chi' ta awo'tanic!