Éxodo 23:6 - Bible in Tzeltal de Oxchuc y Tenejapa

⁶ “Ma me xach'aybey sc'oplal ta c'uxtayel ta stojol jchajbanwanejetic te mach'a ma'yuc bila ay yu'une.

Bible in Tzeltal Bachajón

⁶ Ma xawac' te ma ba toj ya yich' chahpanel te c'op yu'un te pobre.

Éxodo 23:6 Referans Kwoze

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Jeremías 5:28

soc buen jujp'enic, melel lec we'emic. Te bila amen ya spasic ma'yuc slajibal yu'unic; ma'yuc bila lec ya spasbeyic te me'ba alaletique, ni ya sna'beyic te bila ay ta swenta te mach'atic me'baetique.

Eclesiastés 5:8

Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

Deuteronomio 27:19

“Boloben me sc'oplal ta jyalel te mach'a ya spasbey bila ma stojiluc ta stojol jyanlum, o me'ba ants, o me'ba alaletic”. “Jichuc”, xiic me ta spisil te lume.

Deuteronomio 16:19

Ma me xajowtesic te bila stojil aye, pajal nax me xachajbanic te lume. Ma me x'atsaquic taq'uin ta swenta yuts'inel yantic, melel te stsaquel taq'uin swenta uts'inwaneje ya stup'bey sit te mach'atic p'ijique soc ya yixlanbey te sc'opic te mach'atic toj yo'tanique.

Levítico 19:15

“Stojil me xachajban yu'un smul te mach'a ya atabey smule, ma me ja'uc ya ana'bey yo'bolil sba te mach'a ma'yuc yipe, soc ma me xbic'tajat ta stojol te mach'a bayal yipe. Ja' me xat'un ta pasel te bila stojil te c'alal ya awac'bey castigo yu'un smul te mach'a ya atabey smule.

Jeremías 7:6

teme ma ba ya atojol-uts'inic te jyanlumetic, te me'ba alaletique, soc te me'ba antsetique, teme ma xamilic te mach'a ma'yuc smul li' ta bay q'uinal to, teme ma xach'uunic yantic loc'ombaetic, te ja'ex nix te tey ya aboltes abaic a,

Jeremías 6:28

Cajwal, ta spisilic mero toybaetic ta jyalel; bayal ya xjelawic ta c'op, soc jowejem sjolic; pajal soc bronce soc tulanil taq'uinetic.

Job 31:13

“Teme ay bitic la sc'anbon jtuluc abat cu'un, spisil ora la cac'bey te bila la sc'anbone.

2 Crónicas 19:7

Ja' yu'un, ich'aic ta muc' te Cajwaltic, soc tsajtaya me abaic yu'un te bila ya apasique, melel te Cajwaltic Dios cu'untic ma me smulan te bay ma lequil chajbaneluque, soc te bay tsabil nax awu'une, soc teme ya awaiy chajbanwanej ta swenta taq'uin —xi' te Josafat.

1 Samuel 8:3

Pero te snich'nab ma jichuc lec yat'elic te bit'il statique. Bayal bic'taj yo'tanic yu'un c'ulejalil soc yantic majt'aniletic, ma ja'uc la spasic te bi stojil ta pasele.

Proverbios 18:5

Te juecetic ma lecuc teme ja' ya xc'uxtayic te mach'a ay smule, soc teme ja' ya xch'aybeyic sderecho te mach'a ma'yuc smule.

Proverbios 22:22

Ma me x'awuts'in te me'baetic ta scaj nax te ma'yuc bila ay yu'un ya awile; ma me x'aten ta c'op ta stojol juez te mach'a ma'yuc bila ya scoltay sba a.

Proverbios 31:5

Melel ya me xch'ay ta yo'tanic te mandaliletique, jich ma ba lec ya xchajbanic a te mach'a mero pec'ajtique.

Isaías 5:23

Te ja'exe, ta scaj taq'uin te ya awalbey sc'oplal te ma'yuc smul te mach'a ay smule, soc te ma ba toj ya achajbanic te mach'a ma'yuc smule.