Éxodo 23:31 - Bible in Tzeltal de Oxchuc y Tenejapa

³¹ Ta bay c'alal ya xcom te aq'uinalique, jich ay: Ja' to me ta bay Mar Rojo, c'alal ta bay mar yu'un te filisteoetic, soc te bay jochol taquin q'uinal, soc c'alal ta bay muc'ja' Éufrates. Cac'ojbatix ta ac'abic yajwal te lumq'uinal, ja'ex me ya atenic loq'uel.

Bible in Tzeltal Bachajón

³¹ Ha sti'il aq'uinal ya xc'oht cu'un te Mar Rojo c'alal ta mar yu'un filisteohetic, soc ta jochol taquin q'uinal c'alal ta muc'ul-ha' Éufrates, yu'un ya ca'bat ta ac'ab te mach'atic nahinemic tey ta q'uinal, soc ha'at yac atenticlan loq'uel ta atojol.

Éxodo 23:31 Referans Kwoze

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Deuteronomio 11:24

Te banti ya ateq'uic te lumq'uinale, ja' me awu'unic ya xc'ot. Te sti'ile ya me xjajch' ta jochol taquin q'uinal, ya xc'ot c'alal ta Líbano, soc ya xjajch' ta muc'ul ja' Éufrates ya xc'ot c'alal ta Mar Mediterráneo.

Josué 21:44

Te Cajwaltic la sc'otes ta pasel te bila yaloj, soc la yac' lamajuc q'uinal ta sjoylejal. Te scontroique ma'yuc bay tsalotic yu'un, melel te Cajwaltic la yac'bey yaiyic tsalaw.

Josué 1:4

Ya cac'bat spisil te q'uinal c'alal ta bay jochol taquin q'uinal ja' to c'alal ta witsetic yu'un Líbano, soc c'alal ta muc'ja' Éufrates, ja' spisil te sq'uinal hititaetic, ja' to c'alal ta Mar Mediterráneo.

Josué 24:18

Ja' la sloq'uesbotic bael ta jtojoltic ta spisil te lumetic ta bay beenotique, jich bit'il te amorreoetic te nainemic li'to. Ja' yu'un ta jpisiltic, jun me co'tantic ya cac' jbajtic ta abatinel ta stojol te Cajwaltic, melel ja' Dios cu'untic stuquel —xiic.

Salmos 72:8

Ac'a swentain jajch'el ta sti'il mar c'alal ta yan sti'il, soc ta muc'ja' Éufrates c'alal ta slajibal sti'il balumilal.

1 Reyes 4:24

Melel te Salomón swentainej ta spisil ta jsejp q'uinal ay ta stojol smalib c'aal yu'un Eufrates, jajch'em ta lum Tifsa, c'alal ta lum Gaza. Ich'bil ta muc' yu'un spisilic te muc' ajwaliletic tey ayic ta banti te q'uinale, la yac' lamajuc q'uinal ta sjoyobal.

Jueces 11:21

Ja'uc me to, te Cajwaltic te Dios cu'untic te Israelotic te lumotic yu'une, la yac'botic jtsaltic te Sehón soc te soldadoetic yu'une.

Jueces 1:4

Jich yu'un te sts'umbal Judá la spojbey sq'uinal te cananeoetic soc te sq'uinal ferezeoetic, ja' te mach'atic ac'botic ta sc'abic yu'un te Cajwaltique. Ta lum Bezec la stsalic lajunmil (10,000) ta jtul, ta yolilic ay te Adoni-bezec.

1 Reyes 20:13

Ja' nix ta yorail a, te jtul j'alwanej yu'un Dios c'ot ta stojol Acab te muc' ajwalil yu'un Israel, jich albot: —Te Cajwaltic jich la yalix: “Manchuc me ya awil te mero bayal te acontro, jo'on me ya cac'bat ta ac'ab yo'tic, swenta yu'un jich me ya ana' a te jo'on te Awajwalone”, xi' me —xi' te j'alwaneje.

1 Reyes 4:21

Te Salomón ju' yu'un swentainel spisil yantic muc' ajwaliletic c'alal ta muc'ja' Eufrates, c'alal ta sq'uinal filisteoetic soc c'alal ta sti'il sq'uinal Egipto. Ta spisilic la stojbey spatanic soc la xch'uunbeyic smandal te Salomón te jayeb c'aal cuxine.

1 Samuel 23:4

Te David bajt' xan ta sjojc'obeyel te Cajwaltique. Te Cajwaltic jich la yal: —Jajch'an ta beel, baan ta Keila, jo'on ya cac'bat ta ac'ab te filisteoetique —xi'.

Josué 24:12

Te cheb ajwaliletic yu'un amorreoetic ma la atsal atuquelic ta puñal ni ta t'im, jo'on la jticunbey tel muc'ul xiwel ta stojolic ta awentaic te ja'exe. Jich loq'uemiquix bael ta anel a te c'alal c'oexe.

Josué 24:8

ja' to la quiq'uex tel ta sq'uinal amorreoetic ta stojol sloq'uib c'aal yu'un Jordán. Jajch' yac'beyex guerra; ja'uc me to, la cac'beyex ta ac'abic. La atsalic, jich la awu'uninic te q'uinale.

Josué 23:14

“Te jo'one ya xlajonix. Ja'uc me to, ya jc'an cac'beyex jilel ana'ic ta spisil awo'tanic soc ta spisil ach'ulelic, te c'otix ta pasel spisil te bitic lec yaloj te Cajwaltique. Ma'yuc bay quechel jilel jp'aluc ta pasel te bila yaloje.

Josué 10:19

Yan te ja'exe ma me x'acom abaic li'to, baan nutsaic bael te jcontrotique, milaic bael ta be. Ma xawaq'uic sujt'el ta slumalic, melel te Cajwaltic te Dios cu'untic yac'ojbotiquix ta jc'abtic —xi'.

Josué 10:8

Te Cajwaltic la yalbey: —Ma me xiwat, melel jo'on ya cac'beyex ta ac'abic, ma me ayuc jtuluc ya stsalex —xi' te Cajwaltique.

Josué 8:18

Jich yu'un te Cajwaltic la yalbey te Josué: —Ac'beya señail yil yantic te ya x'ochiquix ta yich'el te lum Hai. Jo'on me ya cac'bat ta ac'abic —xi' sc'oplal te Josué. Te Josué la yac'bey señail ta yalel mandal te ya x'ochiquix ta yich'el te lume.

Josué 8:7

Jich yu'un te ja'exe ya me xloq'uex tel ta bay anac'oj abaique. Ya me awu'uninic te lume, melel te Cajwaltic te Dios cu'untique ya yac'botic ta jc'abtic.

Deuteronomio 3:2

“Te Cajwaltic jich la yalbon: “Ma me x'axi', melel cac'ojbatix ta ac'ab te Og, te soldadoetic yu'un soc te slum-sq'uinale, swenta yu'un jich nix ya apasbey te bit'il la apasbey te Sehón, te muc' ajwalil yu'un amorreoetic, te nain ta Hesbón”, xi'.

Números 21:34

Jich yu'un te Cajwaltic la yalbey te Moisés: —Ma me xiwat, jo'on ya cac'bat ta ac'ab ta spisil te soldadoetic yu'un soc te slumale. Te ja'at jich me xapasbey te bit'il la apasbey te Sehón, te muc' ajwalil yu'un amorreoetic te nainem ta lum Hesbón —xi' te Cajwaltique.

Deuteronomio 1:7

Tsoba abiluquic, baanic ta witsetic yu'un amorreoetic soc ta spisil q'uinaletic te slac'oj sba soque: ja'ic te suclej Arabá, te toyol witstiquil, te peq'uel witstiquil, te sq'uinal Néguev, te sti'il mar, te slum-sq'uinal cananeoetic, te Líbano soc c'alal ta muc'ja' Éufrates.

Deuteronomio 1:8

Jo'on ya cac'beyexix awu'uninic te q'uinale. Baanic, ich'a ta awentaic, u'uninaic te q'uinal, te jo'on Ajwalilon awu'unic jc'axel la cal ta jamal te ya cac'bey te antiguo ame'-atatic, ja' te Abraham, Isaac soc Jacob, soc te patil alnich'anetic yu'unique”, xi' te Cajwaltique —xi' te Moisese.

Deuteronomio 2:33

Pero te Cajwaltic te Dios cu'untic la yac' ochuc ta jc'abtic, jich la jtsaltic soc snich'nab, soc ta spisil te soldadoetic yu'une.

Deuteronomio 2:36

Jajch' ta lum Aroer te ay ta nopol muc'ja' Arnón, soc te lum ay ta stenlej xatal q'uinal, c'alal ta Galaad, ma'yuc ni junuc lum te ju' yu'un scoltaybel sba ta jc'abtique. Ja' te Cajwaltic Dios cu'untic te la yac'otic ta stsalaw ta stojolic ta spisilique.

Deuteronomio 9:3

“Ja' yu'un jich me ya ana'ic te ja' te Cajwaltic te Dios cu'untic te ya xneelaj awu'unique, te ja' pajal soc stuquel te c'ajc' ya xlajinwane. Ja' yu'un ta acomonsitic ya slajin soc ya yac'bey spejc'an sbaic te nacionetique. Ya me anutsic loq'uel soc ya me alajinic ta ora nax, jich nax me ya alajinic ta ora te bit'il ya jmuts' jsitic soc te ya jwic' jsitique, jich nix te bit'il yalojbeyex te Cajwaltique.

Deuteronomio 20:16

Ja'uc me to, ta bay lumetic yu'un te nacionetic ya yac'beyex awu'uninic te Cajwaltic te Dios cu'untique, ma'yuc cuxul ya awijq'uitayic stuquel.

Josué 24:11

Patil c'axex bael ta muc'ja' Jordán, c'oex c'alal ta Jericó. Te mach'atic nainemic ta Jericó soc te amorreoetic, ferezeoetic, cananeoetic, hititaetic, gergeseoetic, heveoetic, soc te jebuseoetique la yac'beyex guerra; ja'uc me to, la cac'beyex ta ac'abic.

1 Reyes 8:65

Jich ora te Salomón soc ta spisil te Israel, te mero bayalic ta spisilic te talemic c'alal ta yochibal Jamat, c'alal ta beja' yu'un Egipto, la spasic te q'uin yu'un Nailwamal swenta yich'jibal ta muc' te Cajwaltic te Dios cu'untique. Soc la spasic xan juqueb c'aal, chanlajuneb c'aal ta spisil te q'uine.

1 Reyes 11:2

ja'ic te yantic nación antsetic te albil sc'oplal yu'un Cajwaltic te ma xju' ya yic' sbaic ta nujbinel soc te israeletique. Melel teme jich ya spasique, puersa me ya xyanaj bael yo'tanic ta stojol te diosetic yu'unique. Pero te Salomón la smulan yo'tan te antsetic, jich la yic' sba soc.

Números 34:2

—Pasa ta mandal te israeletique, jich me xawalbey: “Nopolix ya x'ochex bael ta slum-sq'uinal Canaán. Ja' te lumq'uinal te ya awu'uninic, jich ay te smojonile:

Deuteronomio 6:19

Te Cajwaltique, ya me yac' xloc'uc ta anel ta atojolic te mach'atic ya xloc' smaquexe, jich nix te bit'il yaloje.

Josué 2:24

Jich jul yalic: —Te Cajwaltique yac'ojbotiquix ta jc'abtic te q'uinale. Jo'otic ta jcajtic te lajem ya yaiyiquix yu'un xiwel te lume —xiic.

Josué 9:7

Te israeletic la sjac'beyic sc'op te heveoetique: —Teme repente nopol nax ayex, ¿bit'il ya jchaptiquix jc'optic a? —xiic.

Josué 13:6

Ya jloq'ues bael ta sq'uinal te sidonetic, yu'un ya x'ochic te israeletique, soc ya jloq'ues spisil mach'atic nainemic ta witstiquil, c'alal ta Líbano, ja' to ta Misrefot-maim. Yan te ja'ate at'elina spuquel sq'uinal te alumal israeletic, jich me te bit'il calojbat mandale.

2 Crónicas 9:26

Te Salomón mandalaj ta stojol spisilic te muc' ajwaliletic te ay tel ta muc'ja' Éufrates, ja' to c'alal slumal te filisteoetic, ja' to ta sti'il sq'uinal Egipto.