Éxodo 23:29 - Bible in Tzeltal de Oxchuc y Tenejapa

²⁹ Ma me ta junuc nax ja'wil ya xjojch'aj te q'uinale, swenta yu'un ma me xbolob, soc jich ma xc'atp'uj ta ja'mal, soc ma x'esmaj te xchamsbalamul te ya yuts'inex ta patile.

Bible in Tzeltal Bachajón

²⁹ Ma ba ya jtenticlan loq'uel ta atojolic ta junax ha'bil scuenta yu'un ma ba jochol ya xhil te q'uinal soc ma ba ya xp'ohl a te ha'mal chambahlametic te ya yuts'inate.

Éxodo 23:29 Referans Kwoze

Deuteronomio 7:22

Te Cajwaltique c'unc'un me ya sloq'uesbeyex bael ta atojolic te nacionetique, melel ma xju' awu'unic slajinel spisilic ta jun nax buelta. Te ja'uc ta ora nax te ya yich' lajinele, ya me x'esmaj ta atojolic ta bayuc ta ajoyobalic te jti'awal ja'mal chambalametique. Teme esmajique, ya me xjajch' yuts'inex.

Josué 16:10

Te sts'umbal Efraín ma la stenic loq'uel ta lum Gezer te cananeoetic te tey ayic a. La yac' cuxinuc ta yolilic, ja' nax la sujic ta stojel spatanic. C'alal ora yo'tic, tey ayic a.

Josué 15:63

Te sts'umbal Judá ma ju' yu'unic sloq'uesel ta Jerusalén te jebuseoetic te nainemic tey a. Ja' yu'un c'alal ora yo'tic nainemic ta Jerusalén soc te sts'umbal Judá.

Éxodo 23:30

Ja'uc me to, c'unc'un me ya jticunbat loq'uel, swenta yu'un te c'alal ayix bayal anich'nabic a, jich me ya x'och awu'uninic te q'uinale.

Éxodo 34:24

Jo'on me ya jin loq'uel ta atojolic te lumetique. Ya me jmuc'tesbeyex te aq'uinalique. Ma'yuc mach'a ya snop te ya yu'uninbeyex aq'uinalic te c'alal ya xtal atejc'an abaic ta jtojol oxeb buelta te jujun ja'wile.