Éxodo 23:28 - Bible in Tzeltal de Oxchuc y Tenejapa

²⁸ Ta bay ya xbeenat bael muc' me xiwel ya cac' bael tey a. Jich me ya x'anic loq'uel ta atojol te heveoetique, te hititaetic soc te cananeoetique.

Bible in Tzeltal Bachajón

²⁸ Ya jnahiltes bahel xux ta atojolic te ya stenic loq'uel ta atojol te heveo, te cananeo soc te heteo.

Éxodo 23:28 Referans Kwoze

Deuteronomio 7:20

Soc ya me sticunbey tel muc' xiwel ta stojolic, ja' me ya yaiyic ya xlajic teme ay to colic jilel ta ac'abique.

Génesis 15:19

ja' te q'uinal sq'uinalinejic te ceneoetic, cenezeoetic, cadmoneoetic,

Éxodo 33:2

Ya me jticun tel te ch'ul abat cu'une, ja' me ya yic'at bael. Ya me jticun loq'uel te cananeoetic, amorreoetic, hititaetic, ferezeoetic, heveoetic soc te jebuseoetique.

Éxodo 34:11

“Ch'uunaic te jmandal la calbeyex te naxe. Ya me jticunbeyex loq'uel ta atojolic te amorreoetic, cananeoetic, hititaetic, ferezeoetic, heveoetic soc te jebuseoetique.

Salmos 80:9

La awaq'uentaybey te sq'uinalile, c'ub yisim tey a, jich noj yu'un spamal te q'uinale.

Deuteronomio 33:27

Te Dios te sbajt'el q'uinal aye, ja' me anjibal awu'un stuquel; te yu'el sbajt'el q'uinal aye, ja' me awich'o-ip stuquel. La yac' anuc ta atojol te controe, soc ja'at la yalbat alajin ta jc'axel.