Éxodo 23:26 - Bible in Tzeltal de Oxchuc y Tenejapa

²⁶ Ma xcac' xlajat ta ora, ja' to me te c'alal ya sta sc'aalelal te aworaile. Ma me ayuc ants ta alumal te jich nax ya xc'ax te yale. Soc ma me ayuc jtuluc ants te ma x'alaje.

Bible in Tzeltal Bachajón

²⁶ soc ta aq'uinal mayuc ants te tojol nax ya xc'ax yal soc mayuc mach'a ma ba ya x'alaj. Ya cac' te ya sts'acay te jayeb c'ahc'al ya xcuxajat.

Éxodo 23:26 Referans Kwoze

Deuteronomio 7:14

Te ja'exe, mero bayal bendición ya yac'beyex, ma me pajaluquex soc te yantic lumetique. Ma me ayuc jtuluc ants ta awolilic te ma x'alaje, soc ma me ayuc jtuluc winic te ma xnich'naje. Te chambalametic awu'unic spisil me ya x'alajic, ma me ayuc sme' ni stat te ma xyac' yale.

Job 5:26

Ay to awip a te c'alal ya xmamalubat, jichat me te bit'il jtom trigo te staoj syijil ta leque.

Deuteronomio 28:4

Lec me ya xc'ot te awal-anich'nab soc te sit awawal-ats'unub, lec me te yalatac te wacaxetic awu'un, te yalatac te me' chijetic awu'une, soc te yalatac ta spisil te chambalametic awu'une.

Job 21:10

Spisil ora ya x'alaj te xchamsbalamic; ma'yuc bay amen ya x'alajic.

Isaías 65:20

Ma me ayuc ya xlaj alaletic te jun cheb nax c'aal ay ta q'uinale, soc ma me ayuc ya xlaj ta ora mamaletic teme ma to sts'aquej c'aal te xcuxlejale. Teme ya xlaj ta jo'winic (100) ja'wil jtul winic, querem to abi, soc teme ma to sta jo'winic (100) ja'wil, castigo me abi.

Salmos 144:13

Te snail jwe'eltic nojelic ta jyalel yu'un spisil ta jchajp we'eliletic. Te chijetic cu'untic ta jmil yacal ta esmajel bael; bayal ta jmil ayic ta aquiltic cu'untic.

Salmos 107:38

Ya me x'ac'botic bendición yu'un Cajwaltic, ya me yac' esmajuc xan, soc ya yac' esmajuc xan te chambalametic yu'unique.

Génesis 35:29

Mamalix ta lec a, ac'bot najt' yorail yu'un Dios, ba sjoin te mach'atic neel lajemic yu'une. La yich' muquel yu'un te snich'nabe, ja' te Esaú soc te Jacobe.

1 Crónicas 23:1

Te bit'il mero mamalix te David, jelawenix te ya'wilale, la yac' ta ajwalil yu'un Israel te snich'ane, ja' te Salomón,

Génesis 25:8

Mero mamalix a te Abraham te laje. Mamalub ta lec soc ac'bot najt' yorail. Jich ba sjoin te mach'atic neel lajemic yu'une.

Salmos 55:23

Dios cu'un, te jmilawetic soc te jpas-lotetic ma ba ya xcuxinic stuquelic, ni yacuc sta olil ya smulanic te xcuxlejalique; ja'at me ya awac' ch'ayuc coel ta sc'ubulil muquenal. Pero te jo'one, ja'at me ya smuc'ulinat co'tan.

Salmos 90:10

Lajuneb xchanwinic (70) ja'wil te cuxlejale; te mach'atic ay yip sbaq'uetalic, ya xc'otic c'alal ta chanwinic (80) ja'wil. Pero te toybail yu'un te cuxlejal bayal c'aal, ja' nax ya yac' wocol soc ya yac' at'el. Te ja'wiletic ora ya xc'axic, ja' nix jich te jo'otique.

Deuteronomio 4:40

Ch'uunaic te sc'op soc te bitic ya yal te mandaliletic yu'une, ja' te yacon ta yalel ta atojolic ta ora in to. Teme jich ya apasique, bin nax me awo'tanic a te ja'ex soc te patil alnich'anetic awu'unique; soc bayal me ja'wil ya xcuxinex ta lumq'uinal te ya yac'beyex awu'uninic sbajt'el q'uinal te Cajwaltic te Dios cu'untique —xi' te Moisese.

Oseas 9:14

Cajwal, pasbeya te bila ya sc'an awo'tan atuquele. Ma xawac' x'ayin alal ta xch'ujt'ic, soc ma xawac' xtal ya'lel xchu'ic.