Éxodo 23:25 - Bible in Tzeltal de Oxchuc y Tenejapa

²⁵ Ja' nax me xaquejan abaic ta jtojol jo'on te Ajwalilon te Dioson awu'unique, melel ja' ya cac'bat bendición yu'un awe'el soc te ja' ya awuch'ique. “Ma xcac' xnoptsaj chamel ta atojol.

Bible in Tzeltal Bachajón

²⁵ Ya me awac' abahic ta stojol Jehová te Dios awu'unic, ha ya ya'be bendición te awe'el soc awa'al. Ya jloq'ues chamel ta awohlil,

Éxodo 23:25 Referans Kwoze

Deuteronomio 7:15

Te Cajwaltic ma me xyac' noptsajuc spisil chameletic ta atojolic, soc ma xyac' tel ta atojolic te bitic mero xiweltic sba te ya x'uts'inwane, te jich bit'il ana'ojic ta lec te la yac' c'otuc ta stojolic te egipcioetique. Yan ta spisil te acontroique, ya me yac'bey swocolic stuquelic.

Éxodo 15:26

Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.

Josué 22:5

Jun nax te bi ya calbeyex, c'otesaic ta pasel te mandaliletic la yac'beyex Moisés te yabat Cajwaltic te Dios cu'untique. C'ux me x'awaiy ta awo'tanic, soc t'unbeya spisil ora te sbe, ch'uunbeyaic te mandaliletic yu'une. Na'aic me, soc ac'a abaic ta abatinel ta stojol soc spisil awo'tanic soc spisil ach'ulelic —xi' te Josué.

Isaías 33:24

Ma'yuc jtuluc yajwal Sión te ya yal: “Ayon ta chamel”, te xie. Dios me ya spasbey perdón yu'un smul te mach'atic yajwal Sión.

Salmos 103:3

Ja' te ya spasbon perdón yu'un spisil te bitic ma lecuc jpasoj; ja' te ya slamantesbon spisil te jchamel;

Deuteronomio 7:13

Mero c'ux me ya yaiyex ta yo'tan, ya me yac'beyex bendición soc ya me yac' esmajanic. Ya me yac'bey bendición te awal-anich'nabic soc te awawal-ats'unubique: ja' te trigo, te vino soc te aceite, te yalatac te wacaxetic awu'unic, soc yalatac te achijique. Spisil ya me yac'beyex ta lumq'uinal te jc'axel la yalbey te antiguo ame'-atatic te ya yac'beyexe.

Deuteronomio 10:12

“Yo'tic, israeletic, ¿bila ya sc'anbeyex ta atojolic te Cajwaltic te Dios cu'untique? Ja' nax me ya sc'anbeyex te ya awich'ic ta muq'ue, soc te ya at'unbeyic ta spisil te beetic yu'une. C'uxuc me ta awo'tanic, ch'uunaic ta spisil awo'tanic soc ta spisil acuxlejalic.

Deuteronomio 6:13

Ch'uunaic me te Cajwaltic te Dios cu'untique, ja' nax me xawac' abaic ta abatinel yu'un stuquel. Teme ay bi ora ya ac'anic te ay bi jc'axel ya awalic ta jamale, ja' nax me xapasic ta swenta te Cajwaltique.

San Mateo 4:10

Jesús la yalbey: —Baan, q'ueja aba, Satanás. Melel jich ts'ibubil ta Sjun Dios: “Ja' nax me x'awich' ta muc' te Cajwaltic te Diose, soc ja' nax me ya awac' aba ta abatinel ta stojol stuquel”, te xie —xi'.

1 Samuel 12:20

La sjac' te Samuel: —Ma xiwex. Melel nix a te mero ma lecuc te bi apasojique, pero yo'tic ma me xapit loq'uel abaic ta stojol te Cajwaltique. Ch'uunaic ta spisil awo'tanic.

Deuteronomio 10:20

“Ich'aic ta muc' te Cajwaltic te Dios cu'untique, ch'uunaic ta mero stuquel nax, junuc me awo'tanic ta stojol. Teme ay bila jc'axel ya awalique, ja' me xachapic ta swenta stuquel.

Josué 24:21

Te lum la sjaq'uic: —Ya caltic te ma xc'ot ta pasel. Te jo'otic ya me cac' jbajtic ta abatinel ta stojol te Cajwaltique —xiic.

Deuteronomio 13:4

Ja' nax xat'unic soc ja' nax x'awich'ic ta muc' stuquel te Cajwaltic te Dios cu'untique. Ch'uunaic spasel te mandaliletic yu'une, aiybeyaic te sc'ope, ch'uunaic. Jun me xawac' abaic soc te Cajwaltic, ac'a me swentainbeyex acuxlejalic.

1 Samuel 7:3

Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

Josué 24:24

Te lum la sjaq'uic: —Te jo'otic ya me cac' yabatinotic te Cajwaltic te Dios cu'untic, ya me jpastic te bila ya yalbotic —xiic.

Malaquías 3:10

Ich'bonic tel jun ta slajunebal te abiluquic ta bay yawil ta templo, jich me ay we'eliletic ta jna. Pasawonic ta prueba, ya me awilic te ya jambeyex sventanail te ch'ulchane, ya me xco tel ta atojolic bayal te bendicione.

Isaías 33:16

ja' me ya xcuxin ta melel stuquel. Ay me yanjib ta tulanil tonetic c'oem, xujt' ma me xch'ay swe'el soc te ja' ya yuch', ma me ayuc falta yu'un.

1 Samuel 12:24

Yan te ja'exe, ja' nax ya sc'an te ya ach'uunbeyic smandal te Cajwaltic, soc ya me ach'uuntayic ta mero melel soc ta mero spisil awo'tanic. Ja' me x'ana'ic te mero bayal bi spasojbeyex te Cajwaltique.

Jeremías 8:2

Limil me ta lum ya xjilic ta sit te c'aal, te u soc spisil te eq'uetic te c'ux la yaiyic ta yo'tanique, te la yac' sbaic ta abatinel yu'unic, te la xch'uunique, te ay bila la sjojc'obeyic soc te la squejan sbaic ta stojolique. Ma'yuquix mach'a ya stambeyic sbaquelic te ya xcha'mucbeyic xane. Ya me xjilic ta sba lumq'uinal jich bit'il stsa' chambalam.

Levítico 11:44

melel jo'on te Ajwalilon soc te Dioson awu'unique. Te ja'exe ya me sc'an te mero ya alecubtes ac'oplalic, soc te ch'ultesbil ya x'ainexe, melel ch'ul Dioson te jo'one, ma me xawac' te ma lecuc ac'oplal ya xc'oat ta swenta te chambalametic ya stas sbaic ta beel ta lumq'uinale.

Levítico 26:3

“Teme ya ach'uunbonic spasel te mandaliletic cu'une, teme ya apasic ta spisile, soc teme jich ya apasic spisil ora te bit'il ya cale,

Eclesiastés 5:20

Melel Dios ya yac'botic bayal yutsil co'tantic; ma ja'uc ya jna'ulaytic te bit'il ya xc'ax cu'untic c'aal te cuxulotic ta q'uinale.

Daniel 1:15

C'alal c'ax te lajuneb c'aale, chicnaj ta ilel la yil te ja' mero lec ayic soc mero tulan queremetic stuquelique. Yan te queremetic ja' swe'elinejic te we'elil ya swe' te muc' ajwalile, ma pajaluquic soc stuquel.