Éxodo 23:24 - Bible in Tzeltal de Oxchuc y Tenejapa

²⁴ Ma me xac'ainbey stalelic. Ma me xaquejan abaic ta stojol te diosetic yu'unique, ma me xach'uunic. Ya me ajin ta spisil te loc'ombaetic yu'unic soc te ch'ul balal tonetic tejc'ajtic yu'unique.

Bible in Tzeltal Bachajón

²⁴ Ma xaquejan aba ta stojol te diosetic yu'unic, ma xawac' aba ta a'batinel yu'unic, ma xapas te bin ya spasic, jc'axel me xalajinlan soc jc'axel me xawuyticlan te bahlal tonetic tec'ajtic yu'unique.

Éxodo 23:24 Referans Kwoze

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Números 33:52

nutsaic loq'uel spisil yajwal te lumq'uinale. Jinaic spisil te yajcanan te pasbil ta ton soc taq'uin ultesbil ta c'ajc'. Jinaic coel spisil toyol ch'uunjibaletic yu'unique.

Deuteronomio 12:3

Jinbeyaic te scajtijib smajt'an yu'unique, wuybeyaic te tejc'anbil tonetic pasbil a, chic'beyaic te sloc'omba Asera yacal xch'uunbelique, wuybeyaic te loc'ombaetic te scuyojic ta diosetique. Jc'axel tup'bil ac'a jiluc sbiilic tey ta yawilique.

Deuteronomio 7:5

Te bila ya sc'an ya apasique, ja' te ya ajinic ta spisil te scajtijib ta bay ya yich' chiq'uel smajt'an te bitic cuybilic ta Diose. Jc'axel me ya sc'an ya ajinic te tejc'anbil tonetic soc te sloc'omba Asera yu'unic te xch'uunejique. Chic'beyaic ta spisil te loc'ombaetic cuybilic ta Dios yu'unique.

2 Crónicas 33:9

Ja'uc me to, te Manasés la yac' beenuquic ta amen be c'oem te Judá soc te yajwal Jerusalén, bajt' yo'tanic ta spasel spisil muliletic, c'ax jich te bit'il la spasic te yantic lumetic te la yich'ic loq'uel jinel ta stojol te israeletique.

Levítico 18:3

“Ma me xat'unbeyic scostumbre te egipcioetic tey ta lumq'uinal ta banti nainexe. “Ma me xat'unbeyic scostumbre te cananeoetic, tey ta lumq'uinal te banti ya quiq'uex baele, soc ma me xat'unbeyic te mandaliletic yu'unique.

Éxodo 32:20

La stsac te sloc'omba alal toro, la yac' ochel ta c'ajc', la sjuch' ja' to c'alal c'atp'uj ta tan. Te stanule la spuc bael ta ja', la yac'bey yuch' te israeletique.

Ezequiel 16:47

Ja'at la anopbey te stalele, soc ja' nix ba apasbey te yat'el ilaybil sbae. Ma tic'uc la awaiy a, c'axem jich la apas a te bit'il la spas stuquelique.

Salmos 101:3

ma me xju' ya cac' jsit ta stojol te bila amene. Ya quilaybey yat'el te mach'atic ma junuc yo'tan ta stojol Dios; ma me xcac' xtal ta jtojol.

2 Crónicas 33:2

Pero te yat'el mero ma lecuc ta sit Cajwaltic, ja' bajt' yo'tan ta spasel te bit'il ay sbol yat'el te nacionetic te la sloq'uesbey ta stojol israeletic te Cajwaltique.

Éxodo 23:13

“Ch'uunaic spasel spisil te bitic la calbeyexe, soc ma me x'ana'ulay yantic diosetic, soc ma me ayuc xujt'uc ya awal loq'uel ta awe te sbiilique.

Éxodo 23:32

“Ma me xapas trato soc, ni ma me bi xanopic yu'un te diosetic yu'unique.

Éxodo 23:33

Ma me xawac' te ya x'ainic ta alumal, swenta yu'un ma me xyac'bat ale amul ta jtojol. Teme baex ta xch'uunel te diosetic yu'unique, ch'ayex me abi —xi' te Cajwaltique.

Levítico 26:1

“Ma me xapas awajcananic soc ma me xapas loc'ombaetic, ma me xawaq'uic chicnajuc ta alum-aq'uinalic ch'ultesbil tonetic soc loc'ombaetic te loc'taybilic ta tone. Ma me xapajc'an abaic ta stojolic, melel jo'on te Ajwalilon te Dioson awu'unique.

2 Reyes 3:2

Te yat'el amen ta stojol Cajwaltic, pero ma mero jichuc te bit'il yat'el te sme'-stat, melel la sloq'ues te ch'ultesbil ton yu'un Baal la spas te state.

2 Reyes 18:4

Ja' stuquel la sloq'ues te toyol ch'uunjibaletic. La swuy te ch'ultesbil tonetic, soc la swuy te sloc'omba Asera, soc la sc'asbey te sloc'ombail chan pasbil ta bronce te ja' la spas ta namey te Moisés, te tey yacal xchic'belic pom a te israeletique. Nehustán sbiil yu'unic.

Éxodo 20:3

“Ma me ayuc yan diosetic awu'un, melel jo'on nax me jtuquel te Dioson awu'une.

Números 25:2

melel ic'otic bael ta swe'el te milbil majt'anil la yac'beyic te lotil diosetic yu'unique. Te israeletic jich ochic ta we'el, soc la squejan sbaic ta stojol te diosetic yu'un te moabetique.

2 Reyes 17:8

Ja' la st'unbeyic te scostumbre te nacionetic te ch'ojbotic loq'uel ta stojolic yu'un Cajwaltic, soc te bitic la sjach spasel te muc' ajwaliletic ta Israel.

2 Reyes 17:11

La xchiq'uic pom tey a, melel ja' la st'unbeyic te scostumbre te nacionetic ch'ojbotic loq'uel ta stojolic yu'un te Cajwaltique. Mero amen xan bitic la spasic, jich la sjachbeyic yilimba te Cajwaltique.

2 Crónicas 14:2

T'ujbil la spas yat'el te Asa, soc toj ta sit te Cajwaltic te Dios yu'une.

2 Crónicas 25:14

Te bit'il sujt' tel Amasías ta stsalel Edom, la yich'bey tel diosetic yu'un Seir. Ja' diosetic a c'ot yu'un, la yalbey wocol ta stojolic, soc la xchic'bey pom.

Oseas 10:2

Chebajem yo'tan te Israele, ta ora yo'tic ya me stoj te smule. Te Cajwaltic ya sjinbey te scajtijib majt'aniletic yu'une, soc ya me sjinbey te tonetic yac ta xch'uunele.