Éxodo 23:22 - Bible in Tzeltal de Oxchuc y Tenejapa

²² Yan teme ya ach'uunbeyic ta melel te sc'ope, soc teme ya apas spisil te bit'il calojbeyexe, ya me jcontroin te mach'atic ya scontroinate. Ja' me jcontro ya xc'ot te mach'atic acontroe.

Bible in Tzeltal Bachajón

²² Yan teme smelelil yac awa'iybe sc'op soc teme yac apas spisil te bin ya calbate, ha jcontra ya xc'oht te acontratac soc ya ca'be swocol te mach'atic ya ya'bat awocole.

Éxodo 23:22 Referans Kwoze

Génesis 12:3

Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.

Deuteronomio 30:7

Te Cajwaltic Dios ya me yac' c'otuc ta stojol acontroic ta spisil te bitic swenta castigo, soc ya me yac' c'otuc ta stojol te mach'atic ya snutsex soc sbolil yo'tanique.

Zacarías 2:8

Te Cajwaltic te Spisil ya xju' yu'un, la sticunon ta yalel te c'op swenta castigo ta stojolic te nacionetic la spojbeyex abiluquic te ja'exe: —Mach'auc a te ya yuts'inbon te lum cu'une, jo'on xchulel jsit ya yuts'inbon c'oem abi. Ja' yu'un jo'onix ya x'at'ejon ta yaq'uel castigo te nacionetique, ya me cac' te ya yich' pojbeyel sbiluc yu'un te mach'atic smozoineje —xi'. Jich ya yac' ta ilel te yutsilal te Cajwaltic, te Spisil ya xju' yu'une. Jich me ya ana'ic a te ja' te Cajwaltic, te la sticunon tel.

Jeremías 30:20

Te israeletic jich me ya xc'otic te bit'il ta neelal; te lum yu'une jun me yo'tan ta jtojol, soc jo'on ya cac'bey castigo te j'uts'inwanejetic yu'unique.

Números 24:9

C'alal ya smejts'an sba ta xcuxel yo'tanic, jich yilel te bit'il león-choj: ma'yuc mach'a ya xjelaw ta stijel. Jelawen yutsil te mach'a ya sc'anbat bendición, ya me yich' castigo te mach'a ya sc'anbat castigo —xi' te Balaam.

2 Tesalonicenses 1:6

Melel te Diose, ja' stojil te ya yac'bey stoj ta woclajel te mach'atic ya scontroinexe.

Deuteronomio 28:1

“Teme mero melel te ya ach'uunbeyic sc'op te Cajwaltic Diose, soc te ya apasbey bael spisil te mandaliletic yu'un te ya calbat apas ta ora in to, ja'at me toyolat ya xc'oat yu'un spisilic te lumetic ayic ta q'uinale.

Éxodo 15:16

Ja'at Cajwal, ac'a xiwuquic, ayuc nijq'uel ta yo'tanic, jichuc me ma stij sbaic bit'il tonetic ta scaj yip te ac'abe, ja' to me c'alal c'axiquix te lum awu'une, ja' te lum la awu'uninixe.

Números 24:8

Ja' te Dios te loq'uesotic tel yu'un ta Egipto, jich c'oem yu'unic te bit'il yip xulub ja'mal toro. Te Israel ya sbic' c'oem te nacionetique, ja' te scontroique. Ya sc'asbey sbaquelic, ya yejch'entes ta yat'ejibal st'imic.

Josué 9:7

Te israeletic la sjac'beyic sc'op te heveoetique: —Teme repente nopol nax ayex, ¿bit'il ya jchaptiquix jc'optic a? —xiic.

Salmos 35:1

Cajwal, controina te mach'atic ya scontroinonique; ac'beya guerra te mach'atic ya yac'bonic guerra.