Éxodo 23:20 - Bible in Tzeltal de Oxchuc y Tenejapa

²⁰ “Aiya awaiy stojol ya jticunbat ch'ul abat cu'un ta atojol, swenta yu'un ya scanantayat ta be. Ja' me ya yic'at bael ta q'uinal te chajbanbilix cu'une.

Bible in Tzeltal Bachajón

²⁰ Ilawil, ya jticombat ch'ul a'bat cu'un ta atojol yu'un ya scanantayat ta be soc ya yic'at bahel tey ta lugar te ho'on jchahpanej.

Éxodo 23:20 Referans Kwoze

Éxodo 33:14

La yal te Cajwaltic: —Jo'onix me ya joinat bael, soc ya me cac'bat te bay ya acux awo'tan —xi'.

Salmos 91:11

Melel te Cajwaltic ya sticun tel ch'ul abatetic yu'un, ya scanantayat bayuc ya xbaat.

Éxodo 32:34

Jich yu'un beenan, ic'a bael te lum ta bay calojbate. Te ch'ul abat cu'une ja' me ya yic'at bael. Te c'alal ya xc'ot sc'aalelal te castigo, ya me cac'bey castigo yu'un te smulique —xi'.

Éxodo 14:19

Te ch'ul abat yu'un Dios te neelajem yu'un te israeletic, bajt' ta spatic, soc nix te balal tocal la syantesbey yawil, bajt' ta spatic te israeletique.

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Éxodo 33:2

Ya me jticun tel te ch'ul abat cu'une, ja' me ya yic'at bael. Ya me jticun loq'uel te cananeoetic, amorreoetic, hititaetic, ferezeoetic, heveoetic soc te jebuseoetique.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

San Juan 14:3

Teme boone soc teme chajbaj awawilic cu'une, ya xcha'talon xan. Ya xtal quiq'uex bael tey a te banti ya xc'oone, tey me ya xc'oex a te ja'exe.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Josué 6:2

Te Cajwaltic la yalbey te Josué: —Te jo'one cac'ojbatix ta ac'ab te Jericó, te muc' ajwalil yu'un soc te soldadoetic yu'une.

Números 20:16

Jich yu'un la jc'anbeytic coltayel te Cajwaltique. La yaiybotic stojol, jich la sticun tel jtul ch'ul abat yu'un te la sloq'uesotic tel ta Egipto. Ta ora to li' ayotiquix ta lum Cades ta bay sti'il te aq'uinale.

Josué 5:13

Jich c'ot ta pasel te c'alal nopol ay ta Jericó te Josué, la yil jtul winic teq'uel ta stojol, soc ay puñal ta sc'ab. Te Josué ba yil, la sjojc'obey: —¿Ja'at bal joyticat, o ja'at te jcontroticate? —la yut.

Éxodo 15:17

Ja'at Cajwal, ic'awotic bael, ac'a ainucotic ta ch'ul wits awu'un, te la atsa ta bay ya xnainate, ta ch'ul awilal te la awac' ipajuque.

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Génesis 24:7

Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.

Génesis 24:40

La yalbon: “Te Dios te jun co'tan ayon ta stojole, ya me sneeltes bael ch'ul abat yu'un ta atojol, ya me stojtesat bael. Tey me ya xc'o alebon yinam a te jnich'an ta bay quermanotac ta sna te jtate.

Éxodo 15:16

Ja'at Cajwal, ac'a xiwuquic, ayuc nijq'uel ta yo'tanic, jichuc me ma stij sbaic bit'il tonetic ta scaj yip te ac'abe, ja' to me c'alal c'axiquix te lum awu'une, ja' te lum la awu'uninixe.

Éxodo 23:23

Te ch'ul abat cu'un ya me xneelaj bael awu'un. Tey me ya yiq'uex bael a ta bay slumal te amorreoetic, hititaetic, ferezeoetic, cananeoetic, heveoetic soc te jebuseoetique. Ja'ic te ya cac' ta lajel ta spisilic.

Números 22:22

Cajal bael ta sburra, soc joinot bael yu'un te cheb abatetic yu'une. Ja'uc me to, te Diose ilin ta stojol, ja' yu'un te bajt'e. Te ch'ul abat yu'un te Cajwaltic, ba smac ta be, swenta yu'un ma xyac' c'axel.

Deuteronomio 33:2

jich la yal: —Te Cajwaltic tal ta Sinaí; c'alal to ta Seir yac'ojbotic tel xojobil. La sacubtes tel q'uinal c'alal ta witsetic yu'un Parán, jajch'em tel c'alal ta Meriba-cades, ta swa'el c'ab yich'ojbotic tel te mandaliletic te bayal xojobile.

Josué 23:5

Te Cajwaltic ya me sloq'ues bael te mach'atic nainemic tey a, ja' me ya awich'ic jilel te ja'exe, jich bit'il yalojbey sc'oplal te Cajwaltic te Dios cu'untique.

Josué 5:14

—Ni ya joinat, ni ya jcontroinat. Ja' nax talon ta jtsobwanej yu'un soldadoetic ta swenta te Cajwaltique —xi' te winique. Jich yu'un te Josué la stinan sba coel c'alal ta lum, la sjojc'obey: —¿Bi mandal ya awalbon, Cajwal, jo'on te awabatone? —xi'.

Zacarías 12:8

Jo'on Ajwalilon, ya me jcanantay te mach'atic nainemic ta Jerusalén. Te jayeb mach'atic ma'yuc yipic, mero bayal me yipic ya xc'otic, jich me yip ya xc'otic te bit'il muc' ajwalil David. Te patil alnich'anetic yu'un David jichic me te bit'il Dios, jich te bit'il ch'ul abat yu'un Cajwaltic, te neel ay ta beel yu'unique.