Éxodo 23:15 - Bible in Tzeltal de Oxchuc y Tenejapa

¹⁵ Ya me apasbon jq'uin swenta te waj ma ba yich'oj levadura. Ja' yu'un juqueb c'aal ya me awe' waj te ma ba yich'oj levadura, jich me te bit'il calojbat mandale. Ja' me yuil te Abib te jich u te loq'uex tel ta Egipto. Ma me xtal awilonic teme ma'yuc bila ya awich'bonic tel jmajt'anine.

Bible in Tzeltal Bachajón

¹⁵ Ya me apas te Q'uin yu'un Pan te ma ba yich'oj levadura. Hich te bin ut'il la jcalbat, huqueb c'ahc'al yac awe' pan te ma ba yich'oj levadura, ta yorahil te u yu'un Abib, como ha yorahil te loq'uex tal ta Egipto. Ma me ayuc mach'a jochol sc'ab ya xtal ta jtojol.

Éxodo 23:15 Referans Kwoze

San Lucas 22:7

Ta yorail te q'uin te ja' ya swe'ic a te waj te ma'yuc levadura yich'oje, la sta sc'aalelal te ya smilic te alal chij swenta Pascua.

Éxodo 34:20

Te sba yal me' burra ya me awac'bey sjelolin jcojt' chij, o teme jcojt' tentsun. Teme ma jichuc ya awaq'uique, ya me amilic ta c'asbeyel snuc' te ch'in burroe. Yan te sba anich'anic, lebeyaic me sjelol te ja' ya awac'bonic jmajt'anine. Ma me ayuc mach'a ya xtal yilon teme ma'yuc bila ya yich'bonic tel jmajt'anin.

Deuteronomio 16:16

“Spisil te winiquetic puersa me ya xtal stejc'an sbaic oxeb buelta ta stojol Cajwaltic Dios ta jujun ja'wil, tey me ta yawil te banti tsabil yu'un te Cajwaltique, ta yorail te q'uinetique: te q'uin yu'un Waj te ma ba yich'oj levadura, te q'uin yu'un Semanaetic, soc te q'uin yu'un Nailwamal. Ma me ayuc jtuluc te jochol sc'ab ya xtal stejc'an sbaic ta stojol te Cajwaltique.

San Marcos 14:12

Ta sba c'aalil q'uin te ya swe'ic waj te ma'yuc levadura yich'oje, soc te bi ora ya yich' milel te alal chij swenta q'uin Pascua, te jnopojeletique la sjojc'obeyic te Jesuse: —¿Banti ya sc'an awo'tan te ya xba jchajbantic te we'elil swenta q'uin Pascuae? —xiic.

Levítico 23:10

—Albeya te israeletic te bila ya calbate: “Te c'alal ya x'ochex bael ta q'uinal te ya cac'beyexe, te c'alal ya aset'ic te bila sbabial ya xloc' sit, ya me awac'beyic ta stojol sacerdote te sba tomol ya xloc' ta set'el awu'unique.

Éxodo 34:18

“Ya me apasbon jq'uin swenta te waj te ma ba yich'oj levadura, jich te bit'il calojbat mandale. Ya me awe'ic juqueb c'aal bael te pan te ma ba yich'oj levadurae. Ja' me te u Abib, melel ja' yuil te loq'uex tel ta Egipto a.

Éxodo 13:4

Ja' me loq'uex bael a in c'aal to te u yu'un Abib.

San Lucas 2:41

Te sme'-stat te Jesuse c'aemic ta jujun ja'wil te ya xbajt'ic ta spasel q'uin Pascua ta Jerusalén.

Hechos 12:3

C'alal la yil te bin nax yo'tan yu'un te judioetique, la stsac bael ta chuquel uuc te Pedroe. Ja' c'ot ta pasel ta yorail q'uin te ya swe'ic waj te ma'yuc levadura yich'oje.

Éxodo 12:2

—Ja' in u to muc' me sc'oplal ya xc'ot awu'unic te ja' sbabial u yu'un te ja'wile.

Éxodo 22:29

“Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

1 Samuel 6:3

La sjaq'uic, jich la yalic: —Teme ya asutic bael te scajonil trato te Dios yu'un Israel, ma me stuqueluc nax ya aticunic sujt'el. Ya me sc'an te ay bi ya aticunbeyic te Yajwalic, swenta stojol te amulic ataojic ta stojole. Jich me ya xlecubex ta chamel soc tey me ya ana'ic a, te bi swentail te ma ba acuxoj awo'tanic ta castigo yu'une —xiic.

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Miqueas 6:6

¿Bi ya cut jba te ya jtejc'an jba ta stojol Cajwaltic, te Dios ay ta toyole? ¿Ya bal jtejc'an jba ta stojol soc wacaxetic te jun ja'wil ya'wilale, swenta yu'un ya cac'bey chic'bil smajt'anin?