Éxodo 23:13 - Bible in Tzeltal de Oxchuc y Tenejapa

¹³ “Ch'uunaic spasel spisil te bitic la calbeyexe, soc ma me x'ana'ulay yantic diosetic, soc ma me ayuc xujt'uc ya awal loq'uel ta awe te sbiilique.

Bible in Tzeltal Bachajón

¹³ Ich'a ta cuenta spisil te bintic la jcalbeyexe. Ma me xawalbeyic sbihil yantic diosetic, ma me xloc' ta awe'ic.

Éxodo 23:13 Referans Kwoze

Josué 23:7

Ma me xacap abaic soc te yantic te ayic ta awolilique. Ma me xaquejan abaic ta stojol te diosetic yu'unic, ni ma me xach'uunbeyic smandalic, ni ma me xloc' ta aweic yalel sbiilic te lotil diosetic. Ma me bi xachap ta stojolic.

1 Timoteo 4:16

Tsajtaya me awo'tan, soc tsajtaya me te bila ya awac' ta nopele. O'tanina me spasel spisil ora. Teme jich ya apase, ya me acoltay aba a te ja'ate, soc ya me acoltay uuc te mach'atic ya yaiybat stojol te ac'ope.

Zacarías 13:2

Ta spisil te lumq'uinale jc'axel me ya jinbey sbiil te loc'ombaetic, swenta yu'un ma ba ya yich'iquix c'oponel a. Soc ya me jloq'ues ta lumq'uinal te j'alwanejetic yu'unic, soc spisil te amen nopjibaletique. Jo'on Ajwalilon te jich caloje.

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.

Oseas 2:17

Ya me jch'aybey ta ye te sbiilic te baaletique; ma ba ya yalbeyic xan loq'uel te sbiilique.

Deuteronomio 12:3

Jinbeyaic te scajtijib smajt'an yu'unique, wuybeyaic te tejc'anbil tonetic pasbil a, chic'beyaic te sloc'omba Asera yacal xch'uunbelique, wuybeyaic te loc'ombaetic te scuyojic ta diosetique. Jc'axel tup'bil ac'a jiluc sbiilic tey ta yawilique.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

Efesios 5:15

Jich yu'un, tsajtaya abaic ta lec te bit'il ya sc'an ya xcuxinex ta q'uinale. P'ijanic me. Ma me jichuquex te bit'il mach'atic ma'yuc bi sna'ique.

Jeremías 10:11

(Ja'ex, israeletic, albeyaic te mach'atic ma'yuquic ta stojol te Diose: —Te diosetic, te ma ja'uc la spasic te ch'ulchan balumilal, ya me xch'ayic ta jc'axel ta balumilal; ni jtuluc ma xjilic ta yet'al ch'ulchan —xaex me.)

Salmos 16:4

Ya me x'esmaj swocolic te mach'atic ya xbajt'ic ta stojol yantic diosetic; yacalic ta yalbeyel bayal wocol. Mero ma xcac' jba ta smalel xch'ich'el te milbil majt'anil yu'unique. Ma me xcal loq'uel ta que te sbiilique.

Josué 23:11

Tsajtayaic me jiche, c'ux me x'awaiy ta awo'tanic te Cajwaltic te Dios cu'untique.

Josué 22:5

Jun nax te bi ya calbeyex, c'otesaic ta pasel te mandaliletic la yac'beyex Moisés te yabat Cajwaltic te Dios cu'untique. C'ux me x'awaiy ta awo'tanic, soc t'unbeya spisil ora te sbe, ch'uunbeyaic te mandaliletic yu'une. Na'aic me, soc ac'a abaic ta abatinel ta stojol soc spisil awo'tanic soc spisil ach'ulelic —xi' te Josué.

Efesios 5:12

Melel q'uexlaltic sba ta alel te bila ya spasic ta muquene,

Salmos 39:1

Caloj te ya jtsajtay jbae, caloj te ma jta jmul soc te jc'ope, soc te ya jcom te quee te c'alal ay ta jts'eel te mach'atic amen yo'tanique.

Deuteronomio 4:15

“Te bi c'aalil la sc'oponex ta yolil c'ajc' te Cajwaltique, ja' te la sc'oponex ta wits Horeb, ma'yuc bila la awilic chicnaj tey a. Ja' yu'un tsajtaya me abaic, ma me xyalex ta mulil te mero ilaybil sbae.

Números 32:38

Nebo, Baal-meón soc Sibma. Ay che'oxeb lumetic la sjeltaybeyic te sbiilique, soc la slebey sbiilic te lumetic te la spasique.

Éxodo 23:24

Ma me xac'ainbey stalelic. Ma me xaquejan abaic ta stojol te diosetic yu'unique, ma me xach'uunic. Ya me ajin ta spisil te loc'ombaetic yu'unic soc te ch'ul balal tonetic tejc'ajtic yu'unique.

Éxodo 23:32

“Ma me xapas trato soc, ni ma me bi xanopic yu'un te diosetic yu'unique.

Deuteronomio 4:23

Jich yu'un ya me sc'an te ya atsajtay abaic, ma me xch'ay ta awo'tanic te trato la xchajban ta jtojoltic te Cajwaltic te Dios cu'untique. Ma me xapas awajcanan, soc ma me xapasbeyic sloc'ombail te bitic la scomex ta spasel te Cajwaltic te Dios cu'untique,

Deuteronomio 6:1

“Ja' spisil ta jchajp te mandaliletic soc te bitic chapal yu'un Cajwaltic te Dios cu'untic te ya sc'an ya cac'beyex anopique, swenta yu'un ya me apasic bael spisil ora ta lumq'uinal te ya yac'beyex awu'uninique.