Éxodo 23:12 - Bible in Tzeltal de Oxchuc y Tenejapa

¹² “Waqueb me c'aal xapas spisil te bitic ay ta pasel awu'une. Ta sjuquebal c'aal ya me acux awo'tan. Jich me ya xcux yo'tanic uuc te awacax soc te aburroe. Jich me ya xcha'yich' xan yip a te awabat soc te mach'a q'uejel taleme.

Bible in Tzeltal Bachajón

¹² Waqueb c'ahc'al ya x'a'tejat, pero ta shuquebal c'ahc'al ya me acux awo'tan, scuenta yu'un ya scux yo'tanic te j'a'tel-wacax soc te burro awu'un, soc yu'un ya xjelon xan yip a te yal acriada soc te jyanlume.

Éxodo 23:12 Referans Kwoze

San Lucas 13:14

Yan te mach'a yich'oj yat'el ta sinagoga, ilin yo'tan yu'un te bit'il Jesús la slamantesbey xchamel ta sc'aalelal cux-o'tan. Jich caj yalbey te mach'a stsoboj sbaique: —Ay waqueb c'aal te ya xju' ya x'at'ejotique. Ja' me yorail ya xtalex a te ya awac' ta lamantesel te achamelique. Ma me ja'uc ta sc'aalelal cux-o'tan —la yut.

Éxodo 35:3

Bayuc ya x'ainex, te bi c'aalil yu'un cux-o'tan, ma me ayuc bila ya apasic ni jtebuc c'ajc'”, la yut —xi' te Moisese.

Isaías 58:3

Ja'uc me to, ya yalic: “¿Bistuc ya jpastic ayuno? Melel ma xyil te Diose. ¿Bistuc ya cac' jwocoltic, teme ma'yuc ta wenta yu'une?” xiic ta yalel. Ja'uc me to, te bi c'aalil ya yich' pasel ayunoe, ja' ya awat'elinic chonbajel a, soc ya atenic xan ta at'el te awinictaque.

Éxodo 34:21

“Waqueb me c'aal ya x'at'ejex, ta sjuquebal c'aal ya me acux awo'tanic. Manchuc me yorailix ts'unbajel, o teme yorailix c'ajoj, puersa me ya acux awo'tanic.

San Marcos 2:27

Soc la yalbey xan: —Te sc'aalelal te cux-o'tane, la yich' pasel ta scaj te ants-winique. Ma ja'uc swentail te ya xc'ax swocolic ta scanantayele.

Éxodo 16:23

Te Moisés, jich la yal: —Jich na'ax te mandal yu'un te Cajwaltique —xi' yu'un. Soc la yal: —Pajel ja' meix te sc'aalelal te cux-o'tan te ch'ultesbil yu'un te Cajwaltique. Te bila ya sc'an ya apayique, payaic me yo'tic. Te bila ya sc'an ya yich' pasele, pasaic me. Spisil te bitic ya spas sobraile, ijq'uitayaic ta swenta te pajele —xi' te Moisese.

Éxodo 23:11

Yan ta sjuquebal ja'wil ac'beya xcux yo'tan te aq'uinale. Teme ay to ya xchicnaj xan loq'uele, ya me xju' ya swe'elinic te me'baetic te ay ta alumale, soc te ja'mal chambalametic ya me swe'elinic te bay ya spas sobrail yu'unic te me'baetique. Jich nix me xapas ta swenta te ts'usubiltic awu'une, soc te olivoetique.

Éxodo 35:2

“Waqueb me c'aal ya x'at'ejex. Yan ta sjuquebal c'aal ja' me cux-o'tan awu'unic. Ch'ultesbil cu'un swenta me quich'jibal ta muc' awu'unic. Te mach'atic ya spas yat'elic a, ya me x'ac'otic ta lajel.

Levítico 23:3

“Waqueb nax me c'aal ya x'at'ejat, te sjuquebal c'aal ma me ayuc bila at'elil ya apas a. Melel ja' te c'aal mero tsabil yu'un sc'aalelal cux-o'tan, soc ay me ch'ul tsoblej awu'unic a. Ta bayuc ayex, ja' me c'aal yu'un cux-o'tan ta swenta quich'jibal ta muc' jo'on te Ajwalilone.

Nehemías 13:16

Soc yan xan, ay yajwal lumetic ta Tiro te nainemic ta Jerusalén te la yich'ic ochel chay, soc ta spisil ta jchajp te bila ay ta chonel. La xchonbeyic ta sc'aalelal cux-o'tan te judioetic ayic ta Jerusalén.