Éxodo 23:1 - Bible in Tzeltal de Oxchuc y Tenejapa

¹ “Ma me lotil aiyejiluc xawal ta testigo, soc ma me xawac' aba ta testigo yu'un te mach'a amen te bila spasoje.

Bible in Tzeltal Bachajón

¹ Ma xawal te bin scuenta lehaw ta c'op. Ma junuc xawac' aba soc te mach'a chopol yo'tan ta yalel te bin ma meleluque.

Éxodo 23:1 Referans Kwoze

Salmos 101:5

Ya me jcom te mach'atic muquen ya slebeyic smul te spat-xujq'ue; ma jc'an te mach'a toyba, soc te muc' ya yac' sbae.

Proverbios 19:5

Te mach'a lotil testigo, ya me yich' castigo yu'un; te mach'a ya spas lot, ma ba libre ya xc'ot yu'un.

Éxodo 20:16

“Ma me x'ochat ta lotil testigo ta stojol apat-axujc'.

Salmos 35:11

Ya yac' sbaic ta testigo te mach'atic amenique, soc ya sjojc'obonic te bitic ma jna'e.

Deuteronomio 5:20

“Ma me x'ochat ta lotil testigo ta stojol apat-axujc'.

Levítico 19:16

“Ma me x'ochat ta le-c'op soc te alumale. “Ma me xawac' aba a teme ay ya yich' milel te alumale. Jo'on Ajwalilon.

Apocalipsis 12:10

Soc la caiy stojol te ay mach'a tulan yac ta c'op ta ch'ulchan te jich la yale: “Talix yorail te colele. Te Cajwaltic Diose ay yu'el soc ja' ay ta ajwalinel stuquele, soc yac'ojbeyix yat'el te Cristo yu'une. Yu'un la yich'ix ch'ojel loq'uel ta fuera te mach'a la sleulaybey smul te quermanotactic, te c'aal ajc'ubal la sleulaybey smulic ta stojol te Dios cu'untique.

Romanos 3:8

Teme jiche, ¿bi yu'un ma jichuc ya caltic: “Jpastic te bila amene, swenta yu'un tey me ya xchicnaj a te bila leque”, bi yu'un ma xo'ocotic? Ta melel ay cha'oxtulic ya yalic te jich ya cac' ta nopele. Ja'uc me to, puersa me ya x'ac'ot bael ta castigo yu'un te bila ya yalique.

Proverbios 19:9

Te mach'a lotil testigo, ya me yich' castigo yu'un; te mach'a ya spas lot, ja' ya xmaliyot yu'un te lajele.

1 Pedro 3:16

Lecuc me spisil te bila ya apasique. Jich me senel nax awo'tan ya awaiy yu'un. Swenta yu'un te mach'atic jowil nax ya yalbeyex amen ac'oplalic ta scaj te ach'uunejic te Cristoe, ya me xq'uexawic yu'un te bit'il ma meleluc te bila ya yalique.

2 Timoteo 3:3

Ma'yuc xc'uxul yo'tanic, soc ma xju' ta utstesel yo'tanic. Jowil jle-muliletic, ma sna' scombel sbaic, c'ax jelawenic ta uts'inwanej, soc sp'ajojic spisil te bila leque.

Efesios 4:25

Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

Proverbios 24:28

Ma me xatojol-lebey smul apat-axujc', soc ma me x'ochat ta lotil testigoil.

Proverbios 21:28

Te mach'a lotil testigo ya me yich' lajinel; yan te mach'a ya yac' xchiquin ta yaiyel stojole, puersa ya xju' yu'un sjaq'uel.

Proverbios 10:18

Te mach'atic ya smuc slab yo'tanic, yacalic me ta lot; soc te mach'atic ma sna'ic q'uinal, ya spucbey sc'oplal yantic.

Proverbios 6:19

ja' te lotil testigo te ma meleluc te bi ya yale, soc te mach'a ya sjach majtomba ta stojol yermanotac.

Salmos 15:3

ja' te ma'yuc mach'a ya sbolc'optaye; ja' te mach'a ma'yuc bila amen ya spasbey te sjo'taque; ja' te mach'a ma sboltesbey sc'oplal te spat-xujq'ue;

Levítico 19:11

“Ma me x'awaiyic elec'. Ma me xapas abaic ta lot, soc ma me talel c'axeluc xalo'lay abaic.

San Lucas 19:8

Te Zaqueo tejc'aj jajch'el ta olilal. Jich la yalbey te Cajwaltique: —Cajwal, ya me jq'uebanbey oliluc jbiluc te me'baetique. Soc teme ay mach'a la jlo'laybey sbiluque, chaneb buelta ya quesmantesbey sujt'el te sjelole —xi'.

San Lucas 3:14

Ay talic uuc te soldadoetique. La sjojc'oyic uuc: —Ja' xan te jo'otique, ¿bila ya sc'an ya jpastic uuc? —xiic. La yalbey yaiyic: —Ma me ayuc mach'a xapojbeyic sbiluc ta swenta nax ac'ajc'al-c'opic soc ta jontol le-mulil. Tic'anic me a te atojol te ya x'ac'botexe —la yut.

San Mateo 19:18

La yal te jch'iel winique: —¿Bila mandaliluc? —xi'. Jich la yalbey te Jesuse: —“Ma me x'awaiy milaw, ma me x'awaiy mulwej, ma me x'awaiy elec', ma me xawac' aba ta lotil testigo,

Jeremías 20:10

La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

Proverbios 25:23

Teme ya xtal ta norte te iq'ue, jich ya xtal te ja'ale; ja' nix jich te bol c'opetic ya xloc' ta quejtic, ya xchicnaj ta quelawtic.

Proverbios 25:18

Te mach'a ya sle ta c'op te spat-xujc', jich c'oem te bit'il martillo, o cuchillo, o t'im te jay sni'e.

Proverbios 19:28

Te lotil testigo ya slaban te lequil chajbanele; te mach'a amen yo'tane, ja' ya yal ta jamal te bila ma lecuque.

Proverbios 17:4

Te mach'a amen soc te mach'a ya spas lote, muc' sc'oplal ya xbajt' yu'unic te bol c'opetique.

Proverbios 12:17

Te mach'a testigo ta melel, ya yal ta jamal te bila melele; yan te lotil testigoe, ya spas lot stuquel.

Salmos 120:3

¿Bi xan yan ya x'ac'botat ta awenta, ja'at te ya xlo'laywan te awee?

Salmos 27:12

Ma xawac'bey spas sc'anjel yo'tanic ta jtojol, yu'un ay jajch'emiquix ta jtojol lotil testigoetic te tojol nax ya yuts'inonique.

2 Samuel 19:27

Pero la sleonix ta c'op ta atojol, muc' ajwalil cu'un. Pero te ja'at cajwal, jichat te bit'il ch'ul abat yu'un Dios, ja' ya apas te bi lec ta pasel ya awaiye.

2 Samuel 16:3

Jojc'obot yu'un te muc' ajwalil: —¿Banti ay te Mefi-boset, te smam te anima awajwale? —xi' sc'oplal. —Jil ta Jerusalén, melel yac ta sna'el teme ay ya sujt'esbot ta swenta yu'un te israeletic te yat'el ta muc' ajwalil te smame —xi' te Siba.

Éxodo 23:7

“Ma me xawac' aba ta jowil leaw ta c'op te ya achajbanbey sc'oplal ta lajel te mach'a ma'yuc smul te toj yo'tane, yu'un ya me cac'bey castigo te mach'a ya sta smule.

San Juan 7:51

—Te mandalil cu'untique, ma xyac' te ya cac'beytic castigo jtuluc winic teme ma neeluc ya quich'beytic sc'op te tey ya jna'tic a te bila spasoje —xi'.

Génesis 39:17

Jich nix jul yalbey te smamlale: —Ilawil te hebreo-winic anajc'anej, och ta jcuarto, c'an yuts'inon.

Proverbios 14:5

Te mach'a testigo ta melel, ma spas lot stuquel; yan te lotil testigoe, jpas-lot stuquel.