Éxodo 22:29 - Bible in Tzeltal de Oxchuc y Tenejapa

²⁹ “Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

Bible in Tzeltal Bachajón

²⁹ Ma me patiluc yac awa'bon jmahtanin te sit ats'unub-awawal soc te ya'lel ats'usub. Ya me awa'bon te ba-alal querem awu'une.

Éxodo 22:29 Referans Kwoze

Éxodo 23:16

“Ya me apasbon xan jq'uin ta swenta te c'ajoje, ja' te sba sit te awalts'unubile. Ja' ni me jich ya apasbon jq'uin ta swenta te c'ajoj ta slajibal te ja'wil te c'alal loq'uix spisil a te bitic ats'unoje.

Éxodo 13:2

—Ac'bonic spisil te sba anich'anic, melel spisil sba snich'nab te israeletic, ja' me cu'un. Ja' ni me jich spisil te sba yalatac te xchamsbalamique —xi' te Diose.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

Éxodo 23:19

“Te bay mero lec sba sit te awawal-ats'unubic, ya me awich'ic tel ta templo cu'un te Ajwalilon te Dioson awu'unique. “Ma me xapay alal tentsun ta ya'lel xchu' te sme'e.

Romanos 8:23

Soc ma stuqueluc nax te yac ta woclajele. Jichotic uuc yacotic ta woclajel manchuc teme quic'ojtiquix te Espiritue, te ja' sbabial seña te jayeb bi ya yac'botic ta spisil te Diose. Jich bayal ayotic ta ajc'an jpisiltic te bit'il yacotic ta smaliyel te bi ora yal-snich'an Dios ya xc'ootique. Tey me ya xcolotic soc a te jbaq'uetaltique.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

Miqueas 7:1

¡Obol jba! Jich c'oemon ya caiy te bit'il ya jle xan te c'alal c'axemix a te bila la yich' tulele; ma ba ya jtaix sit ts'usub ni sit higuera, ja'ic te bi ya smulan co'tan swe'elinel xane.

Éxodo 34:19

“Spisil te sba querem anich'anic, ja' me cu'un. Ja' nix jich te sba yalatac te awacaxic, achijic soc te atentsunic, ja' me te puro state.

Éxodo 13:12

ya me awac'beyic Cajwaltic te sbabial aquerem-nich'anique. Jich nix me te c'alal ya x'ayin yalatac te achambalamic, ja' me yu'un te Cajwaltique.

Ezequiel 20:40

Ta spisil Israel ya me xch'uunonic ta ch'ul wits cu'un, tey ta toyol wits yu'un Israel te ay ta lumq'uinal cu'une. Jo'on Ajwalilon, te jich caloje. Bin nax me co'tan ya quiq'uex ta jtojol a. Tey me ya jc'anbeyex a te majt'aniletic awu'unique, soc ya me jc'anbeyex te ya awich'bonic tel te sba sit bila ya xloc' awu'unique, soc ta spisil te bitic ch'ultesbil awu'unic, yu'un jo'on cu'un.

2 Crónicas 31:5

Ja' mandalil te pujc' bael ta stojol te israeletic, jich mero bayal la yaq'uic, ja' la yaq'uic te bay lequic te loq'uem yu'unique: trigo, vino, aceite, chab soc spisil te bitic sit awalts'unubil ta q'uinale. Soc la yich'ic bael jujun ta slajunebal ta spisil te bitic ay yu'unique, c'ax bayal ta jyalel.

2 Reyes 4:42

Patil c'ot jtul winic talem ta Baal-salisa. Yich'ojbey c'oel jtab ta pejch' waj pasbilic ta cebada te loq'uelic to ta samet, soc yach'il trigo ta morral. Te Eliseo la yalbey mandal te abat yu'une: —Ac'beya te mach'atic li' ayique, ac'a swe'ic —xi'.

Éxodo 23:15

Ya me apasbon jq'uin swenta te waj ma ba yich'oj levadura. Ja' yu'un juqueb c'aal ya me awe' waj te ma ba yich'oj levadura, jich me te bit'il calojbat mandale. Ja' me yuil te Abib te jich u te loq'uex tel ta Egipto. Ma me xtal awilonic teme ma'yuc bila ya awich'bonic tel jmajt'anine.

Éxodo 34:20

Te sba yal me' burra ya me awac'bey sjelolin jcojt' chij, o teme jcojt' tentsun. Teme ma jichuc ya awaq'uique, ya me amilic ta c'asbeyel snuc' te ch'in burroe. Yan te sba anich'anic, lebeyaic me sjelol te ja' ya awac'bonic jmajt'anine. Ma me ayuc mach'a ya xtal yilon teme ma'yuc bila ya yich'bonic tel jmajt'anin.

Números 18:13

Ja' te sbabial sit awalts'unubil ya xloc' ta tsobel te ya xtal yac'bonic, ja' me awu'un te ja'ate. Mach'auc ay awu'un te lec sc'oplale, ya me swe'elinic.

Levítico 22:27

“Te c'alal ya xtojc' jcojt' wacax, chij, o tentsun, juqueb me c'aal ya sjoin sme', pero ta swaxaquebal c'aal stojq'uel, ya me xju' ya yich'ix chiq'uel swenta milbil jmajt'an.

Deuteronomio 15:19

“Spisil te stat te sba yal awacax, soc te sba yal te achije ya xtojq'ue, ya me awac'bey yu'unin te Cajwaltic te Dios cu'untique. “Ma me xawac' at'ejuc te sba yal te wacaxetic awu'une, soc ma me xaloq'uesbeyic stsotsil te ch'in sba yal te chijetic awu'unique.