Éxodo 22:28 - Bible in Tzeltal de Oxchuc y Tenejapa

²⁸ “Xujt' ma me xabolc'optay te Diose, soc ma me xaboltesbey sc'oplal te mach'a ya xmandalaj ta alumale.

Bible in Tzeltal Bachajón

²⁸ Ma me xabohlc'optay te Dios soc ma me xabohlobtesbe sc'oblal te príncipal yu'un te alumale.

Éxodo 22:28 Referans Kwoze

Hechos 23:5

La yal te Pabloe: —Quermanotac, ma la jna' teme ja' te muc' sacerdotee, melel ya yal te ts'ibubil ta Sjun te Diose: “Ma me xabolc'optay te mach'a yich'oj yat'el ta alumale”, te xie —xi' te Pabloe.

Eclesiastés 10:20

Ma me xalaban te muc' ajwalile; ma me ayuc bila ya awal ta awo'tan ta stojol. Ma me ayuc bila amen xawal ta stojol te jc'uleje, manchuc me atuquel ayat. Ja' me x'ana' te ya xwil te ja'mal mutetique, ya me xju' yu'unic te ya xba yalbeyique.

Judas 1:8

Manchuc teme yaiyojic stojol in winiquetic to, ja'uc me to, swaichic nax c'oem te bit'il cuxulic ta q'uinale. Jich ya sboltes te sbaq'uetalique. Soc scuyojic te ma'yuc yat'el yich'oj te Cajwaltique, soc ya yixta-c'optayic te mach'atic cajal yu'elic ta ch'ulchane.

2 Pedro 2:10

C'axem to xan ya me yac'bey castigo ta patil spisil mach'a yat'elinejic spasel te biluc muliluc te ya smulan sbaq'uetalique soc te ma sc'an yajwalinic te Cajwaltique. Tulan yo'tanic, ma'yuc q'uexlal ta yo'tanic, ma xi'ic stoybac'optayel te mach'atic cajal yu'elic ta ch'ulchane.

Éxodo 21:17

“Teme ay mach'a ya sbolc'optay stat, o ja' te sme', ya me xchajbanbot sc'oplal ta lajel.

1 Pedro 2:17

Ich'aic ta muc' spisil yantic. C'ux me x'awaiy ta awo'tanic te awermanotaque. Xi'aic me te Diose. Ich'aic ta muc' te ajwalile.

Hechos 23:3

La yal te Pabloe: —¡Dios ya me smajat uuc ja'at te cha'lam awo'tane! ¿Ja'at bal te nacalat ta chajbanwanej ta swenta te mandalile? Melel contra mandalil te la awac'on ta majele —xi' te Pabloe.

Salmos 138:1

Cajwal, ta mero spisil co'tan ya calbat awutsilal; ya me jc'ajintaybat c'ayojetic ta atojol, ya me yilic te mach'a cuybilic ta Diose.

Salmos 32:6

Jich yu'un te c'alal ay woclajel ya yaiyique, te mach'atic toj yo'tanic ya sc'oponat; manchuc me ya xtal bayal snojel ja'etic, ma xtaotic c'oel yu'un.

1 Samuel 26:9

Pero la sjac' te David: —Ma'uc, ma xamil. Te mach'a ya smil te muc' ajwalil tsabil yu'un te Cajwaltic, puersa me ya yich' castigo.

1 Samuel 24:10

Yo'tic ya me ana' ta lec te ma jichuque, melel te Cajwaltic nax la yac'atix ta jc'ab ta nailch'en. Te winiquetic la yalbonic te ya jmilate, pero la jpasbat perdón. Jich la cal: “Ma me ba ya xyal jc'ab ta stojol te cajwal, melel tsabil yu'un Cajwaltic”, xoon.

1 Samuel 24:6

Jich la yalbey te swinictac: —Ja' me ac'a scomon te Cajwaltic ta sjachel jc'ab ta stojol te cajwale, ja' te muc' ajwalile. Melel ja' ac'bot yich' yat'el yu'un te Cajwaltic, ja' yu'un ja' muc' ajwalil stuquel —xi'.

Levítico 24:15

Te bila ya sc'an ya yich'ic alel te israeletique, jich xawalbey: “Te mach'a ya sbolc'optay soc ya stoybac'optaybon te jbiil jo'on te Ajwalilon te Dioson awu'unique, ya me xcuch smul, ya me yich' milel ta ch'ojel ta ton yu'un ta spisil te lume. Manchuc jyanlum, o ja' nix te yajwal lume, teme ya sbolc'optay soc ya stoybac'optaybon te jbiil jo'on te Ajwalilone, ya me yich' milel ta puersa yu'un”, uta me.

2 Samuel 16:5

Te c'alal c'ot ta Bahurim te muc' ajwalil David, loc' tel jtul winic tey a sts'umbal Saúl, Simei sbiil, snich'an Ger. Yac ta bolc'optaywanej.

2 Samuel 16:9

Te Abisai yal Sarvia, jich la yalbey te muc' ajwalile: —¿Bi yu'un te ya stijat ta c'op te muc' ajwalilat ja' me lajem ts'i'e? Yo'tic nix ya xba jc'ocbey sjol —xi'.

2 Samuel 19:21

Te Abisai yal Sarvia, jich la yal: —¿Yu'un bal ma jichuc ya sc'an jiche te ya xlaj te Simei, te bit'il la yixtac'optay te muc' ajwalil te tsabil yu'un te Cajwaltique? —xi'.

1 Reyes 21:10

Soc leaic cheb lotil testigoetic, ya me anajc'anbey ta stojol, albeyaic ac'a slebeyic smul. Ac'a yalic te la yixtac'optay Dios soc la yixtac'optay te muc' ajwalil. Patil ic'aic loq'uel, milaic ta ch'ojel ta ton”, xi' te ts'ibubile.

Éxodo 13:2

—Ac'bonic spisil te sba anich'anic, melel spisil sba snich'nab te israeletic, ja' me cu'un. Ja' ni me jich spisil te sba yalatac te xchamsbalamique —xi' te Diose.

Éxodo 13:12

ya me awac'beyic Cajwaltic te sbabial aquerem-nich'anique. Jich nix me te c'alal ya x'ayin yalatac te achambalamic, ja' me yu'un te Cajwaltique.

Éxodo 23:16

“Ya me apasbon xan jq'uin ta swenta te c'ajoje, ja' te sba sit te awalts'unubile. Ja' ni me jich ya apasbon jq'uin ta swenta te c'ajoj ta slajibal te ja'wil te c'alal loq'uix spisil a te bitic ats'unoje.

Éxodo 23:19

“Te bay mero lec sba sit te awawal-ats'unubic, ya me awich'ic tel ta templo cu'un te Ajwalilon te Dioson awu'unique. “Ma me xapay alal tentsun ta ya'lel xchu' te sme'e.