Éxodo 22:27 - Bible in Tzeltal de Oxchuc y Tenejapa

²⁷ melel ja' nax me jlijc' te sc'u' te ya smuc sba yu'un a te sique. Teme ma jichuc ya apasbeye, ¿bila ya sc'u'in ta wayel? Jich yu'un teme ya sc'anbon coltayele, ya me jcoltay, melel jc'uxtaywanejon jtuquel.

Bible in Tzeltal Bachajón

²⁷ como ha nax te ya smuc sba a, ha sc'u' te ya smuc a te sbaq'uetale. ¿Bin ya smuquix sbaq'uetal ta wayel a? Te c'alal ya yawtayon ya me ca'iybe sc'op, como ho'on Jc'uxultaywanejon.

Éxodo 22:27 Referans Kwoze

Éxodo 34:6

C'ax ta stojol te Moisés, tulan a c'opoj: —¡Jo'on Ajwalilon! ¡Jo'on Ajwalilon! Jo'on te Dioson te ya jna'bat yo'bolil aba, soc t'ujbil yutsil co'tan. Ma orauc ya x'ilinon, soc mero muc' xc'uxul co'tan. Ma jpasat ta lot.

2 Crónicas 30:9

Teme ya sujt'ex tel ta stojol te Cajwaltic, te acontro te chuculic yu'un ta ora to te awermanotac soc te anich'nabic, ya me xtal xc'uxul yo'tan ta stojolic, soc ya me sticunic sujt'el ta jlumaltic. Melel te Cajwaltic Dios cu'untic ya sna' yo'bolil jbajtic, soc jc'uxtaywanej stuquel, ma ba jc'axel ya xch'ojex bael teme ya sujt'ex tel ta stojole”, xi' bael te scartae.

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

Salmos 72:12

Melel ja' me ya scoltay te me'ba te ya yal wocol soc te mach'a ma'yuc bi xtuun yu'un te ma'yuc mach'a xcoltayot yu'une.

Salmos 34:6

Awun te mach'a obol sbae, te Cajwaltic la yaiy stojol; jich la yac' ta libre yu'un spisil te swocole.

Éxodo 22:23

Teme la awuts'inic, ya me sc'anbonic coltayel, jich yu'un ya me xboon ta scoltayel.

Isaías 19:20

Ja' me ta swenta señail ta stojolic ta sna'el ta Egipto te Cajwaltic te Spisil ya xju' yu'une. Te c'alal ya yawtayic te Cajwaltic ta sc'anbeyel coltayel te mach'atic ya xtenotic ta uts'inel, jich ya xticunbot jtul te ya x'ac'ot ta libre yu'un, ja' ya xc'opoj soc ja' ya xcoltayot yu'un.

Deuteronomio 24:10

“Teme ay bila ya awac'bey sbetan te alumale, ma me x'ochex ta yutil sna ta yich'el ta prendal sbiluquic yu'un.

2 Samuel 16:5

Te c'alal c'ot ta Bahurim te muc' ajwalil David, loc' tel jtul winic tey a sts'umbal Saúl, Simei sbiil, snich'an Ger. Yac ta bolc'optaywanej.

1 Reyes 2:8

Soc yan xan, ila awil te li' ay te Simei te snich'an Gera te Benjamín-winic, te talem ta Bahurim. Ja' te la yalbon buen tulan ixta c'op te c'alal yacalon ta bael ta Mahanaim a, pero ta patil loc' smaliyon ta muc'ja' Jordán. Jich puersa la calbey ta jamal ta stojol te Cajwaltic te ma ba ya jmil.

1 Reyes 2:9

Ja' yu'un ma me xapasbey perdón te bit'il ay sp'ijil awo'tan, ila awil bila ya xju' ya apasbey, pero te c'alal ya xlaje, ja' lec te milel ya yaiy te ya xlaje —xi' jilel te muc' ajwalil David.

Eclesiastés 10:20

Ma me xalaban te muc' ajwalile; ma me ayuc bila ya awal ta awo'tan ta stojol. Ma me ayuc bila amen xawal ta stojol te jc'uleje, manchuc me atuquel ayat. Ja' me x'ana' te ya xwil te ja'mal mutetique, ya me xju' yu'unic te ya xba yalbeyique.