Éxodo 22:24 - Bible in Tzeltal de Oxchuc y Tenejapa

²⁴ Ja' yu'un ta swenta yip te quilimba, ya me jmilex ta puñal. Jich nix me ya xjilic ta me'ba ants te awinamic soc ta me'ba alaletic te anich'nabique.

Bible in Tzeltal Bachajón

²⁴ ya me xtihl te quilimba, ya jmilex ta espada soc ya xhil ta me'ba' te awihnamic soc anich'nabique.

Éxodo 22:24 Referans Kwoze

Salmos 109:9

Ac'a jiluc ta me'ba alal te snich'nabe; soc jiluc ta me'ba ants te yiname.

Jeremías 15:8

C'axem to xan me'ba antsetic la quijq'uitay a, te jich yipal te bit'il sji'al mar. Ta mero olil c'aal a te la cac' tel lajel ta stojol te me'iletic soc te yalataque; ora nax la cac' tel mel-o'tan soc xiwel ta stojolic.

Lamentaciones 5:3

Ayotic ta me'ba, ma'yuc jtatic; te jme'tique, jilic ta me'ba ants.

Salmos 69:24

Ac'beya bael ta stojolic te awilimba; ac'a taotuc yu'un te sc'ajc'al awo'tan.

Hebreos 10:31

¡Xiweltic sba ta c'axem to xan teme ipajotic ta sc'ab te cuxul Diose!

San Lucas 6:38

Ac'beyaic te bila ma'yuc yu'un te yantique, jich me ya yac'beyex uuc te Diose: Lec p'isbil, tenbil ta nojesel ta lec, yuq'uilbil, xt'oquet nax me te ya scojc'an coel ta yawile. Te jich yipal ya ap'isbeyic te yantique, jich nix yipal ya sp'isbeyex uuc te Diose —xi' te Jesuse.

Nahúm 1:6

¿Mach'a ya xju' yu'un te ya stejc'an sba ta stojol te yilimbae? ¿Mach'a ya xcujch' yu'un te sc'ajc'ale? Te sc'ajc'al yo'tan ya me spuc bael jichuc c'ajc', ya me xjat yu'un te muc'ul tonetique.

Jeremías 18:21

Ja'uc me to, pasa yo'tic, ac'a lajuc te snich'nabic yu'un wi'nal o ta puñal; ac'a jiluc ta me'ba antsetic te yinamique, soc ni ma me ayuc yalatac ya xjilic. Ac'a milotuc yu'un milawal chamel te smamlalique; te queremetic, ac'a lajuquic ta guerra.

Salmos 90:11

¿Mach'a ya sna'bey sba te yip te awilimbae? ¿Mach'a ya sna'bey sba te sc'ajc'al awo'tane?

Salmos 76:7

Mero xi'bilat atuquel. ¿Mach'a ya xju' yu'un ya stejc'an sba ta atojol te c'alal ya xtil jajch'el sc'ajc'al te awo'tane?

Job 31:23

Te jo'one jxi'oj te castigo yu'un te Diose; ¿ya bal c'an cujch'uc cu'un te smuc'ul te yu'ele?

Salmos 109:2

Yu'un te mach'atic jpas-lotetic soc te mach'atic ja' sc'opinejic te bila amene mero ma lecuc jc'oplal ya yalbonic, soc ma meleluc te bila ya yalique.

Levítico 25:35

“Teme ay ya x'och ta me'bail te alumal, teme tal ta atojole, ya me sc'an ya ana'bey yo'bolil sba, jich te bit'il ya ana'bey yo'bolil sba te jyanlum c'axel nax aye, soc ya me alebey te banti ya x'aine.

Levítico 25:36

Ma me x'ac'anbey jtebuc sjol teme la awac'bey smajanbat ataq'uine, ma me jichuc xapas. Xiwuc me awo'tan ta stojol te Dios awu'une, lebeya me te banti ya x'ain te mach'a jun alumal soque.

Deuteronomio 23:20

Teme jyanlume ya xju' ya ac'anbeyic sjol. Yan teme ay bila ya smajanbeyex te alumale, ma xju' ya awac'bey stojbey sjol stuquel. Jich me ya yac'beyex te Cajwaltic Dios te buen lec ya xc'oex a soc spisil te bitic ya apasic tey ta lumq'uinal te ya yac'beyex awu'uninique.

Deuteronomio 23:21

“Teme ay bila ya achap ya apasic ta stojol te Cajwaltic Diose, ma me xch'ay ta awo'tan, puersa me xapasic. Ya me sc'an ya ana'ic te ya me yich'ex ta c'op yu'une, ya me yac'beyex acuch amulic yu'un.

Nehemías 5:7

C'alal la jnop ta lec, tulan la calbey te mach'atic ich'bilic ta muc' soc te jwentainwanejetique, ja' yu'un te jich la yac'beyic swocolic te mach'atic jun slumalic soque. Soc la jtsob ta spisilic, swenta yu'un ya calbey yaiyic te sc'oplalique.

Salmos 15:5

ja' te mach'a ya yac' ta majanel staq'uin te ma sc'anbey sjole; ja' te mach'a ma stsac smajt'an-taq'uin yu'un te mach'a tojol nax ay ta uts'inele. Te mach'a jich ya spase, ma me ayuc bi ora ya sta swocol yu'un.