Éxodo 22:17 - Bible in Tzeltal de Oxchuc y Tenejapa

¹⁷ Yan teme ma la yac' te stat te ya xnujbin soque, ya me stoj te jich yipal ya xc'anbot te bit'il ay stojol te ach'ix ma nujbinemuque.

Bible in Tzeltal Bachajón

¹⁷ Yan teme ma ba ya yac' te stat te ya xnuhpun soc, ya me yac' te jayeb taq'uin ya xc'ambot hich te bin ut'il stojol ach'ixetic.

Éxodo 22:17 Referans Kwoze

Génesis 34:12

Jayebuc te bila ya ac'anbonique, soc jayeb xan majt'aniletic, ja' ay sc'oplal ta co'tan te ya awac'bon quinamin te ach'ixe —xi'.

1 Samuel 18:25

Te Saúl, te bit'il yac ta sleel bi ya yut ya yac' ta sc'ab filisteoetic te David, jich la yal: —Albeyaic te David, te jich te bit'il jcostumbretic, te ay bi ya yac' yu'un te yiname, pero jo'on te muc' ajwalilon ma ja'uc ya jc'an. Ja' ya jc'an te yacuc yac'bon ta jc'ab jo'winic (100) snujc'ulel sjol sbaq'uetal filisteoetic, jich me ya jsutbey spacol a te jwocol yu'un te jcontroe —xi' te Saule.

Deuteronomio 22:29

te winic ya me sc'an te ya yac'bey lajuneb yoxwinic (50) ta jsejp plata te sme'-stat te ach'ixe. Melel la sboltesbeyix sc'oplal te ach'ixe, ya me yic' yinamin ta jyalel. Ma me xju' ya sjin te nujbinele, ya me yic' yinamin te jayeb c'aal cuxule.

Génesis 23:16

Te Abraham la xchap soc te Efrón. Jich yu'un, la yajtaybey ta stojol sts'umbal Het te jayeb taq'uin albot yu'une, te jbajc' (400) ta jsejp plata, jich nix te bit'il yalal te jsejp plata tey a.

Génesis 30:20

La yal te Lea: “Bin nax yutsil te jmajt'an la yac'bonix te Diose. Ora yo'tic bayal me jc'oplal ta yo'tan te jmamlale, yu'un la cac'beyix waqueb queremetic. Jich yu'un Zabulón ya xc'ot sbiil te cale”, xi'.

Levítico 20:6

Teme ay mach'a bajt' ta stojol te mach'atic ya sc'oponic ch'ulelal soc te mach'atic ay bila ya sna'ic syoljoltayel, te ya xbolob ta scaj st'unele, ya me jcontroin te mach'a jich ya spase, ya me jloq'ues ta yolil te slumale.

Deuteronomio 18:10

Ma me ayuc ni jtuluquex te ya awaq'uic ta milbil majt'anil anich'nabic te ya awac' c'axel ta c'ajq'ue, ma me xapasic te ay bila ya ana' ta ac'ope, ma me xacuyic te ya xju' awu'unic yalel te bila ya xc'ot ta pasele, ma me xanopic pic-c'abal,

1 Samuel 28:3

Te Samuel lajix a. Spisilic la yoq'uetayic ta Israel te c'alal laje, patil la smuquic ta Ramá ta slumal te banti ayine. Te Saúl ayix c'aal te la snuts loq'uel ta sq'uinal Israel te mach'atic ay bila ya sna'ic syoljoltayel soc te mach'atic ya sc'oponic ch'ulelaletic.