Éxodo 21:6 - Bible in Tzeltal de Oxchuc y Tenejapa

⁶ jich yu'un te yajwal ya me yic' bael ta stojol Dios, ya me xba stejc'an ta ti'nail, o teme ja' ta bay smarcoile, te yajwal ya me sjutbey xchiquin ta muc'ul aguja, jich me ya xjil ta abatil ta jc'axel.

Bible in Tzeltal Bachajón

⁶ ha yu'un te yajwal ya yic' bahel ta stojol te juecetic, soc ya ya'be stehc'an sba ta ti'nahil o ta smarcohil, ya shotbe schiquin ta shotojbil; hich stalel ya xhil ta a'bat yu'un.

Éxodo 21:6 Referans Kwoze

Deuteronomio 15:17

ja' me ya sc'an ya apas in to: Tsaca jun taq'uin te jay sni'ile, noptsana bael ta sti' ana te winique, jutbeya xchiquin a. Teme jich la apasbeye, ya me xju' ya awabatinix ta jc'axel abi. Teme criada antse, jich ni me xapasbey.

Levítico 25:40

Jichuc nax me ta awo'tan te bit'il jle-at'el, o jmajan-na. Ya me x'at'ej bael ta atojol, ja' to c'alal ta yorail te ja'wil swenta ainel ta libre.

1 Samuel 28:2

La sjac' te David: —Mero lec, yo'tic ya me awil te bila ya xju' cu'un spasel te abaton awu'une —xi'. La yal te Aquis: —Teme jiche, ya cac'at ta capitán yu'un te soldado-canantaywanejetic cu'un ta spisil ora —xi'.

Sofonías 3:3

Te jtsobwanejetic awu'un jich ya x'awunic te bit'il león-choj; te jchajbanwanejetic awu'un jichic te bit'il ja'mal ts'i'ta jochol taquin q'uinal, ma'yuc jch'ixuc bac ya yijq'uitay ta swenta te pajele.

1 Reyes 12:7

Jich la yalic: —Teme ya x'och awac' aba ta abatinel yu'un te lume, soc teme buen lequil c'op ya asujt'esbey a te sc'opique, spisil ora jun yo'tanic ya me yac' sbaic ta abatinel awu'un —la yutic.

1 Samuel 27:12

Te Aquis jun yo'tan ta stojol, jich la yal ta yo'tan: “Te David jc'axel ilaybil yac ta c'oel yu'un te slumal Israel. Ya me cabatin spisil ora”, xi' yu'un.

1 Samuel 1:22

pero te Ana ma ba bajt' stuquel, yu'un jich la yalbey te smamlale: —Te jo'one ma to xboon. Ja' to ya xboon a teme jil xchu' te alale, ja' to me ya quic' bael a, swenta yu'un ya me cac'bey ta sc'ab te Cajwaltic, soc tey me ya xjilix ta jc'axel a —la yut.

Deuteronomio 16:18

“Ac'beyaic yich' yat'el juecetic, soc ac'beyaic yich' yat'el yantic jwentainwanejetic ta stojol te lumetic ya yac'beyex ta chajbalchajp ats'umbalic te Cajwaltic te Dios cu'untique, swenta yu'un ya me xchajbanwanic ta mero stojil ta stojol te lume.

Deuteronomio 1:16

Ja' nix ta yorail a, te juecetic awu'unic la cac'bey snopic te bit'il ya x'at'ejique, jich la calbey: “Chajbanaic ta spisilic, mero stojil me xachajbanic, teme ja'ic te jun alumalic soc, o ja'ic te jyanlumetique.

Levítico 25:23

“Te q'uinal ma me xju' ta chonel ta jc'axel. Melel te q'uinal jo'on cu'un; te ja'exe c'axel nax ayex, jich nax c'oemex te bit'il ula'il cu'une.

Éxodo 22:28

“Xujt' ma me xabolc'optay te Diose, soc ma me xaboltesbey sc'oplal te mach'a ya xmandalaj ta alumale.

Éxodo 21:22

“Teme ay cheb winiquetic ya stsac sbaic te ya staic ta ejch'entesel ants te yic'oj alale, teme c'ax yu'un te yale, teme ma ba ya xlaj stuquel te antse, te mach'a la sta smul, ya me yac' multa chican bit'il ya sc'an te smamlal te antse, soc ja' chican bit'il ya snop te jchajbanwanejetique.

Éxodo 12:12

Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.

Isaías 1:26

Ya me cac' te ayuc xan jchajbanwanejetic awu'unic jich bit'il ta neelale, soc jtojteswanejetic awu'unic jich bit'il ta xjajch'ibale. C'alal ya xlaj co'tan ta spasel, ya me jcha'albeyex ac'oplalic: “Lum te toj yat'ele, lum te jun yo'tane”, xi' me ac'oplalic.

Éxodo 21:5

Yan teme ya yal te abat: “C'ux ta co'tan te cajwal, te quiname, soc te jnich'nab, ma jc'an xjilon ta libre”, teme xie,

Éxodo 21:7

“Teme ay mach'a ya xchon bael yantsil-nich'an ta criadail, ma me jichuc ya xjil ta libre stuquel te bit'il winiquetic te ayic ta abatile.

Deuteronomio 15:16

“Teme ya yal te amanbil abat te ma sc'an ya xloc' ta scaj te c'uxat ta yo'tan soc te mach'atic ay awu'une, soc yu'un c'uxtaybil awu'un ya yile,

Salmos 82:1

Te Dios ay ta yolil te ch'ul abatetic ta ch'ulchan, ja' ya yaiy chajbanwanej stuquel.