Éxodo 21:33 - Bible in Tzeltal de Oxchuc y Tenejapa

³³ “Te mach'a jamal ya yijq'uitay spozo, o ay ya spasic pozo te ma ba ya smacbey sti'e; ja'uc me to, teme ay ya xch'ay coel wacax o burro tey a,

Bible in Tzeltal Bachajón

³³ Teme ay mach'a jamal ya yihquitay hilel sti'il te pozo, o teme ya shot yawil ha' ta lum, teme ma ba ya smacbe sti'il, teme ay ya xch'ay cohel wacax o burro tey a,

Éxodo 21:33 Referans Kwoze

Jeremías 18:22

Ayuc bit'il ora nax ya aticunbey tel jtsojp j'eleq'uetic ta stojolique; ac'a chicnajuc yawic yu'un te xiwele. Melel la sjoq'uic ch'en c'oem swenta yu'un tey ya smaconic a, la yaq'uic pejts' ta bay ya xbeenon.

Jeremías 18:20

¿Ja' bal ya sujt'esbonic ta amen te bila leque? Ja'ic la sjoc'boniquix jmuquenal c'oem. Na'a me te la jc'oponat yu'unique, ja' la jc'oponat yu'un te xc'uxtayelique, la jc'anbat te ya aq'uej bael ta stojolic te awilimbae.

Eclesiastés 10:8

Te mach'a ya sjoc' ch'en, ya me xch'ay coel tey a. Te mach'a ya sjin te ts'ajq'ue, ya me xti'ot ta chan.

Proverbios 28:10

Te mach'a ya yic' bael ta banti be te amene te mach'atic lec yo'tanique, ya me xyal a ta bay spejts' spasoje; yan te mach'atic lec yat'elique, ja' ya yich'ic te bitic mero leque.

Salmos 119:85

Te toyba ants-winiquetic, te ma xch'uunic te p'ijubtesel awu'une, la sjoc'boniquix ch'en te banti ya xch'ayon coel.

Salmos 9:15

Te mach'atic ma'yuc ta stojol Dios ja' nix ya x'ochic a ta bay te syaquique; ja' nix ya xyacbot yacanic yu'un te ch'ajan te muquen ay yu'unique.

Éxodo 21:32

Teme ay ya xluchot ta wacax te manbil abat, manchuc teme ants o winic, ya me yich' milel ta ch'ojel ta ton te wacaxe. Te yajwale ya me x'ac'bot lajuneb xcha'winic (30) ta jsejp taq'uin swenta stojol te yabate.

Éxodo 21:34

te yajwal pozo, ya me stoj ta taq'uin te chambalame; ja'uc me to, ja' me ya yich' jilel te chambalam lajeme.

Levítico 24:18

“Te mach'a ya smilbey xchamsbalam te yane, ya me sjeltay: chambalam laj, chambalam nix ya yac'bey sjelol.