Éxodo 21:26 - Bible in Tzeltal de Oxchuc y Tenejapa

²⁶ “Teme ay mach'a la yejch'entesbey sit te manbil abat manchuc teme ants o winic, teme bolob yu'une, jich nax me ac'a yac' loq'uel ta libre, ja' sjelol ya xc'ot te site.

Bible in Tzeltal Bachajón

²⁶ Teme ay mach'a ya smajbe sit ya'bat o sit scriada, teme jihn yu'un, ya me yac' loq'uel ta libre yu'un te site.

Éxodo 21:26 Referans Kwoze

Colosenses 4:1

Soc ja'ex uuc te yajwalexe, ya sc'an te toj awo'tanic ta stojol te abatetic awu'unique. Sbelaluc me te bila ya achapic soque. Na'aic me uuc te ay Awajwalic ta ch'ulchane.

Efesios 6:9

Soc ja'ex te yajwalex te abatetique, jich nix ya sc'an ya apasic ta stojol uuc te abatetic awu'une. Ijq'uitayaic te ya axiwtesic ta tulan c'ope. Na'aic me te pajal ay Awajwalic ta ch'ulchan soque, soc ma'yuc mach'a tsabil nax yu'un te Diose.

Salmos 10:18

Chajbana te mach'a me'ba alaletic soc te mach'a uts'inbile; te ants-winiquetique te pasbilic ta ts'ubil lum, ma'yuc bi ora ya xcha'jajch'esic xan te xiwteswaneje.

Salmos 10:14

Ja'at awiloj atuquel te slab yo'tanic te bit'il amenique; ja'at awiloj soc ya awac'bey stoj. Ja'at ya awic' ta atojol te mach'atic ma sna' scoltaybel sbaique; ja'at jcoltaywanejat yu'un te me'ba alaletique.

Salmos 9:12

Dios ya sna' te mach'atic ya smel yo'tanique; ma ba ya xch'ay ta yo'tan yu'un te yajc'anique, soc ya yac'bey castigo te mach'atic ya x'uts'inwanique.

Nehemías 5:5

—Te jo'otique pajal israelotic soc te jlumalique. Te cal-jnich'antique, pajal yilelic soc te yal-snich'anique. Pero te jo'otique puersa ya cac'tic ta mozoil te queremetic soc te ach'ixetic cu'untique. Ay baemiquix ta criadail te cantsil-nich'nabtique. Ma'yuc bi ya xju' ya jcoltaytic a, melel te jq'uinaltique soc te jts'usubiltique yan mach'atic yich'ojiquix —xiic.

Deuteronomio 16:19

Ma me xajowtesic te bila stojil aye, pajal nax me xachajbanic te lume. Ma me x'atsaquic taq'uin ta swenta yuts'inel yantic, melel te stsaquel taq'uin swenta uts'inwaneje ya stup'bey sit te mach'atic p'ijique soc ya yixlanbey te sc'opic te mach'atic toj yo'tanique.

Éxodo 21:20

“Teme ay mach'a la smaj ta te' te yabat, te manbil abat manchuc teme ants o winic, teme laj ta sc'abe, ya me x'ac'bot stoj ta lajel.

Éxodo 21:25

teme la xchiq'ue, teme la yejch'entese, o teme la yac'bey majel, ja' nix me jich ac'a yich' uuc.

Éxodo 21:27

Teme ja' la sloq'uesbey te sbaquel yee, jich nax me ac'a yac' loq'uel ta libre, ja' me sjelol ya xc'ot te sbaquel yee.

Éxodo 21:24

Teme la st'usbey te sit, teme la swuybey te sbaquel ye, teme la sc'asbey te sc'ab, o teme la sc'asbey te yacane,