Éxodo 21:20 - Bible in Tzeltal de Oxchuc y Tenejapa

²⁰ “Teme ay mach'a la smaj ta te' te yabat, te manbil abat manchuc teme ants o winic, teme laj ta sc'abe, ya me x'ac'bot stoj ta lajel.

Bible in Tzeltal Bachajón

²⁰ Teme ay mach'a ya smaj ta te' te ya'bat o scriada, teme cham yu'un, ya me yich' a'beyel castigo yu'un;

Éxodo 21:20 Referans Kwoze

Romanos 13:4

Melel ja' abatetic yu'un Dios ta swenta alequilalic. Yan teme amen te bila ya jpastique, xiwanic me ta stojol. Melel ma tojoluc te ay ta sc'ab te yat'ejibe, yu'un ay ta abatinel yu'un Dios te ya yac'bey spacol ta castigo te mach'a ya x'uts'inwane.

Proverbios 29:19

Ta puro c'opetic ma xtojob te abate; melel ya yaiy stojol, pero ma xyich' ta muc'.

Deuteronomio 19:21

Ma me ayuc mach'a x'ana'beyic yo'bolil sba: te mach'a ya slajinbey xcuxlejal yan, ac'a me stoj ta xcuxlejal; teme ta sit la yac'beye, sit ni me ac'a yich' aq'uel; teme la sc'ocbey ye, ye ni me ac'a yich' c'oquel; teme ta sc'ab la yac'bey swocole, ac'a me yich' aq'uel swocol ta sc'ab; teme ta yacan la yac'bey swocole, ac'a yich' aq'uel swocol ta yacan uuc.

Números 35:19

“Te yermano te mach'a laj baele, ja' me ay ta swenta smilel te jmilawal te c'alal ya stae.

Génesis 9:6

Teme ay mach'a ya smil jtul winic, ja' ni me jich ya xmilot yu'un yan winic, melel te ants-winique la yich' pasel swenta yu'un pajal yilel soc te Diose.

Génesis 4:24

Teme juqueb buelta ya x'esmaj castigo ya yich' te mach'a ya smil te Caine, yan te mach'a ya smilone, te juqueb buelta ya me x'esmaj lajuneb xchanwinic (70) buelta castigo ya yich' —xi' te Lamec.

Génesis 4:15

Te Dios la yalbey: —Teme ay mach'a ya smilate, juqueb buelta ya x'esmaj castigo ta stojol —xi'. Jich yu'un te Cajwaltic la yac'bey señail ta sbaq'uetal te Caín, swenta yu'un ma me ayuc mach'a ya xmilot yu'un.

Éxodo 21:19

te mach'a ejch'enteswan ya xcol ta libre teme jajch' te mach'a ejch'entesbile, soc teme loc' ta beel ta calle, manchuc me soc te snabate'e; ja'uc me to, ya me yac'bey stojol ta poxtayel soc te jayeb c'aal ya xch'ay yu'une.

Éxodo 21:21

Teme cuxin xan jun cheb c'aale, ma ba ya x'ac'bot stoj melel yu'uninej te abate.