Éxodo 21:18 - Bible in Tzeltal de Oxchuc y Tenejapa

¹⁸ “Teme ay jtul winic ya stsac sba soc yan te ya yejch'entes ta ton o ta sc'ab, te ya yac' chawajuc ta swayib manchuc me ma la smil ta jyalele,

Bible in Tzeltal Bachajón

¹⁸ Teme ay winiquetic te ya stsac sbahic ta majtamba, teme jtuhl ya yehchentes ta ton o ta sc'ab te yane, teme ma ba cham yu'un pero puch'em ta swayib,

Éxodo 21:18 Referans Kwoze

Éxodo 21:20

“Teme ay mach'a la smaj ta te' te yabat, te manbil abat manchuc teme ants o winic, teme laj ta sc'abe, ya me x'ac'bot stoj ta lajel.

2 Samuel 14:6

Ay cheb calatac te jo'on te awabatone, la smaj sbaic ta aquiltic. Pero ma'yuc mach'a jatotic yu'un, te jtule la yejch'entes te yane, jc'axel la smil.

Deuteronomio 25:11

“Teme ay cheb winiquetic te yac ta smajel sbaique, teme ay jtul te ya xnoptsaj bael yinam, yu'un ya sc'an ya scoltay te smamlale, teme ya stsacbey ta stonil sbaq'uetal te yane,

Éxodo 21:22

“Teme ay cheb winiquetic ya stsac sbaic te ya staic ta ejch'entesel ants te yic'oj alale, teme c'ax yu'un te yale, teme ma ba ya xlaj stuquel te antse, te mach'a la sta smul, ya me yac' multa chican bit'il ya sc'an te smamlal te antse, soc ja' chican bit'il ya snop te jchajbanwanejetique.

Éxodo 2:13

Cha'loc' bael ta yan c'aal, la yil te pajal hebreoetic yacal ta smajel sbaic. C'an scom te mach'a yac ta majawe, jich la yalbey: —Ma xamaj aba soc te awermanoe —xi'.

Éxodo 21:17

“Teme ay mach'a ya sbolc'optay stat, o ja' te sme', ya me xchajbanbot sc'oplal ta lajel.

Éxodo 21:19

te mach'a ejch'enteswan ya xcol ta libre teme jajch' te mach'a ejch'entesbile, soc teme loc' ta beel ta calle, manchuc me soc te snabate'e; ja'uc me to, ya me yac'bey stojol ta poxtayel soc te jayeb c'aal ya xch'ay yu'une.