Éxodo 21:1 - Bible in Tzeltal de Oxchuc y Tenejapa

¹ Soc jich la yal xan te Cajwaltique: —Ja' me mandaliletic ya awac'bey ta stojolic in to:

Bible in Tzeltal Bachajón

¹ Ha'ic ini te mandariletic te yac awa'beyique:

Éxodo 21:1 Referans Kwoze

Deuteronomio 4:14

Jo'on la spason ta mandal te ya cac'beyex anopic te mandaliletic soc te bitic chapale, te ja' ya apasic te banti lumq'uinalil ya xc'o awu'uninique.

Deuteronomio 6:20

“Teme ay bi ora ya sjojc'obeyex te awal-anich'nabique: “¿Bi swentail spisil ta jchajp te mandaliletic soc te bitic chapale, te ya yac' jch'uuntic spasel te Cajwaltic te Dios cu'untique?” teme xiique,

1 Tesalonicenses 4:1

Jich yu'un quermanotac, ya calbeyex wocol soc ya jtac'uyex ta swenta te Cajwaltic Jesuse. Jich bit'il la cac'beyex anopic te toj ya awac' abaic ta q'uinale, swenta yu'un jich me lec yo'tan awu'unic te Diose, jich c'axem to xan toj me xawac' abaic spisil ora.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Malaquías 4:4

“Na'aic me te mandalil te la cac'bey te cabat Moisés ta wits Horeb. Ja'ic te mandaliletic, te spisil Israel ya me sc'an xch'uunic spasel.

Ezequiel 20:25

Asta la cac'bey ta swentaic yantic mandaliletic te ma lecuque, soc te ma xju' ya sta xcuxlejalic yu'une.

Ezequiel 20:11

Tey la cac'bey ta swentaic spisil a te mandaliletic cu'un, te ya x'ac'bot xcuxlejalic yu'un te mach'atic ya xch'uunique.

Salmos 147:19

Te Cajwaltic la yac'bey sna' Jacob te sc'ope; la yac'bey sna' Israel te mandaliletic yu'un, soc te bitic xchapoj ta yo'tane.

Nehemías 10:29

spisilic ja' la sjoinic ta xchapel sc'opic te yermanotac soc te jtsobawanejetic yu'unique. Jc'axel la yalic ta jamal te ja' ya st'unic te bila ya yal te mandaliletic yu'un te Diose, te la yac'bey ta swenta Moisés, ja' te yabate. La yalic te jun me yo'tanic ya yaq'uic c'otuc ta pasel ta spisil ta jchajp te mandaliletic yu'un te Cajwaltique.

2 Crónicas 19:10

Biluc c'opiluc yu'un te alumalic, ta spisil lumetic ta bayuc, te ya xtalic ta atojolic swenta yu'un ya anopic teme la yaiy milaw, o ma'uc, soc teme ya achajbanic ta swenta spisil ta jchajp mandaliletique, pasaic bael ta mandal te ma me sle smulic ta stojol te Cajwaltic, swenta yu'un ma x'ilin ta atojolic soc ta stojolic uuc. Pasaic me jiche, ma me ja'uc ya xc'ot ta atojolic te mulile.

1 Reyes 6:12

—Te bit'il templo cu'un yacalat ta spasele, teme ja' ya at'unbon spisil ta jchajp te mandaliletic cu'une, soc teme ya awac' c'otuc ta pasel ta spisil, te ja'uc ya awac' ta awo'tan te ma xch'ay awu'un te bitic ya yale, ya me cac' c'otuc ta pasel ta awenta te bi la jchap soc David, ja' te anima atate.

Deuteronomio 6:1

“Ja' spisil ta jchajp te mandaliletic soc te bitic chapal yu'un Cajwaltic te Dios cu'untic te ya sc'an ya cac'beyex anopique, swenta yu'un ya me apasic bael spisil ora ta lumq'uinal te ya yac'beyex awu'uninique.

Deuteronomio 5:31

Yan te ja'ate ya me xjilotic li'to, ya me calbat awaiy spisil ta jchajp te mandaliletic cu'un soc te bitic chapale, swenta yu'un ya me awac'bey snopic, soc ya me spasic bael spisil ora ta lumq'uinal te ya cac'bey yu'uninique”, xi' te Cajwaltique.

Deuteronomio 5:1

Te Moisés la stsob spisil te lum Israel, jich la yalbey: —Aiya awaiyic, israeletic, te mandaliletic soc te bila chapal ya calbeyex awaiyic yo'tic, nopaic ta lec, soc jich me xapasic bael ta spisil ora.

Deuteronomio 4:45

Ja' la yalbey yaiyic spisil ta jchajp te mandaliletic in to soc te bitic chapale, te c'alal loq'uic tel ta Egipto,

Deuteronomio 4:8

¿Bi nacionil te mero muc' te ay mandaliletic soc te ay bitic chapal yu'un te mero stojil aye, te pajal soc te nopjibal ya cac' ta atojolic ta ora in to?

Deuteronomio 4:5

Te jo'one la cac'beyexix anopic te mandaliletic soc te bitic chapal, te la yalbon cac'beyex anopic te Cajwal te Dios cu'une, yu'un me ya apasic bael tey ta lumq'uinal te banti ya xc'o awu'uninique.

Números 36:13

Ja' mandaliletic soc snopjibal la yac'bey Cajwaltic te israeletic ta swenta Moisés ta bay spamlej q'uinal yu'un Moab ta sts'eel Jordán, ta jejch' ja' yu'un Jericó.

Números 35:24

jich yu'un te lum ya me xchajbanic te c'op te jajch'em yu'un te mach'a la yaiy milaw soc te mach'a ya sc'an sujt'esbey spacol te mach'a lajeme, jich bit'il ya yal te mandalile.

Levítico 20:22

“Ch'uunaic me spasel te mandaliletic cu'un soc te bitic chapale; t'unaic me ta pasel spisil. Jich me ma xch'ojex loq'uel a te q'uinal te banti ya quiq'uex bael ta nainele.

Levítico 19:37

“Ja' yu'un c'otuc me ta pasel awu'unic te mandaliletic cu'un soc te bila chapale, ja' me xat'unic ta pasel. Jo'on Ajwalilon.” Jich me ya xc'o awal ta stojolic —xi' te Cajwaltique.

Levítico 18:26

Yan te ja'ex israelex soc te jyanlumetic nainem ta awolilic, ac'a c'otuc ta pasel awu'unic te mandaliletic cu'un soc te bitic chapale, ma me xapasic te bitic mero ilaybil sbae.

Levítico 18:5

“T'unaic me ta pasel te bitic chapal cu'un, soc te mandaliletic cu'une. Te mach'a ya yac' c'otuc ta pasele, ya me xcuxin yu'un. Jo'on Ajwalilon.

Éxodo 19:7

Jich coj tel Moisés ta sc'oponel te mamaletic ich'bilic ta muc' yu'un te lume. Jajch' ta yalel spisil te bila mandal albilix yu'un te Cajwaltique.

Deuteronomio 15:12

“Teme ay ya xchon sba ta abatil ta atojol te ajoy ta hebreoil, ants o winic, ja' nax me ya x'at'ej ta atojol waqueb ja'wil. Ta sjuquebal ja'wil ya me awac' ta libre.