Éxodo 20:8 - Bible in Tzeltal de Oxchuc y Tenejapa

⁸ “Na'a me te bi c'aalil yu'un cux-o'tan, te ja' swenta ch'ultesel ta jtojol te Ajwalilone.

Bible in Tzeltal Bachajón

⁸ Na'a me te sc'ahc'alel cux-o'tan yu'un yac ach'ultes.

Éxodo 20:8 Referans Kwoze

Levítico 26:2

Ich'bonic me ta muc' te sc'aalelal cux-o'tan cu'une. Ayuc me sc'oplal ta awo'tanic te ch'ul awilal cu'une. Jo'on te Ajwalilone.

Levítico 19:3

“Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.

Génesis 2:3

La yac'bey bendición te sjuquebal c'aal soc la xch'ultes, ja' yu'un te la xcux yo'tan ta swenta spisil yat'el te la spase.

Levítico 23:3

“Waqueb nax me c'aal ya x'at'ejat, te sjuquebal c'aal ma me ayuc bila at'elil ya apas a. Melel ja' te c'aal mero tsabil yu'un sc'aalelal cux-o'tan, soc ay me ch'ul tsoblej awu'unic a. Ta bayuc ayex, ja' me c'aal yu'un cux-o'tan ta swenta quich'jibal ta muc' jo'on te Ajwalilone.

Levítico 19:30

“Ich'bonic ta muc' te sc'aalelal cux-o'tanil cu'une. Bayaluc me sc'oplal ta awo'tanic te ch'ul awilal cu'une. Jo'on Ajwalilon.

Éxodo 23:12

“Waqueb me c'aal xapas spisil te bitic ay ta pasel awu'une. Ta sjuquebal c'aal ya me acux awo'tan. Jich me ya xcux yo'tanic uuc te awacax soc te aburroe. Jich me ya xcha'yich' xan yip a te awabat soc te mach'a q'uejel taleme.

Génesis 2:2

Ta sjuquebal c'aal lajemix yo'tan ta spasel spisil yat'el a te Diose, soc la xcux yo'tan yu'un spisil te yat'el te la xchicnantes ta pasele.

Deuteronomio 5:12

“Na'a me te bi c'aalil yu'un cux-o'tan, te ja' swenta ch'ultesel ta jtojol te Ajwalilone, jich nix te bit'il la calbat mandal te Ajwalilon te Dioson awu'une.

Nehemías 9:14

La awac'bey snopic te ya scanantaybat te ch'ul c'aal yu'un cux-o'tane. La apas ta mandal, soc la awac'bey mero melel nopjibaletic, mandaliletic soc p'ijubtesel ta swenta te awabat Moisés.

Nehemías 13:15

Ja' nix ta yorail a la quil ta sq'uinal Judá te ay mach'atic ya st'us ta yacanic sts'usubic yu'un vino ta sc'aalelal cux-o'tanil, soc la scuchic tombil trigoetic, te burroetic yu'unique la yac'beyic scuch vino, soc chexelchex ts'usubetic, soc higoetic soc ta spisil te ijc'atsiletic. Ta sc'aalelal cux-o'tan la yich'ic bael ta Jerusalén. Ja' yu'un la calbey ta sit te ma xyaiyic chonbajel a ta c'aal in to.

Isaías 56:2

Bin nax yutsil te mach'a ya xch'uun spasel te mandaliletique, te jun nax yo'tan ya sc'otes ta pasele; te ya yich' ta muc' te bi c'aalil yu'un te cux-o'tanile soc te ma ba ya sboltesbey sc'oplal, ja' te ya scanantay sba te ma spas te bila amene —xi'.

Jeremías 17:22

Ni ma me xaloq'uesic ni junuc ijc'atsil ta anaic te bi c'aalil yu'un cux-o'tanil, ni ma me ayuc at'el ya apasic jtebuc a. Ac'bonic cu'unin te bi c'aalil yu'un cux-o'tanil, jich bit'il la calbey mandal te antiguo ame'-atatique.

Jeremías 17:24

‘Jo'on Ajwalilon, jich ya cal: Ch'uunbonic jc'op ta melel, ma me x'awich'ic bael ni junuc ijc'atsil ta ochibaletic yu'un sts'ajc'ul te lum te bi c'aalil yu'un cux-o'tanil; ac'bonic cu'unin in c'aal to, ma me xapasic ni jtebuc at'el a.

Éxodo 31:12

Te Cajwaltic c'opoj soc Moisés, jich la yalbey:

Éxodo 35:1

Te Moisés la stsob spisil te slumal israeletic, jich la yalbey: —Te Cajwaltic la yalbon mandal te bila ya sc'an ya yich' pasel, jich la yal:

Números 15:32

C'alal te israeletic ayic ta jochol taquin q'uinal, la staic jtul slumal yac ta stsobel si' ta sc'aalelal cux-o'tan.

Isaías 58:13

“Ich'a ta muc' te c'aal yu'un cux-o'tanil; ma me xawat'elin te bitic ya sc'an awo'tan a te ch'ul c'aal cu'une. Jichuc me ya xc'ot ta awo'tan te ja' jun c'aal swenta sbujts'-o'tanile; ja' te ch'ul c'aal yu'un Cajwaltic te ya sc'an te ya x'ich'ot ta muq'ue. Ich'a ta muc', ma xawat'elin xchajbanel aiyejetic awu'un a, ni ma me xbajt' ta awo'tan yu'un te bitic ya sc'an awo'tan spasele.

Jeremías 17:21

Te Cajwaltic ya yal: ‘Te bi c'aalil yu'un cux-o'tanil ta swenta xc'uxtayel te acuxlejalique, ma x'awich'ic bael ijc'atsiletic, ni ma me xawac' ochel ta bay ochibaletic yu'un Jerusalén.

Ezequiel 20:20

Ich'a ta muc' soc ch'ultesa me te sc'aalelal cux-o'tan cu'une, swenta yu'un ja' me seña ya xc'otic te trato la jpas ta atojolique. Jich me ya ana'ic a te jo'on te Ajwalilon awu'unic soc te Dioson awu'unique”, xoon.