Éxodo 20:5 - Bible in Tzeltal de Oxchuc y Tenejapa

⁵ Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Bible in Tzeltal Bachajón

⁵ Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Éxodo 20:5 Referans Kwoze

Números 14:18

Awaloj te ma orauc nax ya x'ilinat, te mero muc' ta jyalel te xc'uxul awo'tan, soc te ya apasbey perdón yu'un smulic soc te stoybailique. Ya jna' te ma xch'ay castigo ta stojol te mach'a ay smul, te ya awac'bey castigo soc snich'nab smamatac c'alal ta xchancajal.

Deuteronomio 5:9

Ma me xaquejan aba ta stojolic, ma me xach'uunic. Melel jo'on Ajwalilon, Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Deuteronomio 4:24

melel te Cajwaltic Dios cu'untique jc'axel ma smulan teme ay mach'a yan ya xbajt' awo'tanic ta stojole. ¡Te Diose jich c'oem te bit'il c'ajc' te spisil ya xchiq'ue!

Éxodo 34:14

“Ma me xach'uunic yantic diosetic, melel jo'on Ajwalilon, mero ma sc'an co'tan. Jich ay te jbiile: “Jo'on Dioson te ya x'ilinon yu'un teme q'uejel ya xbajt' yo'tan te lum cu'une”, te xie. Jich c'oem te jbiile.

Josué 24:19

Ja'uc me to, te Josué la yalbey: —Te ja'exe ma xju' awu'unic te ya awac' abaic ta abatinel ta stojol te Cajwaltic, melel ch'ul Dios stuquel. Soc ma ba ya smulan te ya ale yantic diosetic. Ma ba ya sts'icbeyex te atoybailic soc te amulique.

Salmos 109:14

Ac'a me sna' Cajwaltic te bitic ma lecuc spasoj te state; soc xujt' ma me xch'aybey smul te sme'e.

Josué 23:7

Ma me xacap abaic soc te yantic te ayic ta awolilique. Ma me xaquejan abaic ta stojol te diosetic yu'unic, ni ma me xach'uunbeyic smandalic, ni ma me xloc' ta aweic yalel sbiilic te lotil diosetic. Ma me bi xachap ta stojolic.

Deuteronomio 6:15

melel te Cajwaltic te Dios cu'untic te ay ta atojolic, mero stuquel nax ya sc'an ch'uunel. Teme ya x'ilin ta atojolic, jich me ya slajinex ta jc'axel.

Nahúm 1:2

Te Cajwaltic, ja' te Dios te ma smulan teme ay bila yan ya jch'uuntique, ya me sujt'esbey ta swenta te j'uts'inwanejetique. Ya me yac'bey spacol te mach'atic ya stoy sba ta stojole; ya me yilintay te scontrotaque.

Jeremías 32:18

Te ja'ate ya awac' ta ilel xc'uxul awo'tan jmil ta caj te alnich'anetique; ja'uc me to, ya awac'bey castigo ta scaj smulic te me'il-tatiletique. Ja'at muc' Diosat soc bayal awu'el, te abiile ja' “Ajwalil te Spisil ya xju' yu'un”.

Números 14:33

Te anich'nabic melmonel ya xbeenic ta jochol taquin q'uinal cha'winic (40) ja'wil. Jich ya stojbat te ma junuc awo'tanic te ja'exe, ja' to chican ya xlajex jilel li' ta jochol taquin q'uinal to.

Salmos 79:8

Ma xawac' jtojbeytic te sbolilic te antiguo jme'-jtatique; ac'a taluquix yorail te c'uxtayel awu'un, yu'un mero c'ax bayal jwocoltic.

Éxodo 23:24

Ma me xac'ainbey stalelic. Ma me xaquejan abaic ta stojol te diosetic yu'unique, ma me xach'uunic. Ya me ajin ta spisil te loc'ombaetic yu'unic soc te ch'ul balal tonetic tejc'ajtic yu'unique.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

Romanos 8:7

Te mach'atic ja' nax ya xbajt' ta yo'tanic sna'el te bila ya sc'an te sbaq'uetalique, ja' scontroinejic a te Diose. Melel ma xch'uunbeyic smandal te Diose, soc yu'un nanix ma xju' yu'unic a.

Romanos 1:30

amen sc'oplal ya yalbey te yantique, jwalac'patiwanejetic, scontroinel Dios, jc'ajc'al-c'optaywanejetic, jtoyba-o'tanetic, jtoyba-c'opetic, ya sle ta yo'tanic muliletic, jc'axintay-mandaletic ta stojol te sme'-statique,

Jeremías 2:9

“Jich yu'un te jo'on Ajwalilon, jich ya cal: Ya jchajban c'op ta atojolic ja'ex soc te amamataque.

Isaías 44:19

Ma xju' yu'unic snopel, ay to sc'an na'el yu'unic te ya xc'ot ta yo'tanique, te yacuc yalic: “Olil te te' la cac' tiluc c'ajc' a, te ac'ale tac'aj tel jwe'el a, la jwo ti'bal a soc we'on; te smajc'alele la jpas a te bila ilaybile. Jun smajc'alel te' te bi yacon ta xch'uunele”, te xiuque.

Isaías 44:15

Jich te ants-winiquetic ya xtuun yu'un spasel sc'ajc' a; ya yich'ic bael smajc'alel yu'un ya sc'atinic; soc yan xan smajc'alel ya spay swe'el a; soc yan xan smajc'alel ya spasbey sloc'omba a te dios yu'une, te ya xjajch' squejan sba ta stojol.

Salmos 81:15

Te mach'atic ay slab yo'tanic ta stojol Cajwaltic ya me xyalic jilel ta lum stuquelic, soc jc'axel me chapal ya xjil te ya xba yich'ic castigo.

Job 5:4

Ma'yuc mach'a coltaybot yu'un te snich'nabe; ta chajbajibal ma stojiluc te bila ya xpasbotic tey a, ma'yuc mach'a ya xcoltayotic yu'un.

2 Reyes 23:26

Manchuc me jich la spas, pero te Cajwaltic tey ilinem jilel a, puersa ilinem ta stojol Judá, yu'un te bila amen pasbot ta stojol yu'un Manasés, te ja' la yac' ilinuque.

2 Reyes 17:35

Te c'alal la xchap sc'op soc te Cajwaltique, jich albotic mandal: “Ma me xach'uunic yantic diosetic, ma me xaquejan abaic ta stojol, ma me xawac' abaic ta abatinel swenta bit'il ya awac'beyic milbil smajt'an.

1 Reyes 21:29

—¿La bal awilix te Acab te la spejc'anix sba ta jtojole? Ta scaj te bit'il bic'tajix ta jtojol, ma ba ya cac' xc'ot te wocol ta stojol te mach'atic ay yu'un te jayeb xan ora cuxule, ja' to me ya xc'ot ta swenta te snich'ane —xi'.

2 Samuel 21:6

ja' ya jc'antic juctul te patil alnich'an yu'une, swenta yu'un ya jijpanbeytic sbaq'uetalic ta stojol Cajwaltic ta lum Gabaa-yu'un-Saúl te tsabil yu'un Cajwaltique —xiic. —Jichuc, lec ay —xi' te muc' ajwalile. Jich la yac' ta c'abal.

2 Samuel 21:1

Te c'alal ja' ay ta muc' ajwalil a te David, tal wi'nal, oxeb ja'wil jalaj te wi'nale. Te David la sjojc'obey te Cajwaltique. Jac'bot yu'un: —Te wi'nale ja' talem ta swenta te smilaw te Saúl soc te mach'atic ay yu'une, melel la stojol-milic te gabaonetique —xi' te Cajwaltique.

Deuteronomio 32:21

La yac'bonic bolobuc co'tan ta stojolic, ta scaj te la sdiosinic te bila ma diosuque, la yaq'uic ilinucon ta stojolic yu'un te loc'ombaetic yu'unique. Ja' yu'un ya me jachbey yo'tanic ta swenta jyanlumetic, ja' te mach'atic ma lumuque, ya me cac' ilinuc yo'tanic ta swenta jpam lum te ma'yuc bila ya xc'ot ta yo'tanique.

Deuteronomio 7:10

Pero jc'axel me ya slajin stuquel te mach'atic ya x'ilayot yu'une. Ja' ni me ya yac'bey ta swentaic te bitic lebil yu'unique. ¡Ma wocoluc ya yac'bey te bila sleojic te mach'atic ya x'ilayot yu'une!

Levítico 26:29

Jich me ja'ex nix ya ati'ic te aquerem-nich'nabique, soc ya me ati'ic te awantsil-nich'nabique.

Levítico 26:1

“Ma me xapas awajcananic soc ma me xapas loc'ombaetic, ma me xawaq'uic chicnajuc ta alum-aq'uinalic ch'ultesbil tonetic soc loc'ombaetic te loc'taybilic ta tone. Ma me xapajc'an abaic ta stojolic, melel jo'on te Ajwalilon te Dioson awu'unique.

Levítico 20:5

jo'on me ya jcontroin, soc te mach'atic ay yu'un, ya me jloq'ues ta yolil slumal soc te mach'atic pajal bolob soque, te pajal bajt'ic ta stojol Moloc.

1 Corintios 10:22

¿Yu'un bal ya jc'antic te ya cac'tic ilinuc yo'tan te Cajwaltique? ¿Yu'un bal ja' cajalotic yu'un a te Diose?

San Juan 15:18

“Teme ya yilayex te mach'atic ayic ta swenta te balumilale, na'aic me stojol te jo'on neel la yilayonique.

San Juan 7:7

Te mach'a ayic ta balumilal ma ba ya sp'ajex. Yan te jo'one ya sp'ajonic scaj te ya calbey ta jamal te amen te yat'elique.

San Mateo 4:9

Soc la yalbey: —Teme ya aquejan aba ta jtojol soc teme ya awich'on ta muq'ue, ya me cac'bat spisil in to —xi' te pucuje.

Daniel 1:2

Te Cajwaltic ma ba la scoltay te Joacim, jich tsacot yu'un te Nabucodonosor, soc la yac' ochuc ta sc'ab bayal te biluquetic yu'un templo yu'un te Diose. Te Nabucodonosor la yic' bael ta Babilonia te jchuqueletique. Te ch'ul biluquetic la yac' ta yawil sc'ulejal ta templo yu'un te diosetic yu'une.

Ezequiel 8:3

Te winique la stoy bael te sc'ab yilele, la stsacbon te stsotsil jol. Te yip yu'el Dios la slicon jajch'el ta ic' yaiyel. Te Dios la syantesbon q'uinal caiy, la yic'on bael ta Jerusalén la caiy. C'o yac'on ta yochibal ta yutil templo, ta stojol bael norte, te banti ay te loc'omba te ya xjachbot yilimba yu'un te Cajwaltique.

Proverbios 8:36

Pero te mach'a ya sloq'ues sba ta jtojole, ya me x'och ta swenta lajel stuquel; te mach'a ya yilayon, ja' me c'ux ta yo'tan a te lajele”, xi' te p'ijil-o'tanile.

Salmos 78:58

La yaq'uic ilinuc yu'un te Diose, te bajt'ic ta banti ay scajtijib ta chiq'uel milbil smajt'an te lotil diosetique; la xch'uunic loc'ombaetic, jich la yaq'uic ilinuc.

Job 21:19

Ay ta alel te Dios ya yac'bey stoj yal-snich'nab te smul te sme'-state. Pero te ya cale ja' nix te mach'atic amen yo'tanic te ay ta swentaic stojel ta tulan castigo te smulique.

2 Crónicas 25:14

Te bit'il sujt' tel Amasías ta stsalel Edom, la yich'bey tel diosetic yu'un Seir. Ja' diosetic a c'ot yu'un, la yalbey wocol ta stojolic, soc la xchic'bey pom.

Jueces 2:19

Ja'uc me to, te c'alal ya xlaj te juez, ya xcha'boltes sbaic xan, ja' c'axem to xan jelawen la spasic a te bit'il sme'-statique. La xch'uunic soc la yac' sbaic ta abatinel yu'un loc'ombaetic te scuyojic ta diosetique. Ma la yijq'uitayic te bi snopojic spasel soc te sbolil yo'tanique.

Josué 23:16

teme ma x'ac'otesic ta pasel te trato te la xchap ta atojolique. Teme ya xbaex ta xch'uunel yantic diosetic, soc teme ya xba aquejan abaic ta stojol, ya me x'ilin ta atojolic te Cajwaltique, jich me ora ya slajinex ta q'uinal ta bay mero lec te la yac'beyexe —xi' te Josué.

Deuteronomio 32:41

Ja' yu'un te c'alal ya juxbey ye te jpuñal te mero xlemet naxe, c'alal ya xjajch'on ta stojil chajbanwanej, ya me jsujt'esbey spacol ta stojolic te jcontrotaque. Ya me cac'bey c'otuc ta swentaic te bila sleojic te mach'atic ya yilayonique.

San Juan 9:2

Te jnopojeletic yu'une la sjojc'oyic: —Maestro, ¿mach'a smul te ma'sit ayin in winic to? ¿Scaj bal smul sme'-stat, o scaj bal smul stuquel? —xiic.

Deuteronomio 5:10

Yan te mach'atic c'uxon ta yo'tanic te ya xch'uunbonic te jmandale, ya jc'uxtay mil ta caj soc yal-snich'anic stuquelic.

1 Reyes 19:10

La sjac' te Elías: —Mero bayal ac'oplal ya caiy ta co'tan, Cajwal Dios te Spisil ya xju' awu'une. Melel te jlumal israeletic la xch'ayix ta yo'tanic te bila achapoj soque. La sbusq'uiniquix ta jinel te scajtijib amajt'an te banti ya yich' chiq'uele, soc la smilic ta puñal te j'alwanejetic awu'une. Jtuquel xanix jilemon, pero ya sleonic yu'un ya slajinbonic jcuxlejal uuc —xi' te Elías.

Ezequiel 18:19

Te ja'exe ya wan ajojc'oyic: “¿Bi yu'un te ma ba ya stojbey uuc te smul stat te nich'anile?”, teme xaexe. Melel ja' la spas te bila yich'oj swentaile, te bila stojil soc spisil te bila ya yal te mandaliletic cu'une, ja' yu'un ya me xcuxin ta mero melel stuquel.

Ezequiel 20:7

Ta spisilic la jpas ta mandal, te ya xch'ay ta yo'tanic te bitic ilaybil sba cuybilic ta Dios yu'unique, soc la calbey te ma ba ya sboltes sbaic ta swenta te loc'ombaetic yu'un Egipto, melel jo'on yajwalon soc Dioson yu'unic.

Ezequiel 39:25

“Ja' yu'un, jo'on Ajwalilon te jich ya cale: Yo'tic ya me xtalix xc'uxul ta co'tan ta spisil te lum Israel, ja' te patil alnich'anetic yu'un Jacob. Ya me cac' te ya xyanaj te stalele, soc ya me calbey mandal te ya yac'bon ta ich'el ta muc' te jch'ul-biile.

Números 25:11

—Te Finees la spasix te ya xlamaj te quilimba ta stojol te israeletic, melel toyol yo'tan jich bit'il toyol co'tan jo'on te bit'il jtuquel ayon ta ch'uunele. Ja' me swentail te ma ba la cac' ilinuc co'tan bayal, te jichuque jc'axel la jlajinix.

2 Reyes 5:18

Ja' nax ay bi ya calbey wocol yu'un te Cajwaltic te yacuc spasbon perdón: ja' te c'alal ya xbajt' te cajwal ta xch'uunel te lotil dios Rimón ta templo yu'une. Teme ya yich' yip ta jc'abe soc teme puersa ya jquejan jba soc tey ta templo, te yacuc spasbon perdón yu'un te Cajwaltique —xi' te Naamán.

2 Reyes 5:27

Ja' yu'un yo'tic te sc'a'el-xchamel te Naamán, ja'at me ya xc'ot ta anujc'ulel, soc te patil alnich'anetic awu'un ta sbajt'el ora —xi' sc'oplal. Te c'alal te Giezi loc' bael ta stojol Eliseo, mero scojt'ol ayix a te c'a'el-chamel ta snujc'ulele, scojt'ol sacubenix jichuc toib a.

2 Crónicas 7:19

Yan teme ya apit aba ta jtojol, teme ma xach'uun spisil te mandaliletic cac'ojbeyexe, teme ya awac' abaic ta abatinel yu'un yantic diosetic soc ya xbaex ta yalel wocol ta stojolic,

Ezequiel 18:2

—¿Bi yu'un te ma xquejch'aj ta alel ta Israel te p'ijil c'op te jich ya yale: “Ya slo' pajal ts'usub te me'il-tatile, te yal-snich'anic ya stsic'bot yeic yu'un”, te xie?

Daniel 3:18

Manchuc teme ma scoltayotic te Diose, pero na'a me, muc' ajwalil, te ma'yuc bi ora ya jch'uuntic te diosetic awu'une, soc ni ma'yuc bi ora ya jquejan jbajtic ta stojol te loc'omba pasbil ta oro —xiic.