Éxodo 20:4 - Bible in Tzeltal de Oxchuc y Tenejapa

⁴ “Ma me xapas awajcanan. Ma me xapasbey sloc'ombail bitic ayic ta stoyolil ch'ulchan, soc bitic ayic ta lumq'uinal, soc bitic ayic ta mar ta yet'al te lumq'uinale.

Bible in Tzeltal Bachajón

⁴ Ma me xapasbe sloc'ombahil o biluc a te pajal yilel soc te bintic ay ta ch'ulchan, ta bahlumilal o ta ha'etic ta ye'tal bahlumilal.

Éxodo 20:4 Referans Kwoze

Levítico 26:1

“Ma me xapas awajcananic soc ma me xapas loc'ombaetic, ma me xawaq'uic chicnajuc ta alum-aq'uinalic ch'ultesbil tonetic soc loc'ombaetic te loc'taybilic ta tone. Ma me xapajc'an abaic ta stojolic, melel jo'on te Ajwalilon te Dioson awu'unique.

Deuteronomio 5:8

“Ma me xapas awajcanan. Ma me xapasbey sloc'ombail bitic ayic ta stoyolil ch'ulchan, soc bitic ayic ta lumq'uinal, soc bitic ayic ta mar ta ye'tal te lumq'uinale.

Salmos 97:7

Ma'yuquic ta q'uinal ya yaiyic te mach'atic xch'uunejic te loc'ombaetic, ja' te mach'atic stoyoj sbaic yu'une. Spisil te bitic cuybil ta Dios ya stinan sbaic ta stojol.

Levítico 19:4

“Ma me xbaex ta stojolic te loc'ombaetique, soc ma me xapas adiosinic ultesbil taq'uinetic. Jo'on Ajwalilon, Dioson awu'unic.

Hechos 17:29

Jich yu'un teme yal-snich'anotic te Diose, ma me jcuytic ta Dios te bila loc'taybil te pasbil ta oro o ta plata o ton te la spas te ants-winiquetique, chican te bi yilel la sc'an te la snop ta yo'tanique.

Deuteronomio 27:15

“Boloben me sc'oplal ta jyalel te mach'a ya spas loc'omba, o teme ay bila ya sloc'tay ta ultesbil taq'uin te pasbil ta jten-taq'uine, te ya yac' ta muquen ta sq'uinale, melel mero ilaybil me yu'un te Cajwaltique”. “Jichuc”, xiic me ta spisil te lume.

Apocalipsis 16:2

Te sbabial ch'ul abate ba smal ta lumq'uinal te copa yich'oje. Chicnaj c'a'el-chamel te bayal stuile, c'ot ta swentaic te ants-winiquetic te yich'ojbeyic smarca te muc'ul chambalam te xi'bantic sbae soc te la slajin sbaic ta stojol te sloc'ombae.

Romanos 1:23

Jich la sc'atp'unbeyiquix te yutsilal Dios te ma xlaj stuquele. Spasojic ta sloc'omba ants-winic te ma staleluc cuxule, soc sloc'ombail mutetic soc chambalametic soc chanetic.

Isaías 45:16

Spisilic te mach'atic ya spasic loc'ombaetic ya me xq'uexawic yu'un; peq'uel me ya xjilic soc ma'yuc sc'oplalic ya xc'otic.

Isaías 42:8

Jo'on Ajwalilon, ja' me jbiil abi, soc ma me xju' te ya cac' yutsilalin yan te cutsilale; jo'on nax me jtuquel ya x'ich'oton ta muc', ma me ja'uc te loc'ombaetique.

Ezequiel 8:10

Ochon bael, ta spisil snajt'il bael te ts'ajq'ue, la quil tey loc'taybilic ta c'abal spisil ta jchajp a te chambalametic staslajan ya xbeenic ta lume, soc nix yantic chambalametic te amen sc'oplalic, soc spisil ta jchajp te bitic cuybil ta Dios yu'un Israel.

Apocalipsis 9:20

Ja'uc me to, te jayeb xan mach'atic ma ba lajic yu'un te miljibaletique, ma la sujt'es yo'tanic yu'un te bila spasoj ta sc'abique. Ma la yijq'uitayic ta ch'uunel te pucujetic soc loc'ombaetic te pasbilic ta oro soc ta plata soc ta bronce soc ta ton soc ta te', te ma xyilic q'uinal soc te ma xyaiyic stojol c'op soc te ma xju' ya xbeenique.

Isaías 42:17

Te mach'atic ja' smuc'ul yo'tanic te loc'ombaetique, soc teme ay yajcananic ya yalbeyic: “Ja'ex me te diosex cu'untique”, teme xiic ta stojolique, ya me sq'uej sbaic bael yu'un q'uexlal abi.

2 Crónicas 33:7

La yac' ta templo yu'un Dios te yajcanan te la spase, ja' te templo la yalbey sc'oplal Dios ta stojol David soc te snich'an Salomón: “Te templo ta Jerusalén, ja' tsabil cu'un yu'un spisil ta jchajp sts'umbal Israel, ja' me tey ya cac' xnain a te jbiil sbajt'el q'uinale.

1 Reyes 12:28

C'alal la yaiybey sc'op yantic te muc' ajwalil, la snop te ya spas cheb alal toroetic ta oro. Jich la yalbey te yajwal lum: —Ja'ex israeletic, bayal buelta c'oemex ta Jerusalén. Yo'tic li' ayix te adiosic te la sloq'uesex tel ta Egipto —xi' te Jeroboam.

Éxodo 34:17

“Ma me xapas awajcananic ta taq'uin te ultesbil ta c'ajq'ue.

Éxodo 32:1

Ja'uc me to, c'alal la yil te israeletic te ma ba coj tel ta wits ta ora te Moisés, la stsob sbaic tel ta stojol Aarón, jich la yalbeyic: —Jajch'an, pasbotic diosetic cu'untic te ya xneelaj bael cu'untic, melel te Moisés te la sloq'uesotic tel ta Egipto ma jna'tic bila la spas —xiic.

Éxodo 32:23

Ja'ic la yalbonic: “Pasbotic dios cu'untic te ya yic'otic ta beele, melel ma jna'tic bi la spas te Moisés te la sloq'uesotic tel ta Egipto”, xiic.

Éxodo 32:8

Ora nax la yijq'uitayic jilel te be c'oem te la calbey mandal te ya st'unique. La spasbeyic sloc'ombail jcojt' alal toro ta oro ultesbil ta c'ajc'. Yacaliquix ta xch'uunel soc la yac'beyiquix smajt'an. Jich yacalic ta yalel: “¡Jlumal, ilawil, ja' dios cu'untic te la sloq'uesotic tel ta Egipto!” xiic me —la yut.

Números 12:8

melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

2 Reyes 17:12

La xch'uunic loc'ombaetic te mero jc'axel combilic yu'un Cajwaltic te ma ba ya xch'uunique.

Salmos 78:58

La yaq'uic ilinuc yu'un te Diose, te bajt'ic ta banti ay scajtijib ta chiq'uel milbil smajt'an te lotil diosetique; la xch'uunic loc'ombaetic, jich la yaq'uic ilinuc.

Ezequiel 8:3

Te winique la stoy bael te sc'ab yilele, la stsacbon te stsotsil jol. Te yip yu'el Dios la slicon jajch'el ta ic' yaiyel. Te Dios la syantesbon q'uinal caiy, la yic'on bael ta Jerusalén la caiy. C'o yac'on ta yochibal ta yutil templo, ta stojol bael norte, te banti ay te loc'omba te ya xjachbot yilimba yu'un te Cajwaltique.

Ezequiel 20:7

Ta spisilic la jpas ta mandal, te ya xch'ay ta yo'tanic te bitic ilaybil sba cuybilic ta Dios yu'unique, soc la calbey te ma ba ya sboltes sbaic ta swenta te loc'ombaetic yu'un Egipto, melel jo'on yajwalon soc Dioson yu'unic.

Éxodo 20:23

Jich yu'un ma me xapasic loc'ombaetic ta oro soc ta plata te ya ach'uunique.

Éxodo 32:4

Jich la stsac jilel ta sc'ab. La yultes ta c'ajc' te oro, la yac' ta smoldeil, la spas xan ta cincel. Jich la spasbey sloc'ombail jcojt' alal toro a. Jich la yalic ta spisilic te israeletique: —¡Jlumal, ilawil, ja' dios cu'untic te la sloq'uesotic tel ta Egipto! —xiic.

Deuteronomio 16:22

Ma me xatejc'anic ton yu'un ya ach'uunic, jich bit'il ya spas te mach'a ma ba xch'uunejic te Diose, melel te Cajwaltic te Dios cu'untique mero ilaybil yu'un.