Éxodo 20:26 - Bible in Tzeltal de Oxchuc y Tenejapa

²⁶ Te scajtijib jmajt'ane ma me cajalcajuc moel, melel teme moat bael tey a, ya xchicnaj abaq'uetal”, uta me —xi' te Diose.

Bible in Tzeltal Bachajón

²⁶ Soc ma me xmohat ta cajalcaj ta scajtajib ta chiq'uel mahtanil cu'un, scuenta yu'un ma ba ya xchicnaj tey a te banti ma ba macal te abaq'uetale.

Éxodo 20:26 Referans Kwoze

1 Pedro 1:16

Yu'un jich ts'ibubil ta Sjun Dios: “Ch'ultesbiluquex me, jich bit'il ch'ul Dioson jtuquel”, te xie.

Eclesiastés 5:1

Te c'alal ya xbaat ta templo yu'un te Diose, buen tsajtaybil me x'ainat tey a. Ma me ja'uc nax xbajt' awo'tan yaq'uel milbil majt'anil, jich te bit'il ya spasic te ants-winiquetic te ma sna'ic q'uinale, te ma ba ya sna'ic te amen te bi ya spasique. Te ja'ate, noptsajan xan me bael ta sts'eel te Diose, junuc me awo'tan xach'uunbey spisil smandal.

Salmos 89:7

Mero muc' Diosat, ayat ta xi'el; joytaybilat yu'un spisil bitic cuxajtic ta ch'ulchan.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Éxodo 28:42

Pasbeya scomol wexic ta lino, ja' me smajq'uil sbaq'uetalic ya xc'ot.

Éxodo 28:43

Jich yu'un te Aarón soc te snich'nab ya me slapic bael ta Nailpac' te bay ya quich' c'oponele, o ja' te c'alal ya xnoptsajic tel ta bay scajtijib ta chiq'uel te jmajt'ane, soc te c'alal ay at'el ta ch'ul awilal swenta yu'un ma me staic falta, teme repente ya xlajic yu'un. Ja' me jmandal ta sbajt'el q'uinal ta stojolic soc te sts'umbale.

Ezequiel 43:17

Te yolile, chanxujc' nax ay, juqueb metro te jujun sti'ile. Te beja' ay ta sjoyobale, ay olil metro sjamalul; te sti'il toyeme ay jo'eb xcha'winic (25) centímetro ta sjamalul. Te moibaletique, ay ta stojol sloq'uib c'aal.