Éxodo 20:24 - Bible in Tzeltal de Oxchuc y Tenejapa

²⁴ Pasbonic scajtijib ta chiq'uel jmajt'an ta ts'ubil lum. Milbonic jmajt'anin te achambalamique, ja' te achijic soc te awacaxique. Ay me ya achic'bonic jmajt'anin scojt'ol, soc ay me ya amilbonic jmajt'anin swenta seña te lamal-o'tanile. Ya xtalon ta jujun awilal te bay ya sc'an co'tan te ya ana'ulayone, tey me ya cac'beyex bendición a.

Bible in Tzeltal Bachajón

²⁴ Ya me apasbon ta puro lum te scajtajib ta chiq'uel mahtanil, tey yac awac' a te scohtol chic'bil mahtaniletic, te mahtaniletic scuenta lamal q'uinal, te tuminchijetic soc wacaxetic awu'unique. Ta spisil lugar banti ya cac' te sna'ojibal te jbihile, tey ya xtalon ta atojol soc tey ya ca'bat bendición a.

Éxodo 20:24 Referans Kwoze

Deuteronomio 12:5

Tey nix ta yolil te chajbalchajp ats'umbalique, te Cajwaltic ya me stsa te banti ya xnain te sbiile. Tey me ya xju' ya xba ach'uunic a.

2 Crónicas 6:6

Ja'uc me to, ja' la jtsa te Jerusalén, swenta yu'un tey me ya xnainon ta ich'el ta muc' a. Soc ja' la jtsa te David swenta yu'un ya xmandalaj ta stojol te lum Israel cu'une”, xi' te Cajwaltique.

1 Reyes 9:3

Jich albot: —La caiyix te ac'op soc te la awalbon wocole. La jch'ultesix te templo, te la apasbon swenta yu'un ya x'ainon spisil ora tey a. Ya me jcanantay soc ay me ta wenta cu'un spisil ora.

2 Crónicas 7:16

melel jo'on jtsaoj soc la jch'ultesix te templo, ja' te bay ya cac' ainuc sbajt'el q'uinal te jbiile. Ya me jcanantay, soc ay me ta co'tan spisil ora.

Deuteronomio 12:11

ja' meix yorail a te ya stsa jun yawil sbiil te Cajwaltic te Dios cu'untique. Jich me ya awac'beyiquix spisil a te bi la calbeyex te ya awac'beyique: ja' te milbil chambalametic te ya yich' chiq'uel ta swenta yich'el ta muc' awu'unique, te jun ta slajunebal abiluc, soc abiluquic swenta patanil awu'unic, soc spisil te bitic buen t'ujbil tsabil te jc'axel awalojic ta stojol te Cajwaltique.

Deuteronomio 16:11

Ya me apasic q'uin ta stojol te Cajwaltic Dios cu'untique, tey me te banti stsaoj yu'un yawil te sbiile. Soc ja' me ya ajoinic te awal-anich'nabic, awabatic, acriadaic, levitaetic, jyanlumetique, me'ba alaletic soc me'ba antsetic te nainemic ta alumalique.

2 Crónicas 12:13

Te muc' ajwalil Roboam la yich' xan yip ta Jerusalén, ma ba com ta mandalteswanej. Te c'alal jajch' ta at'el ta muc' ajwalil ayix jun yoxwinic (41) ya'wilal a, soc mandalaj juclajuneb ja'wil ta Jerusalén, ja' te lum te la stsa Cajwaltic ta yolil spisil ta jchajp sts'umbal Israel swenta yu'un tey ya xnain a. Naama te sme' Roboam, amonita-ants.

Deuteronomio 26:2

ya me atsac te sba sit te awawal-ats'unub te ya yac'bat te lumq'uinale, ya me apach bael ta moch ta yawil te banti stsaoj yu'un yawil sbiil te Cajwaltic te Dios cu'untique.

Esdras 6:12

Soc te Dios te la stsaix te Jerusalén swenta yu'un yawil sbiile, ac'a slajin mach'auc muc' ajwalil, o nación, te ma sc'an xch'uun in mandal to o te ya sc'an sjin te templo yu'un Cajwaltic te ay ta Jerusalene. Jo'on Daríoon te la cal mandale. Ts'acal me xawac' c'otuc ta pasel te bila ts'ibubil”, xi' te muc' ajwalil Darío.

1 Reyes 8:29

Ac'a tel asit ta c'aal ajc'ubal li' ta templo, te banti awaloj te spisil ora tey ya x'ainat a. Aiybon te jc'op te yacalon ta yalel wocol ta atojol yo'tic te jo'on te abaton awu'une.

San Mateo 18:20

Melel te banti stsoboj sbaic cha'oxtul ta swenta te jbiile, tey ayon a ta bay yolilic —xi' te Jesuse.

1 Reyes 8:43

aiybeya sc'op c'alal ta ch'ulchan, c'alal ta banti nainemate, ac'beya spisil te bitic ya sc'anbate, swenta yu'un spisil nacionetic ta balumilal ya sna'bat aba soc ya yich'at ta muc', jich te bit'il yacal ta spasel te lum Israel awu'une, soc ya sna'ic a te ay ta alel wocol ta atojol li' ta templo te jo'on la jpasbate.

Deuteronomio 14:23

Te jun ta slajunebal te sp'isol te trigo, vino soc te aceite, soc te sba yal te wacaxetic soc chijetic awu'unique, ya me ati'ic ta stojol te Cajwaltic te Dios cu'untique. Tey me ya ati'ic ta banti stsaoj swenta yawil xch'ul-biil stuquel, swenta yu'un jich me ya anopic yich'el ta muc' spisil ora a te Cajwaltique.

Salmos 74:7

La stsumbeyic sc'aal te ch'ul templo awu'une; la sboltesic, la sjimic coel c'alal ta lum.

Nehemías 1:9

Pero teme ya sujt'otic ta atojole, soc teme ya cac'tic c'otuc ta pasel te mandaliletic awu'une, soc teme ya x'och jpastic xan spisil orae, melel awaloj te ya atsobotic tel tey a, soc awaloj te ya awac'otic xan tey ta banti tsabil awu'un te ch'ultesbil yu'un te abiile, manchuc me la quich'tic puquel bael c'alal ta xujc' sti'il te balumilale.

2 Samuel 6:12

Albot yaiy te muc' ajwalil David te ac'botix bendición te mach'atic ay yu'un te Obed-edom soc spisil te bila ay yu'un ta swenta te cajón yu'un Cajwaltic. Ja' yu'un te David ba yich' tel te cajón ta sna Obed-edom. Soc bayal sbujts' yo'tanic ta spisilic la yich'ic c'axel ta Lum-yu'un-David.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Salmos 78:68

Ja' la stsabey stuquel te sts'umbal Judá soc nix te buen mulanbil wits yu'un, ja' te Sión.

Deuteronomio 12:21

Teme ay c'ubul tey a te banti nainemex te yawil ya stsa yu'un ya yac' tey a te sbiil te Cajwaltic te Dios cu'untique, ya xju' ya amilic te wacaxetic soc chijetic awu'unic te yac'ojbeyex te Cajwaltique. We'anic tey a te bitic ya sc'an awo'tanic ta banti nainemexe, jich te bit'il la calbeyexix mandale.

1 Timoteo 2:8

Jich yu'un ya jc'an te ya sc'oponic Dios ta bayuc te winiquetique. Te c'alal ya stoyes sc'abic ta sc'oponel te Diose, ya sc'an ch'ultesbiluc, soc ma me ilinemuc yo'tanic, soc ma me ayuc guerra ta yo'tanic.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Salmos 76:2

Te templo yu'un ay ta sba wits Sión, ay ta Jerusalén.

Salmos 134:3

Ja' te Cajwaltic te la spas ch'ulchan balumilal, ac'a yac'beyex bendición c'alal ta wits Sión.

Salmos 128:5

Ac'a yac'bat bendición c'alal ta wits Sión te Cajwaltique; te yacuc awilbey te yutsil Jerusalén te jayeb c'aal cuxulate,

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

Deuteronomio 7:13

Mero c'ux me ya yaiyex ta yo'tan, ya me yac'beyex bendición soc ya me yac' esmajanic. Ya me yac'bey bendición te awal-anich'nabic soc te awawal-ats'unubique: ja' te trigo, te vino soc te aceite, te yalatac te wacaxetic awu'unic, soc yalatac te achijique. Spisil ya me yac'beyex ta lumq'uinal te jc'axel la yalbey te antiguo ame'-atatic te ya yac'beyexe.

Éxodo 10:25

Te Moisés la sjac': —Ma jichuc. Asta ja'at ya sc'an ya awac'botic te chambalam te ya jmilbeytic ya jchic'beytic ta swenta yich'jibal ta muc' te Cajwal te Dios cu'une.

Éxodo 18:12

Te Jetro te snialmamal Moisés la stsac jcojt' chambalam yu'un ya smil soc ya xchic'bey smajt'anin te Diose, soc yan milbil majt'aniletic la yac'. Te Aarón soc spisil te mamaletic ich'bilic ta muc' yu'un Israel, la sjoinic ta we'el te snialmamal Moisés ta stojol te Diose.

Éxodo 20:25

Teme ya apasbonic ta ton te scajtijib ta chiq'uel jmajt'ane, ma me walubil tonuc, melel teme walubil ta at'ejibaletique, ma me lecuc.

Éxodo 24:5

La yalbey te queremetic te ya xba smilbeyic smajt'anin Cajwaltic toroetic te ya xchic'bey scojt'ol, soc ay ya yac'bey smajt'anin swenta seña lamal-o'tanil.

Éxodo 27:1

“Pasbon scajtijib ta chiq'uel milbil jmajt'an ta acacia. Pajal me sp'isol ta xchanxujc'ul, cheb metro soc jo'eb xcha'winic centímetro (2.25) te jujun xujc', jun metro soc jo'eb xcha'winic centímetro (1.25) te stoylejale.

Levítico 17:9

teme ma ba ya yic' bael ta yochibal Nailpac' te banti ya quich' c'oponele, yu'un jmajt'an jo'on te Ajwalilone, ya me yich' loq'uesel ta yolil te yajwal lume.

2 Reyes 5:17

Ja' yu'un te Naamán jich la yal: —Teme jiche, ac'bon permiso te ya quich' bael cheb ta mulail te slumil sq'uinal Israel, melel te jo'on te awabatone ma'yuquix bi ora ya cac'bey chic'bil soc milbil smajt'an yan diosetic, ja' nax stuquel te Cajwaltique.

Isaías 64:5

Te ja'ate jun awo'tan ya awic' te mach'a ya spas bila lec soc yutsil yo'tane, soc teme ya sna' ta yo'tan spasel te bila ya sc'an awo'tan te ja'ate. Ilinemat, melel jtaojtic jmultic; ayix bayal ja'wil te la cac'tic bolobuc awo'tan cu'untique.

Éxodo 24:4

Te Moisés la sts'ibuy spisil te bila la yal te Cajwaltique. Ta yan c'aal ta buen sab jajch' ta spasel scajtijib ta chiq'uel te milbil smajt'an Dios ta yet'al wits. La slats lajchayeb tonetic te ch'ultesbilique, jujun ta swenta juju-jchajp sts'umbal te israeletique.

Salmos 101:2

Ya jc'an toj ya x'ainon ta q'uinal. ¿Bi ora ya xtalat ta jtojol? Ma'yuc bila amen jpasoj, ni ta jna;

Salmos 122:2

Ja'at Jerusalén, ochotiquix bael ta sti' te ajoyob ts'ajc'ule.