Éxodo 20:23 - Bible in Tzeltal de Oxchuc y Tenejapa

²³ Jich yu'un ma me xapasic loc'ombaetic ta oro soc ta plata te ya ach'uunique.

Bible in Tzeltal Bachajón

²³ Ma me xapasic diosetic ta jtojol te pasticlambil ta oro o ta plata.

Éxodo 20:23 Referans Kwoze

Ezequiel 20:39

“Albeya te lum Israele: “Jich me ya yal te Cajwaltique: ‘¡Baan ch'uunaic te loc'ombaetic awu'unique! Pero ta patil ja'ex me ya ach'uunbonic te jc'ope, soc ma ba ya aboltesboniquix te jch'ul-biil ta scaj te ya awac'beyic smajt'an soc te ya ach'uunic te loc'ombaetic awu'unique.

Sofonías 1:5

Ya jlajin te mach'atic ya xmoic ta sba sna te ya xch'uunic te eq'uetique, soc te mach'atic ya squejan sbaic te ay bila ya yalic ta jamal te ya stabonic ta alel jbiil a soc sbiil te lotil dios Milcom.

2 Reyes 17:33

Ja' yu'un, manchuc me ya xch'uunic te Cajwaltic, pero puersa yacalic xch'uunel te diosetic yu'unique, chican te bi costumbre ay yu'unic tey ta nacionetic te banti ticunotic loq'uel tele.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Éxodo 32:31

Jich sujt' bael Moisés ta stojol Cajwaltic, jich c'o yalbey: —Melel nix a, te lume la spasic muc' mulil ta jyalel, melel la spasic dios ta oro.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Daniel 5:4

Ta spisilic la yuch'ic vino soc tey la yalbeyic wocol te loc'ombaetic yu'unique. Te loc'ombaetique, pasbil ta oro, ta plata, ta bronce, ta hierro, ta te' soc ta ton.

Ezequiel 43:8

o te ay ya spasbeyic muc'ul naetic yu'unic te ya yac'beyic slac' sba sti'il soc te templo cu'une, te ja' nax ts'ajc' ta olil ya yaq'uique. Ja'ic la sboltesbonic sc'oplal te jch'ul-biile, ta swenta te amen yat'elic te ilaybil cu'une. Ja' yu'un ilinon ta stojolic, jich la cac' ta lajel.

Éxodo 34:17

“Ma me xapas awajcananic ta taq'uin te ultesbil ta c'ajq'ue.

Levítico 19:4

“Ma me xbaex ta stojolic te loc'ombaetique, soc ma me xapas adiosinic ultesbil taq'uinetic. Jo'on Ajwalilon, Dioson awu'unic.

Deuteronomio 27:15

“Boloben me sc'oplal ta jyalel te mach'a ya spas loc'omba, o teme ay bila ya sloc'tay ta ultesbil taq'uin te pasbil ta jten-taq'uine, te ya yac' ta muquen ta sq'uinale, melel mero ilaybil me yu'un te Cajwaltique”. “Jichuc”, xiic me ta spisil te lume.

Deuteronomio 29:17

ta banti la quiltic te lotil diosetic, soc te ilaybil sbaic loc'ombaetic te pasbil ta te', ton, plata soc ta oro, te ja' xch'uunejic te mach'atic tey ayic ae.