Éxodo 20:20 - Bible in Tzeltal de Oxchuc y Tenejapa

²⁰ Te Moisés la sjac': —Ma me xiwex, tal nax yaiybeyex awo'tanic te Diose. Jich me ya sc'an ya axi'ic swenta yu'un ma xale amulic —xi'.

Bible in Tzeltal Bachajón

²⁰ Te Moisés hich la yalbe te pueblo: Ma xiwex. Ha tal ya'iybeyex awo'tanic te Diose, scuenta yu'un ma sch'ay te xiwel yu'un ta atojolic soc te ma ba yac ale amulic a, xchi.

Éxodo 20:20 Referans Kwoze

Deuteronomio 13:3

ma me x'awich'beyic ta muc' te sc'ope. Melel te Cajwaltic te Dios cu'untique ya sc'an ya spasex ta prueba, yu'un ya sc'an ya yil teme mero c'ux ta awo'tanic ta mero spisil awo'tanic soc ta mero spisil acuxlejalique.

Proverbios 3:7

Ma me jc'axeluc lom p'ij ya acuy aba; ich'a me ta muc' te Cajwaltique, ma me xawac' aba a te bila amene.

1 Samuel 12:20

La sjac' te Samuel: —Ma xiwex. Melel nix a te mero ma lecuc te bi apasojique, pero yo'tic ma me xapit loq'uel abaic ta stojol te Cajwaltique. Ch'uunaic ta spisil awo'tanic.

Isaías 8:13

Te Cajwaltic te Spisil ya xju' yu'un ja' me mero ch'ul ajwalil stuquel, ja' me ay ta xi'el. Ayuc me xiwel ta awo'tanic ta stojol stuquel.

Proverbios 16:6

Ta swenta xc'uxul-o'tanil soc ta swenta smelelil te ay ta pasel perdón yu'un mulil; teme quich'ojtic ta muc' te Cajwaltique, ya jq'uej jbajtic loq'uel ta stojol te bila ma lecuque.

Job 28:28

Te Diose jich la yalbey te ants-winiquetique: “Te xjajch'ibal te p'ijil-o'tanile, ja' te yich'el ta muc' te Cajwaltique; soc te mach'a jc'axel ya yijq'uitay ta pasel te bila amene, ja' te mach'a ay sp'ijil sjol stuquel”, xi' te Diose.

Deuteronomio 8:2

Na'ulayaic ta spisil te cha'winic (40) ja'wil la yaq'uex ta beel ta muc'ul jochol taquin q'uinal te Cajwaltic te Dios cu'untique. Te bit'il jich la spasbeyexe, yu'un me la yac'beyex apejc'an abaic ta stojol swenta prueba, swenta yu'un jich me ya sna'beyex awo'tanic a teme ya ach'uunbeyic, o ma ba ya ach'uunbeyic te mandaliletic yu'une.

Génesis 22:1

Ta patil Dios la spas ta prueba Abraham teme jun yo'tan ta stojole. La yalbey: —Abraham —xi'. La sjac' te Abraham: —Li' ayon to, Cajwal —xi'.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Proverbios 1:7

Te xjajch'ibal te p'ijil-o'tanile, ja' te yich'el ta muc' te Cajwaltique; te mach'atic ma sna'ic q'uinale ya yilayic te p'ijil c'op soc te p'ijubtesele.

Nehemías 5:15

Pero te yantic ajwaliletic te neel c'axique, mero bayal la yac'beyic swocol te yajwal te lume. Melel ta jujun c'aal la sc'anbeyic cha'winic (40) ta jsejp plata, swenta yu'un ya sman swe'elic a soc yu'un ya sman te bila ya yuch'ic a. Soc ma ja'uc nax, jichic te abatetic yu'unique, ay swocol yu'unic te yajwal lume. Pero te jo'one, ma jichuc la jpas, melel ay ta co'tan te ya x'ich'ot ta muc' cu'un te Diose.

Josué 24:14

—Ja' yu'un ya calbeyex, ich'aic ta muc' te Cajwaltique, soc ac'a abaic ta abatinel ta stojol soc yutsil awo'tanic ta mero melel. Ijq'uitayaic te diosetic yu'un te antiguo ame'-atatic, te la xch'uunic ta ti'ti'ja' Éufrates soc ta sq'uinal Egipto. Ja' xawac' abaic ta abatinel ta stojol te Cajwaltique.

Deuteronomio 10:12

“Yo'tic, israeletic, ¿bila ya sc'anbeyex ta atojolic te Cajwaltic te Dios cu'untique? Ja' nax me ya sc'anbeyex te ya awich'ic ta muq'ue, soc te ya at'unbeyic ta spisil te beetic yu'une. C'uxuc me ta awo'tanic, ch'uunaic ta spisil awo'tanic soc ta spisil acuxlejalic.

Deuteronomio 6:2

Jich me ich'bil ta muc' awu'unic a te Cajwaltic te Dios cu'untique, soc jich me ya xc'ot ta pasel awu'unic a te jayeb c'aal cuxulex, spisil ta jchajp te mandaliletic yu'un te la yalbeyex apasic, ja'ex soc te awal-anich'nab soc te amamataquique. Teme jich ya apasique, ya me xcuxinex bayal ja'wil.

Deuteronomio 4:10

“Te bi c'aalil la atejc'an abaic ta stojol te Cajwaltic te Dios cu'untic ta wits Horeb, jich la yalbon: “Tsoba te lume, swenta yu'un ya me yaiybonic te jc'ope, soc ya me snopic te ya yich'onic ta muc' te jayeb c'aal ya xcuxinique, soc ya me yac'beyic snop te yal-snich'nabe, swenta yu'un ja' ni me jich ya spasic uuc”, xi'.

Génesis 22:12

Albot yu'un: —Ma me xyal ac'ab, ma me xamil te quereme. La jna'ix stojol te bit'il awich'oj ta muc' ta melel te Diose, yu'un ma ja'uc la ana'bey yo'bolil sba te jip jtul anich'ane, jun awo'tan ya ac'an amilbon jmajt'anin —xi'.

Génesis 20:11

La sjac' te Abraham: —La cal ta co'tan te ma'yuquex ta xi'el te Diose. “Ya me smilonic ta scaj quinam”, xoon ta snopel.

Éxodo 14:13

Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Deuteronomio 6:24

Te c'alal la yac'botic te lumq'uinal te Cajwaltique, la yalbotic te ya sc'an te ya jch'uuntic spasel bael ta spisil ora te mandaliletic yu'une, soc te ya me quich'tic ta muc' stuquele, swenta yu'un jich me lec ya x'ainotic, soc swenta yu'un ya me scanantaybotic jcuxlejaltic, jich nix te bit'il yac ta spasel ta jtojoltic ta ora in to.

Isaías 41:13

Melel te jo'on te Awajwalon te Dioson awu'une, jtsacojat ta jc'ab; jo'on calojbat: “Ma me xiwat, ya jcoltayat”, xoon me —xi' te Diose.

Deuteronomio 8:16

Ta muc'ul jochol taquin q'uinal la smac'linex ta maná, ni ja'uc te antiguo jme'-jtatic la yilique. Jich la spasbeyex ta atojolic yu'un apejc'anelic soc yu'un atsaojibalic, ta swenta awutsil-alequilic c'ot ta loq'uel.