Éxodo 20:18 - Bible in Tzeltal de Oxchuc y Tenejapa

¹⁸ Te israeletic la yaiyic t'om chawuquetic soc la yilic tsantsewaletic, la yaiyic stojol c'opoj xulubiletic, soc te bit'il potsot ta ch'ail te witse, xiw yo'tanic yu'un, q'uejel to la yac' sbaic.

Bible in Tzeltal Bachajón

¹⁸ Spisil te pueblo yac ya'iybelic st'ohmel te chahwuc soc te tsantsehwaletic, te yoq'uel te xulubil soc te wits yac ta loq'uel sch'ahilel. C'alal hich la yilic nihquic yu'un soc namal la yac' sbahic.

Éxodo 20:18 Referans Kwoze

Jeremías 23:23

Te Cajwaltic jich ya yalbat: —Teme najt' ay, o teme nopol ay, jo'on Dioson jtuquel.

Génesis 3:10

La sjac' te winique: —La caiy stojol yacat ta beel ta yolil awalts'unubil. Xiwon, yu'un t'analon, jich la jnac' jba —la yut.

Deuteronomio 4:36

La sc'oponex c'alal ta ch'ulchan ta swenta ap'ijubteselic, ta lumq'uinal la yac'beyex awilic buen muc'ul c'ajc' yu'un, soc la awaiybeyic sc'op ta yolil te c'ajq'ue.

Deuteronomio 5:5

Te jo'on ayon ta olil ta stojol Cajwaltic soc ta atojolic, swenta yu'un ya calbeyex te bila la yal te Cajwaltique, melel te ja'exe la axi'ic te c'ajq'ue, jich ma ba moex bael ta wits. Jich la yal te Cajwaltique:

Deuteronomio 5:25

Pero, ¿bi yu'un ya cac' slajinotic te c'ajc' mero xiweltic sbae? Teme ya caiybeytic xan sc'op Cajwaltic te Dios cu'untique, ya me xlajotic yu'un.

Deuteronomio 18:16

Ja' te bila la ac'anbeyic te Dios ta wits Horeb te bi c'aalil la atsob abaic ta apisilic tey a, te jich la awalique: “Ma jc'antiquix ya caiybeytic xan yan buelta sc'op te Cajwaltic te Dios cu'untique, ma jc'antic ya quiltic yan buelta te muc'ul c'ajq'ue, swenta yu'un ma ba ya xlajotic a”, xaex.

Salmos 81:7

Te c'alal ayat ta buen woclajel ae, la awic'on, jich la jcoltayat; la jac'bat ac'op c'alal ta tocal te banti yac ta t'omel chawuc; la jpasat ta prueba ta sts'eel te ja'etic yu'un Meriba.

Génesis 15:17

Malix c'aal, ijc'ubix q'uinal a, la yil chicnaj yawil c'ajc' te ay xch'ailel, soc ay yan yac ta tilel tey a, c'axic ta yolil te chambalametic te jatbilic ta bojele.

Deuteronomio 5:23

Yan te c'alal la awaiyic te c'op yac ta loq'uel tel ta yijc'al q'uinal ta wits soc te la awilic te potsbil ta c'ajq'ue, ta apisilic te ja'exe, te jwentainwanejex yu'un te chajbalchajp jts'umbaltique soc te mamaletic yich'oj yat'elic, tal ac'opononic,

Deuteronomio 5:27

Ja' lec teme ya xnoptsajat bael te ja'ate, aiya awaiy ta lec te bila ya yal Cajwaltic te Dios cu'untique, patil ya me awal caiytic, swenta yu'un ya me jpastic spisil te bitic ya sc'an yo'tan ya jpastique”, xaex.