Éxodo 20:14 - Bible in Tzeltal de Oxchuc y Tenejapa

¹⁴ “Ma me x'awaiy mulwej.

Bible in Tzeltal Bachajón

¹⁴ Ma me xawa'iy antsiwej; ma me xawac' aba ta antsinel.

Éxodo 20:14 Referans Kwoze

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

Deuteronomio 5:18

“Ma me x'awaiy mulwej.

Romanos 13:9

Yu'un te mandalile jich ya yal: “Ma me x'awaiy mulwej, ma me x'awaiy milaw, ma me x'awaiy elec', ma me xawal lotil testigo c'op, soc ma me xbic'taj awo'tan”, te xie. Ja' in mandalil to soc spisil te yantic mandalile, jun nax sc'oplal c'oem ta spisil, jich te bit'il ya yal te: “C'ux me x'awaiy ta awo'tan te apat-axujq'ue, jich bit'il c'ux ya awaiy aba atuquel te ja'ate”, te xie.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Levítico 20:10

“Teme ay winic la spas mulwej soc yinam te spat-xujq'ue, ya me yich' milel te winic soc te ants te la spasic mulweje.

Levítico 18:20

“Ma me xwayat soc te yinam te apat-axujq'ue, ma me x'ata aba soc, jich ma ba boloben ac'oplal ya xc'oat soc.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

2 Samuel 11:27

Pero c'alal c'ax yorail te ya yoq'uetaye, te David la sticun ta iq'uel tel. La yic' ta stojol ta sna, la yic' yinamin. La yac' jtul yal, te Cajwaltic ma ba la smulan te bi la spas te David.

San Mateo 19:18

La yal te jch'iel winique: —¿Bila mandaliluc? —xi'. Jich la yalbey te Jesuse: —“Ma me x'awaiy milaw, ma me x'awaiy mulwej, ma me x'awaiy elec', ma me xawac' aba ta lotil testigo,

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Santiago 2:11

Ja' nix stuquel te Dios te jich la yale: “Ma me x'awaiy mulwej”, te xie, soc jich la yal xan: “Ma me x'awaiy milaw”, te xie. Jich yu'un teme ma ba la awaiy mulweje, ja'uc me to, teme la awaiy milaw, la ac'axintayix spisil a te mandalile.

Malaquías 2:15

¿Yu'un bal ma junuc nax Dios la spasbey sbaq'uetal soc xch'ulel? Te bi ya sc'an te Diose, ja' ya sc'an te sts'umbal te ch'ultesbile. Canantaya abaic ta lec soc awo'tanic, swenta yu'un ma me ayuc ya xch'ay te ac'op la awal ta jamal ta stojol te awinam la ata c'alal queremat to a.

Génesis 39:9

Ma'yuc xan yan cajal a te bit'ilone. Te cajwal ma'yuc bi ma yac'ojbon ta jwenta, ja' nax te bit'il yinamat te ja'ate. Ma xju' te ya jpastic jich. ¿Ma bal yacuc jta jmul ta stojol cajwal teme jich ya jpase? Soc ya me jta jmul ta stojol Dios —xi'.

Números 5:12

—Albeya te israeletique: “Repente ay ya xc'ot ta pasel te ay ants te ma junuc yo'tan ta stojol smamlal, te ay spasoj mulil soc yan winic.