Éxodo 20:13 - Bible in Tzeltal de Oxchuc y Tenejapa

¹³ “Ma me x'awaiy milaw.

Bible in Tzeltal Bachajón

¹³ Ma me xawa'iy milaw.

Éxodo 20:13 Referans Kwoze

Romanos 13:9

Yu'un te mandalile jich ya yal: “Ma me x'awaiy mulwej, ma me x'awaiy milaw, ma me x'awaiy elec', ma me xawal lotil testigo c'op, soc ma me xbic'taj awo'tan”, te xie. Ja' in mandalil to soc spisil te yantic mandalile, jun nax sc'oplal c'oem ta spisil, jich te bit'il ya yal te: “C'ux me x'awaiy ta awo'tan te apat-axujq'ue, jich bit'il c'ux ya awaiy aba atuquel te ja'ate”, te xie.

Deuteronomio 5:17

“Ma me x'awaiy milaw.

Éxodo 21:14

Yan te mach'a ya yilintay te spat-xujq'ue, soc teme ya smil ta spasemal yo'tan, ya me ale ta jyalel, manchuc me ya xbajt' ta xchic'jibal te jmajt'ane, ya me xchajbanbot sc'oplal ta lajel.

Santiago 2:11

Ja' nix stuquel te Dios te jich la yale: “Ma me x'awaiy mulwej”, te xie, soc jich la yal xan: “Ma me x'awaiy milaw”, te xie. Jich yu'un teme ma ba la awaiy mulweje, ja'uc me to, teme la awaiy milaw, la ac'axintayix spisil a te mandalile.

San Mateo 19:18

La yal te jch'iel winique: —¿Bila mandaliluc? —xi'. Jich la yalbey te Jesuse: —“Ma me x'awaiy milaw, ma me x'awaiy mulwej, ma me x'awaiy elec', ma me xawac' aba ta lotil testigo,

Levítico 24:21

“Teme ay mach'a ya smil chambalam, puersa me ya sjeltay. Te mach'a ya smil winic, ja' nix me jich ya yich' milel.

Éxodo 21:20

“Teme ay mach'a la smaj ta te' te yabat, te manbil abat manchuc teme ants o winic, teme laj ta sc'abe, ya me x'ac'bot stoj ta lajel.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

1 Timoteo 1:9

Te mandalile ma ja'uc ay ta swentaic te mach'atic tojique. Ja' ay ta swentaic te jch'ay-mandaletique, soc te jc'axintayej-mandaletique, soc te mach'atic ma xyich'ic ta muc' te Diose, soc te puro mulil baem ta yo'tanique, soc te mach'atic ixta yo'tanic te xujt' ma xyich'ic ta muc' te bitic ay ta ch'uunele, soc te mach'atic ya smil sme'-static soc yantic ants-winiquetic,

Isaías 26:21

Melel te Cajwaltic ya xloc' tel ta bay palacio yu'un, ta swenta yac'beyel castigo yu'un smulic te mach'atic nainemic ta balumilale. Te lumq'uinal ma xju' ya smuc xan te ch'ich' malbile; ja'uc me to, ya me xchicnaj ta lec te mach'atic la yaiyic milawe.

Gálatas 5:21

jbic'tal-o'tanetic, jmilawaletic, jyacubeletic, jpas-q'uinetic, soc ay to xan yan te pajal soc te bila ya spasique. Ya jtac'uyex jich bit'il te la calbeyex ta neelale: Te mach'atic jich yat'elique, ma ba ya xc'o ainuquic tey a ta banti ay ta ajwalinel te Diose.

Proverbios 1:18

Yan te mach'atic jich ya spasique, ja'ic nix ya spas spejts'ulic stuquelic; jich quechel ta lajinel xcuxlejalic yu'un.

Proverbios 1:11

Teme jich ya yalbat: “La', t'unawotic, ya jpastic pejts' ta swenta nax sc'anjel co'tantic, swenta yu'un ya jmiltic mach'auc ch'ayal yo'tan ya xc'ax.

Hechos 28:4

La yilic te mach'atic ainemic tey a te bit'il jipil ta sc'ab jti'awal chan te Pabloe. Jich caj yalbey sbaic yu'un: —Ja' in winic to, mero jmilawal niwan. Manchuc teme colix ta lajel ta mar, ja'uc me to, ma x'ac'ot cuxinuc xan yu'un te chajbanel yu'un te dios cu'untique —xiic.

Jeremías 26:15

Ja'uc me to, ta mero melel na'aic me ta lec: Teme ya amilonic te ja'exe, ya me amulinic soc yajwal te lum te ya amilic jtul winic te ma'yuc smule. Ta mero melel ja' la sticunon te Cajwaltic ta yalel ta jamal ta spisil te bitic la cale —xi' te Jeremiase.

2 Crónicas 24:22

Te muc' ajwalil Joás ch'ay ta yo'tan te bit'il la yich' c'uxtayel yu'un te Joiada, ja' te stat Zacarías, la smilbey te snich'an, ja' te Zacarías. Te c'alal nopol xlajix a, jich la yal xan ta aw: “¡Ac'a yil Cajwaltic soc ac'a yac'bey stojic!” xi' xan jilel.

2 Reyes 21:16

Te Manasés la sjoin te yajwal Judá ta spasel te muliletic. Soc ay to xan yan a te bitic amen la spasbey ta sit te Cajwaltique: bayal mach'atic tojol la smalbey xch'ich'el. Noj c'oem ta bayal ch'ich' yu'un ta sjunal te Jerusalén.

Éxodo 21:29

Te wacax te c'aem ta luchwaneje, teme ay mach'a la smile, ac'a me yich' milel ta ch'ojel ta ton te wacax soc te yajwale, teme yu'un nix sna'oj te bit'il ya xluchwan te swacaxe teme ma'yuc sc'oplal ta yo'tane.

San Marcos 10:19

Awaiyoj stojol te bi ya yal te mandaliletique: “Ma me x'awaiy milaw, ma me x'awaiy mulwej, ma me x'awaiy elec', ma me xlewanat ta c'op, ma me x'awaiy lo'laywanej, soc ich'a ta muc' te ame'-atate”, te xie —xi' te Jesuse.

San Lucas 18:20

Ana'oj stojol te bila ya yal te mandaliletique: “Ma me x'awaiy mulwej, ma me x'awaiy milaw, ma me x'awaiy elec', ma me xlewanat ta c'op, soc ich'a ta muc' te ame'-atate”, te xie —xi' te Jesuse.

Éxodo 21:12

Soc jich la yal xan te Cajwaltique: —Teme ay mach'a ya yejch'entes jtuluc, teme laj bael yu'une, ac'a lajuc uuc.

Éxodo 23:7

“Ma me xawac' aba ta jowil leaw ta c'op te ya achajbanbey sc'oplal ta lajel te mach'a ma'yuc smul te toj yo'tane, yu'un ya me cac'bey castigo te mach'a ya sta smule.

Levítico 24:17

“Te mach'a yoloj ya smil te yane, ja' nix me jich ya yich' milel.

Hechos 16:28

Ja'uc me to, te Pablo jich la yal: —Ma me xamil aba. Jpisiltic li' ayotic to —xi' ta yawtayel.