Éxodo 20:12 - Bible in Tzeltal de Oxchuc y Tenejapa

¹² “Ich'a ta muc' te ame'-atate, swenta yu'un ya me xnajt'aj acuxlejal ta aq'uinal te ya cac'bat te Ajwalilon te Dioson awu'une.

Bible in Tzeltal Bachajón

¹² Ich'a ta muc' atat soc anan, scuenta yu'un naht ya xc'oht aworahil ta q'uinal te ya ya'bat te Jehová te Dios awu'une.

Éxodo 20:12 Referans Kwoze

Colosenses 3:20

Alnich'anetic, ch'uunbeyaic spisil smandal te ame'-atatique. Melel ja' lec yo'tan yu'un te Cajwaltique.

Deuteronomio 5:16

“Ich'a ta muc' te ame'-atate, jich me xach'uun spasel te bit'il la yalbat apas te Awajwal te Dios awu'une, swenta yu'un najt' me ya xcuxinat, soc jich me buen lec awo'tan ya x'ainat tey ta aq'uinal te ya yac'bat te Awajwal te Dios awu'une.

San Marcos 7:10

Melel jich la yal te Moisese: “Ich'a ta muc' te ame'-atate”, te xie, soc la yal xan: “Te mach'a ya sbolc'optay te state o ja' te sme'e, ac'a lajuc”, te xie.

Proverbios 30:17

Te mach'a ya yilay stat soc te ya slaban sme' te me'elixe, ja' lec te yacuc xloq'uesbot sit yu'un joj, soc te ja'uc ya xti'bot sbaq'uetal yu'un te xuleme.

Levítico 19:3

“Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.

San Lucas 18:20

Ana'oj stojol te bila ya yal te mandaliletique: “Ma me x'awaiy mulwej, ma me x'awaiy milaw, ma me x'awaiy elec', ma me xlewanat ta c'op, soc ich'a ta muc' te ame'-atate”, te xie —xi' te Jesuse.

San Mateo 19:19

ich'a ta muc' te ame'-atate, soc c'ux me x'awaiy ta awo'tan te apat-axujq'ue jich bit'il c'ux ya awaiy aba atuquel te ja'ate”, te xie —xi' te Jesuse.

Proverbios 20:20

Te mach'a ya sbolc'optay te state, o ja' te sme'e, xiweltic me sba ya xbajt' ta lajel ta ijc' q'uinal.

Éxodo 21:17

“Teme ay mach'a ya sbolc'optay stat, o ja' te sme', ya me xchajbanbot sc'oplal ta lajel.

San Marcos 10:19

Awaiyoj stojol te bi ya yal te mandaliletique: “Ma me x'awaiy milaw, ma me x'awaiy mulwej, ma me x'awaiy elec', ma me xlewanat ta c'op, ma me x'awaiy lo'laywanej, soc ich'a ta muc' te ame'-atate”, te xie —xi' te Jesuse.

Éxodo 21:15

“Teme ay mach'a ya yejch'entes stat, o ja' te sme'e, ya me xchajbanbot sc'oplal ta lajel.

Deuteronomio 32:47

Melel ma lecuc teme ma'yuc bayal sc'oplal awu'unique, melel te mandaliletic in to, ja' cuxlejal ta atojolic. Ja' me ta swenta te ya xcuxinex bayal c'aal tey ta lumq'uinal te ay ta jejch' ja' Jordán, te ja' ya xba awu'uninic —xi' te Moisese.

Proverbios 3:16

Ta swa'el sc'ab ya yac' najt' jcuxlejaltic, soc ta xq'uexen sc'ab ya yac' jc'ulejaltic, soc ya yac' lecubuc jc'oplaltic.

2 Reyes 2:12

C'alal la yil te Eliseo te bila c'ot ta pasel, awun, jich la yal: —¡Jtat, jtat, pajal c'oat soc tsobol soldadoetic ta stojol Israel! —xi' ta aw. Te c'alal jich c'ot ta pasele, tey ma'yuquix bi ora la yil a te Eliase. Jich yu'un te Eliseo la stsac te sc'u', la sjats ta olil.

Deuteronomio 4:40

Ch'uunaic te sc'op soc te bitic ya yal te mandaliletic yu'une, ja' te yacon ta yalel ta atojolic ta ora in to. Teme jich ya apasique, bin nax me awo'tanic a te ja'ex soc te patil alnich'anetic awu'unique; soc bayal me ja'wil ya xcuxinex ta lumq'uinal te ya yac'beyex awu'uninic sbajt'el q'uinal te Cajwaltic te Dios cu'untique —xi' te Moisese.

Deuteronomio 25:15

Ja' me xatuuntesic te mero ts'acale, swenta yu'un jich me ya xnainex bayal ja'wil tey ta lumq'uinal ya yac'beyex te Cajwaltic te Dios cu'untique.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.

Proverbios 30:11

Ay mach'atic ya sbolc'optay static, soc ma xyalbeyic lec sc'oplal te sme'ique.

Proverbios 28:24

Ja' sjoy sba soc jmilawal te mach'a ya yelc'anbey sbiluc sme'-stat, soc te ya yal te ma muliluc ta sc'ope.

Proverbios 15:5

Te mach'a ma sna' q'uinal, ya yilay te tojtesel yu'un te state; yan te mach'a ya xch'uune, ja' ya yac' ta ilel a te sp'ijil yo'tane.

1 Reyes 2:19

Jich te Betsabé ba sc'opon te muc' ajwalil Salomón ta swenta te Adonías. Te muc' ajwalil la stejc'an sba, la yic' ta stojol, soc la stinan sba swenta yich'el ta muc' te sme'e. Patil cha'sujt' xan bael ta naclej ta smuc'ul nactijib. La yal mandal ta ich'el tel muc'ul silla yu'un snactijib te sme'e. Jich la yac' sba ta naclej ta swa'el te muc' ajwalile.

Levítico 19:32

“Ya me atejc'an aba soc ich'a ta muc' te mach'a me'el-mamale; jo'on ni me la awich'on ta muc' c'oem a te Dioson awu'une. Jo'on te Ajwalilone.

Efesios 5:21

Jech ich'a abaic ta muc' ta swenta bit'il awich'ojic ta muc' ta melel te Cristoe.

Deuteronomio 4:26

ja' me testigoetic cu'un te ch'ulchan soc te balumilale, ora me ya awich'ic ch'ojel loq'uel ta lumq'uinal te ya xba awu'uninic ta jejch' ja' Jordán. Ma me jaluc c'aal ya xnainex ta q'uinal, ya me awich'ic lajinel ta jc'axel.

Deuteronomio 5:33

Ja' me xat'unic te be la yac'beyex awilic Cajwaltic te Dios cu'untique, swenta yu'un jich me lec ya x'ainex a, soc jich me ya xnainex bayal ja'wil ta lumq'uinal te ya yac'beyex awu'uninique.

Deuteronomio 6:2

Jich me ich'bil ta muc' awu'unic a te Cajwaltic te Dios cu'untique, soc jich me ya xc'ot ta pasel awu'unic a te jayeb c'aal cuxulex, spisil ta jchajp te mandaliletic yu'un te la yalbeyex apasic, ja'ex soc te awal-anich'nab soc te amamataquique. Teme jich ya apasique, ya me xcuxinex bayal ja'wil.

Deuteronomio 11:8

“Ac'a c'otuc ta pasel awu'unic te mandaliletic yacon ta yalel ta atojolique, swenta yu'un jich me ya awich' xan awipic a, soc jich me ya awu'uninic te lumq'uinale,

Deuteronomio 11:9

soc swenta yu'un ya me xjalajex ta nainel bayal c'aal ta lumq'uinal te jc'axel yaloj Cajwaltic te ya x'ac'botic te antiguo ats'umbalique. Ja' te lumq'uinal te banti ya x'oquin leche soc chab c'oeme.

Deuteronomio 21:18

“Teme ay mach'a ay squerem-nich'an te jc'axintayej-c'op, soc mero tulan ya yac' sbae, te ma'yuc sc'oplal ta yo'tan te bila ya x'albot yu'un te sme'-state, manchuc me la yac'beyix castigo pero ma xch'uunbot sc'opic yu'un,

Deuteronomio 27:16

“Boloben me sc'oplal ta jyalel te mach'a ma xyich' ta muc' te sme'e o te state”. “Jichuc”, xiic me ta spisil te lume.

Proverbios 17:6

Te mamaletic, ja' me scoronaic c'oem te smamataque; te alnich'anetic toyol q'uinal ya yaiyic yu'un te sme'-statique.

Jeremías 35:7

Soc ma la sc'an te ya jpastic jnatic, ni ts'unbajel ta q'uinal, soc ni sts'unel ts'usubiltic. La yalbotic mandal te ac'a jnaintic nailpac' te jayeb c'aal cuxulotic, swenta yu'un ya me xcuxinotic bayal c'aal ta lumq'uinal, ta bay c'axel nax ayotic jichuc jyanlumetique.

Jeremías 35:18

Te Jeremías la yalbey xan ta yan buelta te recabitaetique: —Te Cajwaltic te Spisil ya xju' yu'une, te Dios yu'un Israel, ya yal: “Ja' yu'un te bit'il ach'uunejbey mandaliletic yu'un te Jonadad te ja' antiguo ame'-atatique, soc la ana'iquix te p'ijubtesel yu'une, soc c'oemix ta pasel awu'un spisil te bila la yalbeyex ta mandale,

Ezequiel 22:7

Te alumale ma xyich'ic ta muc' te sme'-statique, ya yuts'inic te jyanlumetique, ya yac'bey swocol te me'ba alaletique soc te me'ba antsetique.

Génesis 48:12

Te José la sjits loq'uel te snich'nab ta bay sjol yacan te state. La stinan sba coel c'alal ta lum ta stojol te state.

Génesis 50:12

Jich nix la spasic te snich'nab anima Israel te bit'il la spas jilel ta mandale.

Rut 3:6

Jich yu'un te Rut bajt' ta bay te swuyojibal spat cebada, jich nix la spas spisil te bit'il pasot ta mandal yu'un te yalib-me'ele.

1 Samuel 22:3

Jajch' bael tey a te David, bajt' ta Mizpa ta sq'uinal Moab. Jich c'o yalbey te muc' ajwalil yu'un Moab: —Ya calbat wocol, ayuc bit'il ya awic'bon jilel ta atojolic te jtat soc te jme'e, ja' to ya quil te bila ya spas mandal ta jtojol te Diose —xi'.