Éxodo 20:11 - Bible in Tzeltal de Oxchuc y Tenejapa

¹¹ Melel te Ajwalilone, waqueb nax c'aal la jpas te ch'ulchan balumilal, te mar soc spisil te bitic aye. Ta sjuquebal c'aal la jcux co'tan, la cac'bey bendición, soc ch'ultesbil c'ot cu'un.

Bible in Tzeltal Bachajón

¹¹ Como ta waqueb c'ahc'al te Jehová la spas te ch'ulchan soc bahlumilal, te mar soc spisil te bintic ay tey a, soc la scux yo'tan ta shuquebal c'ahc'al; ha yu'un te Jehová la ya'be bendición te sc'ahc'alel cux-o'tan soc la sch'ultes.

Éxodo 20:11 Referans Kwoze

Éxodo 31:17

Ja' me seña cu'untic ta sbajt'el q'uinal te ja'ex te israelexe’, xi' te Diose”, uta me —xi' te Cajwaltique. Melel te Cajwaltic waqueb nax me c'aal la spas te ch'ulchan balumilale; yan ta sjuquebal c'aal ma ba at'ejix a, la xcux yo'tan.

Hechos 20:7

Ta sbabial c'aalil yu'un te semanae, la jtsob jbatic soc te jnopojeletic ta swe'el waj ta swenta te Cajwaltique. Te Pablo jajch' sp'ijubtes te jnopojeletique. La sna' te ya xbajt' te pajele, jich jalaj ta c'op ja' to c'alal ta olil ajc'ubal.

Génesis 1:28

Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

Hechos 4:24

C'alal la yaiyic stojol, jun nax te bi la yalbeyic te Diose, jich la yalic: —Cajwaltic, muc' Diosat atuquel, ja'at la apas ch'ulchan balumilal soc te mare soc spisil te bitic aye.

Hechos 14:15

—Winiquetic, ¿bistuc te jich ya apasique? Melel te jo'otique winicotic uuc jich te bit'ilexe. Ja' tal calbeyex te ya awijq'uitayic ta pasel te bila xujt' ma'yuc stuule soc te ya asujt'es awo'tanic ta stojol te cuxul Dios te ja' la spas te ch'ulchane te balumilale te mare soc spisil te bitic ay tey a.

Hebreos 4:4

Melel ta Sjun Dios jich ts'ibubil sc'oplal te sjuquebal c'aale: “Dios la yich' lewa yu'un spisil yat'el ta sjuquebal c'aal”, te xie.

Apocalipsis 10:6

Jich la yac' ta testigo te Mach'a stalel cuxul sbajt'el q'uinal te la spas te ch'ulchane soc spisil te bitic tey ae, te balumilale soc spisil te bitic tey ae, te mare soc spisil te bitic ay tey ae, jich la yal: “Ma ba jalix c'aal.

Éxodo 8:22

Te c'alal ya xc'ot ta pasel, ma ba ya cac' xc'ot ta Gosén, te banti ay te lum cu'une. Ma'yuc jcojt'uc ja ya xc'ot tey a. Jich me ya ana' a te ja' Ajwalilon jtuquel te joinej te lume.

Éxodo 9:29

Te Moisés la sjac': —Ja' nax teme loc'on bael a ta lume, ya me jtoy jc'ab ta sc'oponel te Cajwale. Jich me ya xcom te bat soc te chawuque. Pero tey me ya ana' a te spamal q'uinal ja' yu'un te Cajwale.

Deuteronomio 5:15

Na'a me te ja' nix jich c'axat ta mozoil ta Egipto, te tey la jloq'uesat tel a te Ajwalilon te Dioson awu'un ta swenta smuc'ul yip cu'el. Ja' yu'un te Ajwalilon te Dioson awu'une ya jpasat ta mandal te ya acanantay te sc'aalelal cux-o'tane.

Isaías 42:10

C'ajintayaic te Cajwaltic ta yach'il c'ayoj; c'alal ta bay c'ubul ayex ta balumilal, albeyaic yutsil ja'ex te ya xbeenex ta barco ta mar, soc te chambalametic nainemic tey a, te lumetic ta ti'ti'mar soc te yajwalique.

Isaías 48:13

Ta jc'ab la cac'bey sta yip te balumilale, ta jc'ab la jlim bael te ch'ulchane; te c'alal la calbey sbiil, jich jajch'ic ta chicnajel.

Génesis 1:31

Dios la yil te jelawen yutsil ta spisil te bitic pasbil yu'une. Te yijc'ubel q'uinal soc te sacubel q'uinale, ja' swaquebal c'aal abi.