Éxodo 2:25 - Bible in Tzeltal de Oxchuc y Tenejapa

²⁵ Dios la yilbey swocolic te israeletic, soc la sna'bey yo'bolil sbaic.

Bible in Tzeltal Bachajón

²⁵ Ilotic yu'un Dios te snich'nab Israel, soc la sna'be yo'bolil sbahic.

Éxodo 2:25 Referans Kwoze

Éxodo 4:31

La xch'uun yo'tanic te lume. C'ot ta yo'tanic te yorailix te ya yich'ic coltayele, te na'botix yo'bolil sbaic yu'un te Cajwaltique. La stinan sbaic coel c'alal ta lum, caj yalbeyic bayal wocol te Diose.

Salmos 55:22

Ac'beya ta swenta Cajwaltic te bila ay awocol yu'une, ja' me ya yac'bat awip stuquel; ma'yuc bi ora ya yac' yaluc stuquel te mach'a ya xch'uunbot smandal yu'une.

Salmos 1:6

Te Cajwaltique ya scanantay ta beel te mach'atic lec yo'tanique, yan te mach'atic amen yo'tanique sbelal ch'ayel ya xbajt' stuquelic.

San Lucas 1:25

“Ay bila yac'ojbonix te Cajwaltique. Ya me xlecubix jc'oplal ta stojol te ants-winiquetique”, xi' ta yo'tan.

San Mateo 7:23

Jich me ya calbey ta jamal: “Xujt' ma jna'beyex abaic. Q'ueja abaic ta jtojol, ja'ex te la apasic te bila ma lecuque”, ya me cut.

2 Samuel 16:12

Teme yu'un ya yilbon jwocol te Cajwaltic, ya wan yac'bon bendición te bit'il bolc'optayel yacon ta yaiyel abi —xi'.

Job 33:27

Jich me ya yal ta c'ayoj: “La jta jmul, la jpas te bila ma stojiluc, pero Dios ma ba la sc'an la yac'bon castigo yu'un stuquel;

1 Samuel 1:11

Ay bi la yal ya spas ta stojol, jich la yal: —Cajwaltic te Spisil ya xju' awu'une, ayuc bit'il ya ana'bon yo'bolil jba yu'un te jwocol jo'on te abaton awu'une. Yacuc ana'on, yacuc awac'bon tel jtuluc cal, yu'un jc'axel ya cac'bat awabatin te jayeb c'aal ya xcuxin ta balumilal. Te bit'il ya cac'bat awabatin ta jc'axele, ja' me seña ya xc'ot te ma ba ya jset'bey te stsotsil sjole —xi' te Ana.

Éxodo 1:8

Ta patil chicnaj yach'il muc' ajwalil ta Egipto te ma'yuc bay la sna'beyix sc'oplal te José. Jich la yalbey te slumale:

Hechos 7:34

Quiloj te bit'il ay ta woclajel ta Egipto te lum cu'une. Caiyojbey stojol te yajc'anique. Jich coon tel ta scoltayel. Ta ora to, la' me, yu'un ya jticunat bael ta Egipto”, xi' sc'oplal te Moisese.

Éxodo 3:9

Ya calbat awaiy, caiyojbeyix stojol sc'opic te alumale, soc quiloj te bayal ayic ta uts'inel yu'un te egipcioetique.

Éxodo 18:8

Te Moisés la xcholbey yaiy snialmamal ta spisil te bitic la spas Cajwaltic ta stojol te faraón, soc ta stojol te egipcioetic, ta xc'uxtayel te lum Israel. La yalbey xan spisil te swocolic te c'ot ta pasel ta be, soc spisil te bila la spasix Cajwaltic ta swenta scoltayelic.

Deuteronomio 26:7

Ja' yu'un te Cajwaltic te Dios yu'un te jme'-jtatique, la jc'antic coltayel ta stojol. La yaiybotic te jc'optic te la calbeytic wocole, soc la yilbotic te jme'bailtic, soc te at'el, te uts'inel te ay jwocoltic yu'une.

Salmos 10:14

Ja'at awiloj atuquel te slab yo'tanic te bit'il amenique; ja'at awiloj soc ya awac'bey stoj. Ja'at ya awic' ta atojol te mach'atic ma sna' scoltaybel sbaique; ja'at jcoltaywanejat yu'un te me'ba alaletique.

Salmos 31:8

ma la awac'on ta sc'ab te jcontroe; la awac' tejc'ajucon te bay leque.