Éxodo 2:24 - Bible in Tzeltal de Oxchuc y Tenejapa

²⁴ Te Dios la yaiybey te sc'opique, jich la sna' xan te ay trato spasoj soc Abraham, Isaac soc Jacob.

Bible in Tzeltal Bachajón

²⁴ A'iybot yu'un Dios te yahcanic, soc la sna' xan te c'op schapoj soc Abraham, Isaac soc Jacob.

Éxodo 2:24 Referans Kwoze

Génesis 26:3

Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

Salmos 105:42

Melel tal ta yo'tan te xch'ul-c'op jc'axel yaloj soc te yabate, ja' te Abraham.

Éxodo 6:5

Ora yo'tic jna'ojix te ay awocolic te ja'ex te israelex te bit'il yacalex ta sujel ta at'el yu'un te egipcioetique. Ja'uc me to, ay ta co'tan te trato cu'une.

Salmos 106:45

te Diose la sna' xan te trato yu'un soque. Jich la sujt'es sc'op, melel te xc'uxul yo'tan c'ax muc' ta jyalel.

Salmos 102:20

swenta yu'un ya scoltay te mach'a ayic ta ajc'an ta chuquel, soc ya yac' ta libre te mach'atic quecheliquix ta lajele.

Salmos 22:24

Ma ba ya yilay stuquel te me'baetic, ma jichuc nax ya xc'ax bael ta stojolic te bi ora ay swocolique, ma snac' sba ta stojolic te c'alal yacalic ta oq'uele. Ya me yaiy stojol stuquel teme ya sc'anbeyic coltayele.

Salmos 138:3

Te c'alal la jc'oponat, la ajac'bon jc'op; soc la awac'bon esmajuc xan quip.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Salmos 22:5

La sc'anic coltayel ta atojol, jich la awac' ta libre; la smuc'ulinat yo'tanic, jich ma la awac' ta q'uexlal.

Jueces 2:18

Te juez ya sle jujun buelta te Cajwaltique, ya xcoltayot yu'un te jayeb c'aal cuxule, soc ya xcoltayotic te israeletic ta sc'ab te scontroique. Te Cajwaltic ya sna'bey yo'bolil sbaic c'alal ya yaiybey stojol yajc'anic, yu'un ya xwoclajic bayal yu'un te uts'inele.

Génesis 18:18

te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham.

Génesis 17:7

Soc jc'axel ya jpas trato ta atojol ja'at soc jayeb ats'umbal ta patil. Swenta sbajt'el q'uinal te trato cu'un: te jo'on Dioson awu'un, soc Dioson yu'un jayeb ats'umbal ta patil.

Salmos 79:11

Ich'beya ta wenta sc'opic te mach'atic chucajtique, soc te mach'atic ya x'och yich'ic milel; coltaya ta swenta te smuc'ul awu'ele.

Génesis 32:28

La yal te winique: —Ma jichuquix abiil te Jacob, Israel abiil ya xc'otix, yu'un la atsal aba soc Dios soc winiquetic, soc ju'ix awu'un —xi' sc'oplal yu'un.

Hechos 7:34

Quiloj te bit'il ay ta woclajel ta Egipto te lum cu'une. Caiyojbey stojol te yajc'anique. Jich coon tel ta scoltayel. Ta ora to, la' me, yu'un ya jticunat bael ta Egipto”, xi' sc'oplal te Moisese.

Génesis 8:1

Te Diose la sna' te Noé, soc spisil chambalametic, soc spisil bitic cuxajtic sjoinej ta barco. Jich te Diose la yac' taluc ic' ta balumilal, jich ts'uj coel te ja'e.

Génesis 15:13

Jich te Cajwaltic la yalbey: —Na'a me stojol te bit'il ya xc'ax bael ats'umbal ta bay ma slumaluc, soc ya me x'och ta mozoil, soc ya me x'och ta woclajel jbajc' (400) ja'wil.

Génesis 16:11

Melel awic'ojix awal, soc ya me x'alajat. Te querem ya x'ayin, Ismael sbiil ya xc'ot awu'un, yu'un yaiyoj stojol te Cajwaltic te bit'il ay awocole.

Génesis 22:16

Jich la yal: —Yaloj te Diose: “Te bit'il jich la apas, te ma ba wocol la awac'bon te jip jtul anich'ane, jun awo'tan la awac'bon,

Génesis 26:2

Te Cajwaltic la yac' sba ta ilel ta stojol Isaac, jich la yalbey: —Ma me xcoat bael ta Egipto, nainan te banti ya calbate.

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Génesis 35:12

“Te q'uinal la cac'bey sq'uinalin te Abraham soc te Isaac, ja'at me ya cac'batix aq'uinalin, soc ja' me ya cac'bey sq'uinalin te ats'umbal ta patil baele —xi' sc'oplal.

Números 20:16

Jich yu'un la jc'anbeytic coltayel te Cajwaltique. La yaiybotic stojol, jich la sticun tel jtul ch'ul abat yu'un te la sloq'uesotic tel ta Egipto. Ta ora to li' ayotiquix ta lum Cades ta bay sti'il te aq'uinale.

1 Samuel 9:16

—Pajel ta jich ora in to, ya me jticunbat tel jtul winic talem ta sq'uinal sts'umbal Benjamín. Ja' te mach'a tsabil ya xc'ot awu'un. Ya me awac'bey yich' yat'el ta swentainel te lum Israel cu'un, ya me amalbey aceite ta sjol. Ja' me ya scoltaybon loq'uel ta sc'ab filisteoetic te israeletique. La jna'beyix yo'bolil sba te lum cu'une, melel c'otix c'alal ta jtojol te sc'opique —xi' sc'oplal yu'un te Diose.

2 Reyes 13:23

Pero te Cajwaltic la sna'bey yo'bolil sbaic, soc tal xc'uxul ta yo'tan yu'un. Ta scaj te bi xchapoj soc Abraham, Isaac, Jacob te Cajwaltique, la sna' xan. Ma ba la sc'an slajin, soc ma ba la xch'ay ta yo'tan ta jc'axel. Jich nix ay yu'un Cajwaltic c'alal ora te Israel.

Salmos 102:2

Ma me xanac' asit-awelaw ta jtojol te c'alal ya ataon te ayon ta woclajele; c'uxtayawon, aiybon awaiy stojol te jc'ope; ya me ajac'bon jc'op ta ora te c'alal ya jc'oponate.