Éxodo 2:23 - Bible in Tzeltal de Oxchuc y Tenejapa

²³ Bayal c'aal ta patil laj te ajwalil yu'un te Egipto. Pero yacalic ta woclajel ta ajc'an ta mozoinel te israeletique. Ja'uc me to, c'ot ta stojol Dios te yajc'anic soc te sc'opique.

Bible in Tzeltal Bachajón

²³ Bayel c'ahc'al ta patil cham te ajwalil yu'un Egipto. Te snich'nab Israel yaquic ta ahcan yu'un swocolic ta mosohil, tulan awonic yu'un; c'oht ta stojol Dios te yahcanic yu'un te swocolic ta mosohil.

Éxodo 2:23 Referans Kwoze

Santiago 5:4

Aiya awaiy stojol, yac ta c'op ta atojolic te stojol sc'ab te j'at'eletic awu'unic te at'ejemic ta aq'uinalique. Ta scaj te la alo'layique jich ma la atojic. Te yoq'uel te j'at'eletic awu'unique, c'otix ta xchiquin te Cajwaltic te Spisil ya xju' yu'une.

Hechos 7:30

“C'ax cha'winic (40) ja'wil yu'un tey a, chicnaj ch'ul abat la yil ta bay yac ta tilel jpejt' ch'ix ta bay nopol wits Sinaí, te ay ta muc'ul jochol taquin q'uinale.

Génesis 16:11

Melel awic'ojix awal, soc ya me x'alajat. Te querem ya x'ayin, Ismael sbiil ya xc'ot awu'un, yu'un yaiyoj stojol te Cajwaltic te bit'il ay awocole.

Isaías 19:20

Ja' me ta swenta señail ta stojolic ta sna'el ta Egipto te Cajwaltic te Spisil ya xju' yu'une. Te c'alal ya yawtayic te Cajwaltic ta sc'anbeyel coltayel te mach'atic ya xtenotic ta uts'inel, jich ya xticunbot jtul te ya x'ac'ot ta libre yu'un, ja' ya xc'opoj soc ja' ya xcoltayot yu'un.

Salmos 18:6

Te c'alal ayon ta wocol a, la jc'opon te Cajwal, la jc'an coltayel yu'un te Dios cu'une, la yaiybon stojol jc'op c'alal ta templo, c'ot ta xchiquin te cawe.

Salmos 12:5

Yan te Cajwaltic jich ya yal: “Te mach'atic me'baetic ta q'uinal soc te peq'uel ayique, yacalic ta uts'inel soc yacalic ta ac'beyel swocolic. Jich yu'un ya me xjajch'on yo'tic, ya me cac'bey te coltayel te bayal sc'anojique”, xi'.

Nehemías 9:9

Ja'at la awil bit'il c'ax swocolic ta Egipto te antiguo jme'-jtatique, soc la awaiybey yoq'uelic ta sti'il te Mar Rojo.

Deuteronomio 24:15

Tojbeyaic me te yat'elic ta yorail nix te bi c'aalil ya x'at'ejic ta atojolique. Ma me xamaliyic yijc'ubel q'uinal, melel yu'un sme'bail te at'eje. Ya me xtuun yu'un te taq'uin yu'un ya sman bila ya xtuun yu'un a. Teme ma jichuc ya apasique, ya me sc'an parte ta stojol te Cajwaltic, jich me ya ata amulic yu'un.

Éxodo 4:19

C'alal ay to ta sq'uinal Madián a te Moisés, albot yu'un te Cajwaltique: —Baan ta Egipto, melel lajiquix te mach'atic c'an smilate —xi'.

Génesis 4:10

Te Diose jich la yalbey: —¿Bi yu'un jich la apas? Ja' la yalat te xch'ich'el awijts'in te la amalbey ta lumq'uinale.

Números 20:16

Jich yu'un la jc'anbeytic coltayel te Cajwaltique. La yaiybotic stojol, jich la sticun tel jtul ch'ul abat yu'un te la sloq'uesotic tel ta Egipto. Ta ora to li' ayotiquix ta lum Cades ta bay sti'il te aq'uinale.

Éxodo 7:7

Te Moisés ayix chanwinic (80) ya'wilal a, yan te Aarón oxeb yo'winic (83) ya'wilal stuquel a te c'alal la sc'oponic te faraone.

Isaías 5:7

Te ts'usubiltic yu'un te Cajwaltic te Spisil ya xju' yu'une, te ts'unbil yu'un te smulaneje, ja' te nación Israel, ja' te lum Judá. Te Cajwaltic la smaliy te yacuc yich'beyic ta muc' te mandaliletic yu'une, pero ja' nax la sta jmilawaletic tey a; la smaliy te tojuc ya x'at'ejique, pero ja' nax la yaiy stojol aw soc ajc'an.

Éxodo 1:14

La yac'beyic swocol ta tulan at'el ta swots'el ajch'al ta spasel adobe, soc spasel spisil at'el ta q'uinal. Spisil te israeletic bayal xc'uxul la yaiyic te bitic pasbotique.

Éxodo 6:5

Ora yo'tic jna'ojix te ay awocolic te ja'ex te israelex te bit'il yacalex ta sujel ta at'el yu'un te egipcioetique. Ja'uc me to, ay ta co'tan te trato cu'une.

Éxodo 6:9

Te Moisés la yalbey te israeletique; ja'uc me to, ma ba la yich'beyic ta muc' te sc'ope, yu'un chebajemix yo'tanic ta scaj te tulan ta jyalel te mozoinele.

1 Samuel 12:8

Te Jacob soc te mach'atic ay yu'une, bajt'ic ta Egipto. Te patil alnich'anetic yu'un jajch'ic ta buen uts'inel yu'un te egipcioetique; jich la yalic wocol ta stojol te Cajwaltic. Ja' yu'un la sticun Moisés soc Aarón. Ja'ic la yac'bey yiq'uic loq'uel tel ta Egipto te antiguo me'il-tatiletic cu'untic, soc la yac' ainicuc ta lumq'uinal in to.

Job 35:9

“Ta scaj xc'uxul te tulan wocole, ya x'awunic te ants-winiquetic, yu'un ya sleic coltayel yu'un te mach'atic ay bi ya xju' yu'unique.

Salmos 102:1

Cajwal, aiybon awaiy stojol te ya jc'oponate; ya me awac' te ya xc'ot ta atojol te cawe.

Jueces 4:3

Te Jabín ay jo'winic yoxbajc' (900) carreta-taq'uinetic yu'un. Jtab ja'wil la yac'bey buen tulan woclajel te israeletic, ja' to c'alal la yalbeyic wocol te Cajwaltic te yacuc xcoltayotic yu'une.

1 Samuel 9:16

—Pajel ta jich ora in to, ya me jticunbat tel jtul winic talem ta sq'uinal sts'umbal Benjamín. Ja' te mach'a tsabil ya xc'ot awu'un. Ya me awac'bey yich' yat'el ta swentainel te lum Israel cu'un, ya me amalbey aceite ta sjol. Ja' me ya scoltaybon loq'uel ta sc'ab filisteoetic te israeletique. La jna'beyix yo'bolil sba te lum cu'une, melel c'otix c'alal ta jtojol te sc'opique —xi' sc'oplal yu'un te Diose.

Salmos 102:2

Ma me xanac' asit-awelaw ta jtojol te c'alal ya ataon te ayon ta woclajele; c'uxtayawon, aiybon awaiy stojol te jc'ope; ya me ajac'bon jc'op ta ora te c'alal ya jc'oponate.