Éxodo 2:20 - Bible in Tzeltal de Oxchuc y Tenejapa

²⁰ Jich yu'un te Reuel la yalbey ta stojolic: —¿Banti ay te winique? ¿Bistuc la awijq'uitayic jilel stuquel? Baan, ic'aic tel, ac'a tal we'uc —xi'.

Bible in Tzeltal Bachajón

²⁰ Ha yu'un te Reuel la sjoc'obe te yantsil-nich'nab: ¿Banti ay? ¿Bin yu'un la awihquitayic hilel te winique? Ic'ahic tal ta we'el, xchi.

Éxodo 2:20 Referans Kwoze

Génesis 31:54

Te Jacob la yac'bey milbil smajt'an Dios tey a ta wits, la yic' tel te yermanotaque, yu'un ya xtal sjoin sbaic ta sti'el te sti'balule. Tey we'ic a, soc tey wayic a ta bay wits.

Génesis 43:25

Jich te winiquetique la xchajbanic te majt'anile, swenta yu'un te c'alal ya xtal ta olil c'aal te José, ya me yac'beyic smajt'an, melel la yaiyiquix te ya x'ic'otic ta we'el yu'une.

Hebreos 13:2

Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

1 Timoteo 5:10

Soc ya sc'an te lec sc'oplal yu'un te yat'el spasoje, jich bit'il teme jun yo'tan la xch'ijtes te yalataque, soc teme ya xnajc'anwane, soc teme ay la spocbeyix yacan te mach'atic ch'ul lum yu'un te Diose, soc teme ay la xc'uxtayix te mach'atic ay swocolique, soc teme c'aem ta spasel spisil te lequil at'elile.

Job 42:11

Jich bajt' ta ula'tayel yu'un spisil te yermanotac winiquetic antsetic, soc te mach'atic jun yo'tan sba soque, ta spisil te mach'atic ya xna'bot sba yu'un ta namey tele. Ta comon la stsob sbaic ta we'el swenta q'uin ta sna te Job. La smuc'ubtesbeyic q'uinal yaiy: “Pajal c'ux la caiytic te wocol la sticunbat ta atojol te Cajwaltique”, xiic ta stojol. Ta juju-jtul la yac'beyic taq'uin soc jujun ch'ocowil oro.

Job 31:32

te jo'one, ma ba la cac' c'axuc ajc'ubal yu'un ta calle. Spisil ora la jambey jna te jbeometique.

Génesis 18:5

Ya xba quich'bat tel jtebuc awe'el, yu'un ma me xcom q'uinal ya awaiyic ta beel. Patil me ya xbaex, melel ja' swentail te talex ta stojol te awabate —la yut. La sjaq'uic: —Jichuc, pasa te bit'il la awale —xiic yu'un.

Génesis 29:13

C'alal la yaiy stojol te Labán te ja' talem yal te yixlele, jich yu'un animal ba sta tel. La smey, la sbujts'iy, soc la yic' bael ta sna. Jich te Jacob la xcholbey yaiy spisil te bit'il ay soc te sme'-state.

Éxodo 2:19

La sjaq'uic: —Yu'un ay jtul egipcio-winic la scoltayotic, c'opoj cu'untic ta stojol te yantic jcanan-chijetique. Jich yu'un ja' la sloq'uesbotic te ja'e, soc la yac'bey ja' yuch'ic te jchijtique —xiic.

Éxodo 2:21

Te Moisés la xch'uun iq'uel ochel. Tey nain a, la sjoin ta nainel te Reuele. Ta patil te Reuel la yac'bey yinamin te jtul yantsil-nich'ane ja' te Séfora sbiile.