Éxodo 2:14 - Bible in Tzeltal de Oxchuc y Tenejapa

¹⁴ Te hebreo-winic la yalbey: —¿Mach'a la yac'bat awat'el te ya xtal apasotic ta mandale? ¿Yu'un bal ya ac'an amilon jich bit'il la amil te egipcio-winique? —xi'. C'alal la yaiy stojol te Moisés, xiw yu'un. La sna' stojol te chicnajemix te bit'il laj te jtul egipcioe.

Bible in Tzeltal Bachajón

¹⁴ La sjac': ¿Mach'a la ya'bat awa'tel ta ajwalil soc ta juez ta jtojolcotic? ¿Yu'un bal yac anop te yac amilon hich te bin ut'il la amil te egipcio-winic? xchi. Ha yu'un te Moisés xiw yo'tan yu'un, hich la yal: Chicnajemix te bin la jpas, xchi.

Éxodo 2:14 Referans Kwoze

San Lucas 12:14

Jesús la yalbey: —Winic, ¿yu'un bal ay mach'a la yac'bon cat'el ta chajbanwanej ta spuquel sbiluc te atate? —xi'.

San Mateo 21:23

C'alal tal ta templo te Jesuse. Jajch'emix ta p'ijubteswanej a te tal ta c'oponel yu'un te jwolwanej-sacerdoteetique soc te principaletic yu'un te lume. La sjojc'obeyic: —¿Banti la awich' awat'el ta spasel spisil in to? ¿Mach'a la yac'bat awat'el? —xiic.

San Lucas 19:14

“Ja'uc me to, te winique mero ilaybil yu'un te slumale. Jich yu'un te c'alal baemix a, ta spat nax la sticunic bael abat te jich ba yale: “Ma jc'antic te ya yich' yat'el ta muc' ajwalil ta jwentatic te winique”, xiic.

Génesis 19:9

Albotic yu'un: —Q'ueja aba. Ma ja'uc ya xtal apasotic ta mandal te jyanlumat atuquel. Te ja'ate ya ac'an ya awac' aba ta ich'el ta muc'. C'ax jich ya awich' yo'tic te bit'il yantic to —xiic. La stenic te Lot, c'an swuyic te ti'naile.

Hechos 7:35

“Te jlumaltic israeletique ma la sc'an yich'ic ta muc' te Moisese, melel jich la yalbeyic: “¿Mach'a la yac'bat awat'el ta ajwalil soc ta juez?”, te xi' sc'oplal yu'unique. Ja'uc me to, Dios la yac'bey yat'el ta ajwalil soc ta yaq'uel ta libre ta swenta te ch'ul abat te chicnaj ta stojol ta bay jpejt' ch'ix te yac ta tilele.

Proverbios 19:12

Te yilimba te muc' ajwalil, jich bit'il yaw león-choj te ya xiwotic yu'une; yan te yutsil yo'tane, jich te bit'il ts'ujul ta aquiltique.

Números 16:13

¿Jteb nax bal sc'oplal ta awo'tan te la awic'otic loq'uel ta lumq'uinal ta bay ya x'oquin leche soc chab c'oem, swenta yu'un tal awac'otic ta lajel ta jochol taquin q'uinal? ¿Soc ja' bal ya ac'an te ja' mero muc' awat'el ta jtojoltique?

Números 16:3

Spisilic la stsob sbaic, la situyic ta c'op te Moisés soc te Aarón, jich la yalbeyic: —Tiq'uexix a te muc' ac'oplalic te ja'exe, melel spisil lum ch'ultesbil yu'un te Diose. Te Cajwaltic ayix ta coliltic ta jpisiltic. ¿Bi yu'un te c'ax muc' ya awac' abaic soc awat'elic ta stojol te lum yu'un te Cajwaltique? —xiic.

Génesis 13:8

Te Abram jich la yalbey te Lote: —Ma me jpas jbajtic ta contro, te melel quermano jbajtic. Ma me scontroin sbaic te jcanan-chambalametic cu'untique.

San Lucas 19:27

Yan te mach'atic scontroinejone te ma la sc'anic te ya x'ochon ta muc' ajwalil ta swentaique, ic'bonic tel ta jtojol. C'ocbeyaic loq'uel sjol”, xi' te muc' ajwalile —xi' ta yalel te Jesuse.

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

Hebreos 11:27

Ta swenta xch'uunjel yo'tan la yijq'uitay jilel te sq'uinal Egiptoe. Ma ba xiw yo'tan yu'un te yilimba te muc' ajwalile, melel ja' smuc'ulinej yo'tan te Dios te yac ta yilel ta site, manchuc teme ma chicanuc ta ilele.

Génesis 34:27

Spisil te snich'nab Jacob tal yich'beyic bael spisil sbiluc te mach'atic lajemique, jc'axel la sjinic jilel te lume, ja' ta scaj te laj ta uts'inel te yijts'in-ach'ixe.