Éxodo 19:9 - Bible in Tzeltal de Oxchuc y Tenejapa

⁹ Te Cajwaltic la yal: —Ya xtalon ta atojol ta pimil tocal. Jich me ya yaiyic stojol te lum te ya xc'opojotic, jich me ya yich'at ta muc' a —xi' te Diose. Te Moisés la yalbey te Cajwaltic te sc'op te lume.

Bible in Tzeltal Bachajón

⁹ Hich halbot yu'un Jehová: Ya xtalon ta atojol ta pimil tocal scuenta yu'un ya ya'iy te pueblo te c'alal ya jc'oponat, hich me ya sch'uhunat spisil ora a, xchi. Te Moisés la yalbe te Jehová bin la yal te pueblo,

Éxodo 19:9 Referans Kwoze

Deuteronomio 4:36

La sc'oponex c'alal ta ch'ulchan ta swenta ap'ijubteselic, ta lumq'uinal la yac'beyex awilic buen muc'ul c'ajc' yu'un, soc la awaiybeyic sc'op ta yolil te c'ajq'ue.

Éxodo 19:16

C'alal sacub q'uinal ta yoxebal c'aal, chicnaj tel tsantsewaletic soc chawuc, soc mero pimil tocal te jul ta sba te witse. Tulan a jajch' ta oq'uel te xulubiletic. Spisil te lum te ay ta scampamentoique, nijq'uic yu'un xiwel.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

Salmos 97:2

Joytaybil yu'un ijc'al pimil tocaletic te muc' ajwalile; te toj-o'tanil soc te bitic toj ya xchajbane, ja' ipajem c'oem yu'un a te smuc'ul nactijibe;

Éxodo 20:21

Te lum q'uejel la yac' sbaic. Te Moisés la slac' bael te ijc'al tocal te banti ay te Diose.

Éxodo 14:31

C'alal la yil israeletic te smuc'ul yu'el Cajwaltic, te bila la spasbey te egipcioetic, la xi'ic te Cajwaltic, jajch' xch'uunic soc la yich'ic ta muc' te yabate, ja' te Moisese.

Apocalipsis 1:7

¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.

San Lucas 10:16

“Te mach'atic ya yaiybeyex stojol te ac'opique, jo'on la yaiybonic stojol jc'op abi. Te mach'atic ya sp'ajexe, jo'on la sp'ajonic abi. Teme ya sp'ajonic te jo'one, ja' ya sp'ajic uuc te Mach'a sticunejon tele —xi' te Jesuse.

San Marcos 9:7

Talic ta axintesel yu'un te tocale. Ay mach'a c'opoj tel ta yolil te tocale: —Ja' in to, ja' te Jnich'an te bayal c'ux ta co'tane. Aiybeya awaiyic stojol sc'op stuquel —xi'.

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

2 Crónicas 20:20

Ta yan c'aalil buen sab jajch'ic, swenta yu'un ya xjajch'ic ta beel ta stojol jochol taquin q'uinal Tecoa. Te c'alal yacalic ta beel a, te Josafat la stejc'an sba ta yalel bael: —Aiybon awaiyic stojol jc'op, yajwalex Jerusalén soc ta spamal Judá: Ac'a smuc'ulin awo'tanic te Cajwaltic, te Dios cu'untique, jich me ma xtal xiwel ta awo'tanic. Ac'a me smuc'ulin awo'tanic te bi la yal te j'alwanejetic yu'une, jich me lec ya xc'oex ta loq'uel ta spisil a —xi' te Josafat.

2 Crónicas 6:1

Jich yu'un te Salomón la yal: “Cajwal, awaloj te ja'at ya xnainat ta mero pimil tocal.

1 Reyes 8:12

Te Salomón jich la yal: —Ja'at Cajwal, jich awaloj te nainemat ta ijc' q'uinal.

Éxodo 4:5

La yal te Diose: —Ja' me tey ya xch'uunic a te yac'ojix sba ta ilel te Ajwalil ta atojole, ja' te Dios yu'un te antiguo ame'-atatique, te Dios yu'un Abraham, Isaac soc Jacob.

Éxodo 4:31

La xch'uun yo'tanic te lume. C'ot ta yo'tanic te yorailix te ya yich'ic coltayele, te na'botix yo'bolil sbaic yu'un te Cajwaltique. La stinan sbaic coel c'alal ta lum, caj yalbeyic bayal wocol te Diose.

Éxodo 34:5

Te Cajwaltic coj tel ta tocal, tey la sta sba soc a te Moisese. Te Cajwaltic la yal te sbiile.

Números 12:5

Te Cajwaltic coj tel ta pimil tocal, tey la yac' sba ta yochibal te Nailpaq'ue. Ta ora la yic' te Aarón soc te María. Jich la stejc'an sbaic ta stojol

Salmos 99:7

Te Dios c'opoj soc c'alal to ta bay xtomet te tocale; la sc'otesic ta pasel te mandalil te ac'botic yu'une.

Deuteronomio 4:10

“Te bi c'aalil la atejc'an abaic ta stojol te Cajwaltic te Dios cu'untic ta wits Horeb, jich la yalbon: “Tsoba te lume, swenta yu'un ya me yaiybonic te jc'ope, soc ya me snopic te ya yich'onic ta muc' te jayeb c'aal ya xcuxinique, soc ya me yac'beyic snop te yal-snich'nabe, swenta yu'un ja' ni me jich ya spasic uuc”, xi'.