Éxodo 19:6 - Bible in Tzeltal de Oxchuc y Tenejapa

⁶ ¡Te ja'exe ajwalilex soc sacerdoteex soc ch'ul lum c'oemex ta jtojol!” uta me —xi' te Diose.

Bible in Tzeltal Bachajón

⁶ Soc ha'ex pueblo yu'un sacerdotehetic soc ch'ul nación ya xc'ohex cu'un. Ha me te c'op ini te yac awalbe te snich'nab Israel, xchi.

Éxodo 19:6 Referans Kwoze

Apocalipsis 5:10

La awac'beyix yat'elic ta ajwalil soc ta sacerdoteil ta stojol te Dios cu'untique, soc ya me xmandalajic ta balumilal”, xiic ta c'ayoj.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.

Apocalipsis 1:6

soc la yac'otiquix ta ajwalil soc ta sacerdoteil te jich ya yabatinotic te Diose, ja' te Stat te Jesucristoe. Jelawenuc me yutsilal soc ayuc me tulan yat'el sbajt'el q'uinal stuquel. Jichuc.

Deuteronomio 7:6

Melel te ja'exe, ch'ul lumex yu'un te Cajwaltic te Dios cu'untique. Stsaojex loq'uel ta yolil spisil te yantic lumetic ta balumilal, swenta yu'un ja'ex me lum yu'un ya xc'oex.

Deuteronomio 28:9

“Teme ya ach'uun spasel te mandaliletic yu'un, soc teme ja' ya at'unbey te be yu'une, te Cajwaltic Dios stalel me ch'ul lum ya xc'oat yu'un, jich nix te bit'il jc'axel yalojbate.

Isaías 62:12

Te mach'atic israeletic ya me x'albotic: “Ch'ul lum”, xi' me sc'oplal, soc: “Ja' te mach'atic ac'otic ta libre yu'un Cajwaltic”, xi' me sc'oplal. Soc ya me x'albot te Jerusalén: “Lum te Mulanbile”, xi' me sc'oplal, soc: “Te lum ma ba pijt'esbile”, xi' me sc'oplal.

Deuteronomio 26:19

Te Cajwaltic muc' me ya xc'oat yu'un ta stojol yantic nacionetic, soc muc' me yutsil ac'oplal ya xc'oat yu'un. Ya me x'ich'otat ta muc', soc ya me xpujc' ac'oplal ta stojol te yantic nacionetic la spase. Jich me ya xc'oat te bit'il la yalixe, ch'ul lum me ya xc'oat yu'un te Cajwaltic te Dios cu'untique —xi' te Moisese.

Levítico 19:2

—Albeya ta spisil te israeletic te bila ya calbate: “Ch'ultesa me abaic, melel te jo'on te Ajwalilon soc te Dioson awu'unique, ch'ul Dioson jtuquel.

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

Apocalipsis 20:6

Bin nax me yutsil te mach'atic cha'cuxic ta sbabial buelta cha'cuxele, soc ja'ic te ch'ul lum yu'un Dios stuquelique. Te xchebal buelta lajele ma'yuquix yip ta stojolic. Sacerdoteetic yu'un Dios soc te Cristoe, soc ya me sjoinic ta ajwalil jmil (1,000) ja'wil te Cristoe.

1 Corintios 3:17

Teme ay mach'a ya sjin te templo yu'un te Diose, ya me yich' jinel yu'un uuc te Diose. Melel te templo yu'un te Diose, ja'ex abi, te ch'ultesbilexe.

Isaías 61:6

Ya me yich' alel te sacerdoteex yu'un te Cajwaltique; soc ya me yich' alel te yabatex te Dios cu'untique. Ya me awaiybeyic lec yutsilal sc'ulejal te yantic nacionetique; ya me ach'al abaic soc te xojobil yutsilalique.

Levítico 20:26

Te ja'ex ya me sc'an te ch'ultesbilex ta jtojole, melel jo'on Ajwalilon ch'ul Dioson, yan me awilelic cu'un te bit'il yantic lumetique, swenta yu'un jo'on cu'unex.

Deuteronomio 14:21

“Ma me xati'ic te chambalam ya xlaj ta stuquel nax, melel te ja'exe, ch'ultesbilex yu'un te Cajwaltic te Dios cu'untique. Ya me xju' ya awac'bey te jyanlumetic nainemic ta alumalique, ya me xju' ya sti'ic stuquel. Soc ya xju' ya achonbeyic te jyanlumetic c'axel nax ayique. “Ma me xapayic ta ya'lel xchu' sme' te ch'in tentsune.

Levítico 21:23

pero ma xju' ya x'och bael ta spat te pac' t'imile, soc ma xju' ya xnoptsaj bael ta stojol te scajtijib ta chiq'uel majt'anil, melel ay banti ma lecuc sbaq'uetal; swenta yu'un jich ma sboltesbon sc'oplal a te ch'ul awilal cu'une. Melel jo'on te Ajwalilon te ch'ultesbilic cu'une —xi'.

Levítico 20:24

Jo'on ya calbeyex ta jamal, te ja'ex awu'unic ya xc'ot te slum-sq'uinalique. Jo'on nix me ya cac'beyex awu'uninic te lumq'uinal te banti ya x'oquin leche soc chab c'oeme. “Jo'on Ajwalilon Dioson awu'unic, yan me awilelic cu'un te bit'il yantic lumetique.

1 Tesalonicenses 5:27

Ya calbeyex mandal ta swenta te Cajwaltique, ya me awawtaybey yaiyic in carta to ta spisilic te quermanotactique.

Éxodo 15:26

Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.

Éxodo 22:31

“Te ja'exe ch'ultesbiluquex me ta jtojol. Ma me xati'beyic sbaq'uetal lajem chambalam te milbil yu'un jti'awal ja'mal chambalam ta yol q'uinal. Ac'beyaic me sti' te ts'i'etique.

1 Reyes 3:8

pero ayonix ta stojol te lum tsabil awu'une. Ja' te lum mero muc' te ma spas ta ajtayel yu'un yipale.

1 Reyes 8:53

Melel te ja'at Cajwal, parte la awac', yu'un la awu'unin te antiguo jme'-jtatic ta yolil te yantic lume. Jich awaloj ta swenta te awabat Moisés te c'alal la awic' loq'uel tel ta Egipto —xi' ta sc'oponel Dios te Salomón.

1 Crónicas 17:22

melel la awic' te Israel te ja' lum ya xc'ot awu'un ta sbajt'el q'uinal, soc Diosat yu'unic ya xc'oat, Cajwal.

Isaías 43:4

Melel toyem atojol la caiy ta co'tan, muc' ac'oplal cu'un soc c'uxat ta co'tan. Swenta yu'un ya cu'uninat soc ya jcoltaybat acuxlejal, jich ta awenta ya cac' winiquetic soc nacionetic.

Isaías 66:21

“Ay me mach'atic tey a te ya jtsa ta swenta sacerdoteil soc levitail. Jo'on, jich la cal te Ajwalilone —xi' te Cajwaltique.

Jeremías 2:3

Israel ch'ultesbil ta jtojol, ja' te mero c'ax lec sit c'oeme. Teme ay mach'a tal ta uts'inel yu'une, jo'on la cac'bey castigo, la jticunbey tel bila amen ta stojolic. Jo'on Ajwalilon te jich la cale”, uta me —xi' te Cajwaltique.

Jeremías 7:23

Te bila mandal la calbey, ja' te ya xch'uunbonic te jc'ope, melel jo'on te Dioson yu'unic ya xc'oone, soc ja'ic te lum cu'une. La calbey te tojuc ya yac' sbaic jich bit'il la jpas ta mandal, swenta yu'un lecuc me ya xc'otic ta loq'uel a.

Jeremías 13:11

Jich bit'il te mach'a tulan ya xchuc xch'ujt' ta xchujq'uil, jich ta co'tan spisil te lum Israel soc spisil lum Judá, jun nax c'oem ta jtojol. Ja' lum cu'un ta neelal, te sc'oplal la yac'onic ta na'el stojol, soc ya yalbonic wocol yu'un cutsilal te jichuque. Ja'uc me to, ma la xch'uunbonic c'op. Jo'on Ajwalilon, jich ya cal —xi'.

Amós 3:2

—Ja'ex nax atuquelic te la jtsaex ta yolilic spisil te lumetic ta balumilal. Jich yu'un ya cac'beyex castigo yu'un spisil te bila amen apasojique —xi'.

Éxodo 28:36

“Pasa lejch'el taq'uin ta puro oro. Ya me ats'ibuy tey a in c'op to, jich me ya yich' pasel te bit'il sello: “JA' YU'UN TE CAJWALTIQUE”, xi' me.

Números 16:3

Spisilic la stsob sbaic, la situyic ta c'op te Moisés soc te Aarón, jich la yalbeyic: —Tiq'uexix a te muc' ac'oplalic te ja'exe, melel spisil lum ch'ultesbil yu'un te Diose. Te Cajwaltic ayix ta coliltic ta jpisiltic. ¿Bi yu'un te c'ax muc' ya awac' abaic soc awat'elic ta stojol te lum yu'un te Cajwaltique? —xiic.

Salmos 114:2

ja' templo yu'un Cajwaltic c'ot te Judá, soc och ta ajwalil yu'un Israel te Cajwaltique.

Hageo 2:5

Jich te bit'il la calbeyex te c'alal loq'uex tel ta Egipto, te ja' ya sjoinex te espíritu cu'une. Ma me xiwex jiche.