Éxodo 19:4 - Bible in Tzeltal de Oxchuc y Tenejapa

⁴ “Ja'ex awilojic te bitic la jpas ta stojol te egipcioetique, soc te bit'il talex cu'un li' c'alal to, melel cajalex tel cu'un ta sba xic' águila c'oem.

Bible in Tzeltal Bachajón

⁴ Ha'ex awilojic te bin la jpasbe te egipciohetic, soc te bin ut'il la jcajanex tal ta sba xic' muc'ul jxic soc la jquiq'uex tal ta jtojol.

Éxodo 19:4 Referans Kwoze

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Isaías 40:31

Yan te mach'atic ya smuc'ulin yo'tanic te Cajwaltique, spisil me ora ya x'ach'ub yipic stuquelic. Jich me ya xju' xwilic c'oem te bit'il águila; ya xju' x'animajic, mero ma xlubic, soc ma xcom yo'tanic te ya xbeenique.

Apocalipsis 12:14

Te antse ac'bot xiq'uin xchebal xic' te muc'ul águila, swenta yu'un ya xju' ya xwil bael c'alal ta bay yawil ta jochol taquin q'uinal te c'ubul ya yil sba soc te chane. Tey ya yich' mac'linel olil xchaneb ja'wil a.

Deuteronomio 29:2

Te Moisés la stsob spisil te israeletic, jich la yalbey: —Ja'ex la awilic spisil te bitic la spasbey Cajwaltic ta Egipto te faraón, soc nix te sjo'tac ta at'el ta ajwalil, soc ta stojol spisil te yajwal te slum-sq'uinale.

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.

Hageo 2:5

Jich te bit'il la calbeyex te c'alal loq'uex tel ta Egipto, te ja' ya sjoinex te espíritu cu'une. Ma me xiwex jiche.

Malaquías 2:10

¿Yu'un bal ma junuc nax Jtatic ta jpisiltic, ja' te Dios te la xchicnantesotic ta jpisiltic? ¿Bi yu'un nix a te ya jlo'lay jbatic juju-jtul te yacotic ta jelawel a te trato la spas Dios soc te antiguo jme'-jtatique?

Deuteronomio 1:30

Te Cajwaltic te Dios cu'untic, ja' neel yac ta beel ta atojolic. Ja' me ya x'och ta guerra awu'unic stuquel, jich nix te bit'il la spas la awilic ta Egipto,

Deuteronomio 1:31

soc te la spas ta jochol taquin q'uinale. Te Cajwaltic te Dios cu'untic spetojex ta beel ta be li' c'alal ta banti ayotic ta ora in to, jich te bit'il tatil ya spet ta beel snich'ane”, xoon ta atojolic.

Deuteronomio 29:1

Ja' te trato albot spas yu'un Cajwaltic te Moisés ta stojol te israeletic ta sq'uinal Moab, ja' nix jich te bit'il yan trato la spas ta stojolic ta wits Horeb.

Josué 23:3

Te ja'ex la awilic spisil te bila la spas te Cajwaltic ta stojol spisil te lumetic te la stoy sbaique. Ja' me stuquel te la yac' guerra ta awentaic te Cajwaltique.

Oseas 11:1

“C'alal jich to nax bit'il alal a te lum Israel, jo'on la jc'uxtay; ja' stuquel te mero jnich'an la caiye, la quic' loq'uel tel ta Egipto.