Éxodo 19:24 - Bible in Tzeltal de Oxchuc y Tenejapa

²⁴ Te Cajwaltic, jich la yal: —Baan, coan bael, ta patil ya me xtalat soc Aarón. Yan te sacerdoteetic soc te lum ma me xc'axic tel, teme ya xmoic tel ta bay ayone, repente tan ya xbajt'ic cu'un —xi' te Diose.

Bible in Tzeltal Bachajón

²⁴ Pero hich halbot yu'un Jehová: Bahan, cohan bahel, ya me xtalat soc Aarón; yan te sacerdotehetic soc te pueblo ma me xc'axic ta seña sti'il yu'un ya xmohic tal ta stojol Jehová, scuenta yu'un ma ba ya xlajinot yu'un, xchi.

Éxodo 19:24 Referans Kwoze

Hebreos 4:16

Jich yu'un jun co'tantic ac'a noptsajucotic bael ta smuc'ul nactijib te Diose, te bayal yutsil yo'tan cu'untic stuquele, swenta yu'un jich me ya jtatic c'uxtayel yu'un. Melel ta swenta nax yutsil yo'tan ya scoltayotic teme ay bila ay jwocoltic yu'une.

Hebreos 12:29

Melel te Dios cu'untique, jich ay te bit'il c'ajc' te ya xju' ya xlajinwane.

Gálatas 3:22

Ja'uc me to, ya yal te Sjun Dios te chuculotic yu'un te mulile. Jich yu'un ja' nax ya xju' ya quich'tic te bila yaloj Dios teme ya cac'tic xch'uunjel co'tantic ta stojol te Jesucristoe.

Gálatas 3:19

Jich yu'un, ¿bila ya xtuun xan a te mandalile? Ja' la yich' aq'uel ta patil yu'un te tey me ya xchicnaj ta jamal a te smulic te mach'atic ya sc'axintayic te mandalile. Ja' to te c'alal tal te sts'umbal Abrahame, ja' te mach'a la yalbey sc'oplal te Diose. Te mandalile la yich' aq'uel ta swenta ch'ul abatetic, soc ay jtul winic te la sc'ases c'op ta stojol te lume.

Romanos 4:15

Melel ay castigo yu'un te xc'axintayel te mandalile; ay castigo yu'un, ja'uc me to, ta banti ma'yuc te mandalile, jich ma'yuc bila ay ta c'axintayel tey a.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Lucas 16:16

“Te mandalil soc te bila la yalic jilel te j'alwanejetique, ay ta ch'uunel ja' to c'alal tal te Juane. Tey jajch' ta cholel a te lec yach'il c'op te bit'il ay ta ajwalinel te Diose. Spisil ants-winiquetic ya sten sbaic ochel tey a.

San Lucas 13:24

—Ac'aic puersa ta ochel bael ta bay tsail nax sjamalul te ti'naile. Ya calbeyex te ay me tsobol mach'atic te patil ya sc'an yo'tanic te ya x'ochic tey a, ja'uc me to, ma xju'ix yu'unic.

San Mateo 11:12

“Te c'alal tal te Juan J'ac'-ich'ja'e ja' to ta ora to, jajch' ta controinel yu'un te bit'il ay ta ajwalinel te Dios te ay ta ch'ulchane. In te mach'atic yich'oj sbaic ta muc' soc te yipique, yo'tanuc ya yu'uninic.

Éxodo 24:9

Te Moisés mo bael ta wits soc Aarón, Nadab, Abiú soc xan te lajuneb xchanwinic (70) mamaletic yu'un te Israele.

Éxodo 24:1

Te Cajwaltic, jich la yalbey te Moisés: —Moan tel soc Aarón, Nadab soc Abiú, soc xan te lajuneb xchanwinic (70) mamaletic ich'bilic ta muc' yu'un te israeletique. Li' xtalex te banti ayon to, ja'uc me to c'ubul me ya x'ainex, soc ya me aquejan abaic.

Éxodo 19:12

Ya me awac'bey señail te bay ya xcomic ta sjoyobal te witse, te ma xc'axic tel tey a te lume. Albeya, ya me yich'ic ta muc' te bila la awalbeye. Ma me xmoic ta wits, soc ma me xnoptsajic ta sjoyobal, melel spisil mach'atic ya xnoptsajic bael tey a ya me xlajic.

Éxodo 19:25

Coj tel Moisés, jich jul yalbey te israeletique.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

1 Crónicas 13:9

C'alal c'otic ta bay te Era yu'un Quidón, te Uza la yac' bael sc'ab ta stsaquel te cajone, yu'un la sc'ojch'in yacanic te wacaxetique.