Éxodo 19:21 - Bible in Tzeltal de Oxchuc y Tenejapa

²¹ Te Cajwaltic, jich la yalbey: —Coan bael, pasa ta mandal te lume: Ma me xc'axic tel tey a ta bay te señaile. Ma me snop ta yo'tanic te ya sc'an yilonique, teme ayuc bit'il bayaluc ta jtul ya xlajic.

Bible in Tzeltal Bachajón

²¹ Te Jehová hich la yalbe te Moisés: Cohan bahel, halbeya te pueblo te ma me xc'axic tal ta seña sti'il ta yilel te Jehová, yu'un tsobol me ya xlajic yu'un.

Éxodo 19:21 Referans Kwoze

1 Samuel 6:19

Pero te Cajwaltic ay la yac'bey lajuc te yajwal Bet-semes, scaj te la sjam yilic te cajón yu'une. Jich la yac' lajuc lajuneb xchanwinic (70) ta jtul. Te yajwal lum bayal oq'uic yu'un te bayal mach'a la yac' lajuc te Cajwaltique.

Éxodo 3:5

Jich yu'un Dios la yalbey: —Ma me xnoptsajat tel. Loq'uesa te axanab, melel te banti ayate, ch'ultesbil te q'uinale —xi' sc'oplal.

Eclesiastés 5:1

Te c'alal ya xbaat ta templo yu'un te Diose, buen tsajtaybil me x'ainat tey a. Ma me ja'uc nax xbajt' awo'tan yaq'uel milbil majt'anil, jich te bit'il ya spasic te ants-winiquetic te ma sna'ic q'uinale, te ma ba ya sna'ic te amen te bi ya spasique. Te ja'ate, noptsajan xan me bael ta sts'eel te Diose, junuc me awo'tan xach'uunbey spisil smandal.

Éxodo 33:20

Ja'uc me to, jamal ya calbat, ma xju' ya awilbon te quelawe. Ma'yuc jtuluc winic ya xju' ya yilbon jsit te stalel cuxul ya xjile —xi'.

Éxodo 3:3

Jich la yal ta yo'tan te Moisés: “Jchajp ya quil a. Ya xba quil bi yu'un te ma xc'ajc' te ch'ixe”, xi'.

Números 4:20

Jich ma x'och yilic ni jtebuc te bitic ch'ultesbil, soc jich ma xlajic —xi' te Cajwaltique.

Deuteronomio 5:5

Te jo'on ayon ta olil ta stojol Cajwaltic soc ta atojolic, swenta yu'un ya calbeyex te bila la yal te Cajwaltique, melel te ja'exe la axi'ic te c'ajq'ue, jich ma ba moex bael ta wits. Jich la yal te Cajwaltique:

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.

Números 4:18

—Ma me xawac' te ya xch'ay jchajbuc sts'umbal Coat ta yolilic te levitaetique.

Números 4:19

Ma me staic castigo ta lajel ta scaj nax teme la spiquic te bitic ch'ultesbile. Jich me ya sc'an ya spasic te bit'il in to: Te Aarón soc snich'nab ja' me ya swentainic yalel juju-jtul te bila ya sc'an ya spasic soc te bila ya xc'ot ta swenta yich'el baele.